منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================

منتديات الزجل اللبناني الشاعر: عمار البراضعي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

صعب التغيير

اذهب الى الأسفل

صعب التغيير Empty صعب التغيير

مُساهمة من طرف shemi5 في 1/31/2009, 11:31 am

ا
بلّشت حسّ بنقص من اسبوع
و فكّر بحالي ليش متغرّب

يمكن لانن كتّروا الممنوع
و خافوا عليي كتير اتجرّب

بعرف يا عمّي حقك المشروع
تحافظ على الارزاق تتخرّب

بلبنان كنت بتعرف الموضوع

بعمل شو بدي كنت متمرد
بلبنان كنت العز متشرّب



بدك تطوّل بالك عليي



سليمان
المدير العام


--------------------------------------------------------------------------------

الواقف بوجّ العاصفة وناطر

يمرق حلم يرسم ل عمرو حدود

كتار البيـــقــــولوا ســـــــافر الشاطر

لــــــــــــكن ما عرفوا شاطر البـيعود



وهيك الدني يا شامخ العالم بتحكي



shemi5
مشرف مميز





بتعرف المشكل وين يا سلمان
حكيك صحيح و باهظ الكلفي
لاكن في كلمة نقالت بلبنان
هربنا من المذراب للدلفي


ههههههههههههههههههههههههههههه



سليمان
المدير العام





المزراب فيك تحوّلو ملايين
ان كنت زلمة وكلمتك بالوش
لكن اذا بتكون يا مسكين
مأّنت بِِنقطة زغيّرة بْتّش

ههههههههههههههههههههههههههههه






لقصة و ما فيها ضايع الشنكاش
و الحق باطل سكّت الكلمي
هون الزلم بتروح سعر بلاش
و الجبن صار سلاح للزلمي



سليمان
المدير العام





خليّك نايم ب حضن أمّك

تا نشوف كنّو بتنحسب زلمة

وجهّز وراقك لا بقا يهمّك

وان كنت زلمة نفّز الكلمة

***********
ههههههههههههههه



shemi5
مشرف مميز



العمر : 21
--------------------------------------------------------------------------------

معروف عنّي كامل مروّة
بكامل رضايي صامد و باقي
و ان كانت الشغلات بالقوة
بكرا عبكرا مجهز وراقي




هههههههههههههههههههههههههههههههههههههههههههه



سليمان
المدير العام





جهّز وراقك فل وتوّكل

وبكرى مع الأيام يا تشتوش

بتحمل فرد أحزاب ومنكّل

وبتعيش بالغابات متل وحوش

*******
وللموت صوتك بايعو تا تعيش

وبتضل خلف البيك والمسؤول

ناطر الذل وحسنة البخشيش

ومبهول يا شامخ انت مبهول


هههههههههههههه



انتو يا ماضي سلاح و المدفع
غلطو و اكلتو حصرم بتشرين
و نحنا ياحسسرة منضرس مندفع
و انتو عن الاغلاط مسؤولين
****************
كل اللقلتو صاير بلبنان
كنت الزعيم بتحلم بطيفو
واللي بياكل من خبز سلطان
مجبور يضرب بالدني بسيفو



سليمان


شو باك راجع تلعن الماضي

بعلمه برجعة موفّقة موعود

وبعيشتك لو كنت مش راضي

لازم تشد بغربتك تا تعود


خلّيك متل الشمس سجّادي

تستقبل النجمات لمّا تفوت

بعرف انا خلقان ببلادي

لكن ما بعرف ويّن بدّي موت



shemi5
مشرف مميز





طبعا انت غلطان با عمعوم
لا لعنت او سبّيت بالماضي
لاكن انا بالعكس حقّي لوم
لعل حرب اصبع بصّم وماضي
***************
و ليشي حتى تموت متخرسن
و تمك ب.بفرد..مسكّر و مقفول
بدك نصيحة تنتقي الاحسن
ولا تكون جدبي بالدني و مسطول


هههههههههههههههههههههههههههههههههههههههههههههههههههههههههههههههههههههههه
shemi5
shemi5

عدد الرسائل : 62
العمر : 33
تاريخ التسجيل : 14/01/2008

https://7arf.editboard.com/profile.forum?mode=register&agreed

الرجوع الى أعلى الصفحة اذهب الى الأسفل

صعب التغيير Empty رد: صعب التغيير

مُساهمة من طرف salomon في 1/31/2009, 10:57 pm

زعلان ليش معصّب مبيّن

تا تهين ماضي يرحم الماتوا

بيّك تا تدخل جامعة تديّن

والملح شحدو وباع ارضاتو

*****
خلّي طريقك شوك ملياني

تا تصير زلمة وتزرع الوردات

الغربة ما بدها ولاد جهلاني

بدها رجال تجّمع الليرات

***** هههههه
virus virus virus virus
salomon
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى