طابخين وز وفشاشي عزيمة ع الفيس بوك

من طرف **7arf** 6/28/2009, 2:37 pm

ولووووووووووههههه كلكون عا حرف واللعب منو ههههههههههههههههه جيتك
ملك الطبخ ابو شربل

ياموقع شعرنا تا نصون عزّك***عا راسي رش بالعركــــات رزّك

انا ما اعتدت أعزم عا المحاشي***اذا بالمنتدى ما دبحـــــت وزّك

يا حكمة ليش متل النمل مـاشي***وعا بيدر شعرنا محـزّك امـــزّك

تعا يا صاحبي خود الأعــــاشي***وبلا ما نزّلك بتعــــرف بعـــزّك

انت بالمنتدى متل الفــــــراشـي***الشهد والنحـــل لازم يستـفـــزّك

ما بدي يضل عا عيونك غباشي***ما بعرف مين عا سليـمــان دزّك

انت ما فيك تحسبنا مـــــــواشي***اذا شي بيت قاسي ما استلــــزك

أجا حرّوف تا طيشك يماشـــــــي***وبقلب المنتدى طقّــــــك ووزك

انت انسان حاقد انكــمــــــــاشي***وبموقع شعرنا مضروب بــــزّك

هربت ما فيك تتحمل كـبــاشـــــي***وعا انترنيت بدي قـــــول وزّك

تركت المنتدى وسحبت غاشــــــي***وبتوتي يابسي دودات قـــــــزّك

صرت تظهر بطل من خلف شاشي***وعلى الفيس بوك ولسانك مجزّك

لا نقشة كلمتك من ها القـمــــاشي***ولا فيك تقول سيف الحقد غـــزّك

ومتل ما بيعملو بتوم الفشـــــــــاشي***جايي أعملك عا النت جـــــزّك

واذا بتكون بالأشعار فـــــــــــــــاشي***بدي أهرمك متل السلاطـــــة

وبجاط بلاستيك على النت هزّك

=================
حرف
ياويلي عليك شو ها ياملكوت ههههههههههههههه
=======================

بو شربل انت يا اغلا صحـــابـــــي
بتعرف حرف مابيهوا الكتـــــابــــي
ومتل مابيركعوالك عن شجــــاعـــة
انحنوا من طلةّ حروف الاهـــابــــي

عرد حكمت لك لك هالبضــــاعــــة
ندالو بو عبس هزوا ركــــــــابـــــي
وخصم الحرب نسينا الرضـــاعـــــة
وحليب العاطسو بمنخور خــــــــابي

انا بالمرتجل عندي قــــــنـاعــــــــة
وعلى التحضير مابفتـــــــح بوابـــي
خلقت بعكــــس غيري ياجمــــاعـــة
فـــــارس شعر مش فاتح جـــيــــابي

ويانص مصــيص ياعبس البشـاعـــة
انتبه لو شلــت سيفي من قــــــــرابي
لابرحم خـــواريــــــف الــــــــوداعة
ولابغير الذبـــح بفــــــــتح حرابـــــي

لهاالأسباب ماعندي مراعـــــــــــــى
ولا خصم ركيك بينرفز عصـــــابـــي
اذا ماطق متلي بربع ســــــاعــــــــة
لوحدو بتركو جمعة يحضـــّــــــــــــر
وفقع يطق تايلمح جـــــــــــــــــــوابي

===============
هههههههههههه وزوزوزوزوزوزوز
ويلا فرجينا بزعك ياحكمااات
===============

بعد الطـبخ مجبور كـنّــــس تا تصير
عندك نضافي يا أرض تحت الحصير

هربـــــان منّي ليش يا قـــزم الزغير
ورايح لفيس البوك تستجــــدي نصير

ان كنت زلمـــي بالقصــيد وبالزجل
طق ارتجالي وحاج تتفلــســـف كتير
===============

ياويلي عليك ياحيكو اجت ليك المكنسة تقشك
زيكو زيكو وحدة إلو وحدة لشريكو
هههههههههههههههههههههههههههه
================
لاتضل جمعة ونص اكــتــــــب ع عجـل
او تدعي مشغــــــــــــــول يافرخ الحجل

كمشتك ع عنقك حــاجـتـــــك تحكي دجل
عيـــــــــونك قبــالي تبعللو وقرب الاجل

صيصيان انتــــــوا وجيـت اطبخكن مرق
واحشي بكرشــك رز بلــدي المرتجـــــل
=================
ياحكمااااااات وينك وينك وينك !!!!!!
هههههههههههههههههههههه
=================

حكمت شديد كتب
‎Hikmat Chedid Helou‎‏ كتب\
في 20 يونيو، 2009‏ عند 07:23 مساءً‏
هلأ بيشرفك طالع عا بالي ربيك بالشعر بس قللي مينك يا زلمي
ت أعرف مع مين عم أحكي. بركي كنت شي سياسي كبير أو شي رجل دين...
ما بيسوا مسخك بالشعر. كرمال هيك قلنا مينك و ما بخبر حدا بوعدك...
متل ما صار مع التراث.

يلا يا صاحبي ناطرك توديلي اسمك و من وين
. لي خايف ولو؟ منك عن تعمل عيب

=====================

فادي فياض كتب

منشور رقم 6‏‎Fadi Fayad (Lebanon)‎‏ كتب\
في 20 يونيو، 2009‏ عند 07:38 مساءً‏

منشور رقم 6‏‎Fadi Fayad (Lebanon)‎‏ كتب\تفي 20 يونيو، 2009‏ عند 07:38 مساءً‏
سليمان عا عزيمتك ممنون ---لكن يا بو شربل حمل تقلي

لا تحرّج عليي وعلى انطون --- ولا تلعب بعقلو ولا بعقلي

عرفتك عم بتطبخ ببرحليون --- وحرف عم يجليلك المقلي

صار وزنك شي تلاتي طون --- وبعدك عم بتشوي وعم بتقلي

هون مش مطبخ أكل وصحون --- ولا هرم بقدونس ولا بقلي

سلاطة ولبنة وزيت مع زيتون --- سفرة منابرنا ما تعجقلي

البراد لو شفة إلو وعيون ----بتزيد كهربتو إذا شافك

وبيقول عني حل شي شقلي

ههههههههههههههههههههههههههههههههههههه
========================

حرف
ياعيني ع رب الله اللي خلق ربك والله شي حلو يافادي

شفت كيف بيردوا ياحكمات ؟

هيذا الشعر وهيك بتكون الشعراء مش منين انتي وشو اسمك وشو دينك
ومابعرف شو كمان ولك كول قلبي بس تعلم
ههههههههههههههههههههههههههه

===============

نحنا يافادي للزجل رايــــــــــــات
رفعنا بدون الجاه والـغـــــايـــــات

وكل شاعر طل متل الســبـــــــــع
والسبع شغلو يصون هالغـــابــــات

ولما بوشربل طل نادى الـربــــــــع
وعامل عزيمةّ طيــــــــــخ بالردات

يطعم وانتي بتعرفو بالطبـــــــــــــع
كل طبخو شعـــــــــــــــر للأرزات

والحرف شاعر ارتجالي و نـبــــــع
ماطل للمقلى ومسح بيـضـــــــــات

جايي تايمسح ارضكن بالضــــبــــع
العا فرد زر متـنــــــح ومسبـــــوع

ومتل اللوح ماشي شبه حكـمــــــات
==============
ياويلي عليك هههههههههههه
==============
حكمت شديد

منشور رقم 8‏‎Hikmat Chedid Helou‎‏ كتب\
في 20 يونيو، 2009‏ عند 11:10 مساءً‏

أنا رح جاوبك هالمرّة يا حرف تا تحلّ عن ضهري وتّوب.

حرف يا زلحفي بمَلعَب خَيَالي
وحَديدِة تافهة بَين اللآلي

أنا الشَّمس ال عَلاَ الَمنبر بتسطَع
ما عندي خْيَال تا عدَّك خْيَالي

أنا للشّعر والشّعار مَرجَع
صفر بالشّعر ما بتطلع قبالي

الكَون نقطة بْخَيالي ما بيطلع
ووسع الكَون أضيق من مَجَالي

اليهودي سيْدَك قبالو بتركَع
اشتراك وبعت نَفْسَك للعَمالي

ندرت قلبي بقَصيدِةْ حُبّ مَطْلَع
وقَلَمْ كِحلة على رموش الغَوَالي

أنا خَمّار بتشارين بجمع
حلم الخَمر بكروم الدَّوالي

أنا البدر بليالي الشّعر بطلع
بوجودي الفجر غار منالليالي

القصيدة بتشرب دموعي تتشبع
وألف نهدة ونهدة عالتَّوالي

ولمّا عشتروت البَيت تسمع
تترك عرشها وتطلب وِصَالي

إلاه الشّعرعقبالي بيخضَع
وبشعري بيسكر لحَدّ الثَّمالي

جبل صنين من هالجرد بقلَع
بيميني... وبعجن صخورو بشِمَالِي

أنا مارد ما فيي حرف أقشَع
جبال الألب بحصة تحت رجلي
وحرف بحصة من مقالع جَهَالي

============

حرف

بصراحة انا مش مارق ع راسي هيك
ولك شو هالحلو يا حكماااااااااااااات
فزعتني ولوه شو هالفعل ياعمي
ههههههههههههههههههههههه وخوذ
===============

=======

يا مارد روق لا تزعــــج خيـــــالي
ما فيك تدوس حرفي عن جهــــالي
انا بالمكـــــــــتبة حرف المبـجـــل
وانت بالفيس بـــوك دماغ خـــــالي

بحــــق اللي حمل ميي وحـــــــوّل
لخمــــــــرة بعرس قانا عن عـدالي
انت لـــو لمست كاس الخــمر خلل
ويـبـــاس بيضرب كــــروم الدوالي

انت متل العبـــــــد لمّا تشنـشــــــل
بأساور من ذهب تا يصير غــــــالي
انت مش خمر أو عنب المشـكّـــــل
انت مخزوق ومـوقّف سقــــــــــالي

انت يوضـــــاس بالفضة تبرطـــــل
ومــــــع اليهود في عندك زمــــالي
البـــاع معلمو بيبقى مغـــــــغـــــل
وتحت تينـــي تعــلّــق بل الــــلآلي

ياجايي متل بوسكعكع تمــــرجــــل
بســـاحة ّ نسر ع منبر أصـــــــالي
مــــؤلل جيت وبترجـع مرجّــــــل
براس مدنكس بســــاحة قـــــتــالي

ولأنــــــــــــو حرف بيردك مفلـفـل
تعا يا صاحب النكـــــــــهة تعا لي
بدي افـــــــــــــرمك متل المتـبــل
ع طاولــــــــــة العزيمي للغوالــي

أنا الريح الأذا بتعصف بتقـتــــــــل
بساحة منبري وموقع نضـــــــــالي
ولأنو راسك عليـــــي مقلــــــفّـــل
جبرتو ينخ تايمســــح نعـــــــــالي

شفت شخصيــــتك عامل مجـغـّــل
ملك عـــــامل ع بو عبس اتكــالي
وكثـــر ما العث في فكرك مدنـدل
بيشبه صــــــار برميل الزبـــــالي

وعلى الجنبين يا حيكــــــو تنــقــل
وضلّك بالمواقع هيك صـــــــــالي
القصيدة انشربت دموعك بتخــجل
يادمع الخوف يا لص الشمـــــالي

انا عكسك انا قلبي مكلـكــــــــــل
من الماطق شعرو إرتجـــــــــالي
لأنو حرف بالموقع مــــــــفـضّـل
الحسد خلاّك تشفـــط من حلالــي

وكل الحق ع فــــــــــــادي تدخّل
بعركى شعر ما كانت ببـــــــــالي
ولقانا ماتركت ع النت سجــــــــل
يا غبرة شعر تطلع ع هلالـــــــي

انت تا تقول بيتك يا مخلخــــــــل
بسهـــــــــــر عمر وبتغفى ليالي
وفــــــادي صاحبك بالشعر إسأل
إذا ما بطــــــق عشرة كل ساعة
وعشر ساعات تاتجاوب قبــــالي

==============
وزوزوزوزوزوزوز ياويلي عليك
ههههههههههههههههههه
==============

ملك المطبخ
ابو شربل

يا عين عا ربك شوووووووووووووو ها الحلا بس يا حرف قسيت

شوي وشوي يا حكمة هلق بيفرط وبتصير مشكلتك مع هيفا عم تفرط اقزام الفيس بوك هههههههههههههههه

وانا بيناتنا عجبتني هون يا عملاق افففففففففففف

وعلى الجنبين يا حيكــــــو تنــقل
وضلّك بالمواقع هيك صـــــــــالي
القصيدة انشربت دموعك بتخـجل
يادمع الخوف يا لص الشمــــــالي

أمّا هون معها حق هيفا كان لازم تحط بهار ومفلفة الطبخة ههههههههه

ولأنــــــــــــو حرف بيردك مفلفل
تعا يا صاحب النكـــــــــهة تعا لي
بدي افـــــــــــــرمك متل المتبل
ع طاولــــــــــة العزيمي للغوالي

ومنشان كون واقعي حلوة ل حكمة ها البيت

القصيدة بتشرب دموعي تتشبع
وألف نهدة ونهدة عالتَّوالي

ولمّا عشتروت البَيت تسمع
تترك عرشها وتطلب وِصَالي

===================

من طرف **7arf** 6/28/2009, 2:42 pm

ملك المطبخ
ابو شربل رد عا فادي فيّاض ما بنقبل اعذار

يا فادي الطبخ بالموقع هوايي***وما فيك تغيّر بنعمل نكايي هههههههههه

وعا سفرة عامرة وطبّاخ شاطر***انت معزوم قلّي اليوم جايي

ما بقبل تعتذر تكسر بخاطر***لأنو الطبخ جاهز يا ضنايي

لطوني قول بو شربول ناطر***وحرف عامل كروشي يا جماعة

وحنون كتير ما بياكل بلايي

هههههههههههههههههههه

انتبه عا الحشي حرف خهههههههههههههه
===================

حرف

ياعيني ع ربك ياملكوت الشعر وياملك الطبخ
=========================

أهلا يابحر اللي عزم لشطـــــــــوط
در القوافي مش سلق مضغــــــــوط
وحرف المواقع بالزجل عـشـّـــــــي
بتاكل يا فادي بتشبع ومبســـــــــوط

بتعرف حرف مانام متعــشـــــــــــي
وحكمات بدي اوضعو بالجـــــــــوط
من هيك بدنا نسلخ نحـشـّـــــــــــــي
ونحط جوز وفستق وبلّـــــــــــــــوط

ان صارت يافادي رفقتك هـشـــــــي
شو هالعزيمي ماحموا لخطــــــــوط
بالبحر ركبوا ع ضهر قـــــــــشـــي
فيها اتطرطش جانح القبــــــــــــوط

سليمان عازمكــــن على الفشــــــي
وما في عزيمي بينــوضعلا شـروط
وينك يا هـيــــــــــفا بالملح رشّـــي
وحكمـات شلوطتنا ورجع ممعـــوط

دكتــــور عامل بايــــــــع الكشـــي
تلاتـــي ع الف استانـدر ومخــروط
ورشــيت فوقو بهــــــار كم رشـــي
بأطيب طناجر ضغــــط وبريستــول
ما في ولا طبخة ع الجمر بتـشـــوط

===============
ياويلي عليك ياحكمات لوين تايه هههههههه
=================

فادي فياض

منشور رقم 13‏‎Fadi Fayad (Lebanon)‎‏ كتب\
في 22 يونيو، 2009‏ عند 12:45 صباحاً‏

هيدي عزيمي كتير مهضومي --- انشالله ما تطلع بس ملغومي
وما يكون فيها لحمة خنازير ---وتصير لمعازيم مرحومي
يا حرف ضب الجاط والكفكير --- والطنجرة العالطبخ مهمومي
وإعزم بو شربل عالمسا بكير --- عالكنتاكي مع ناس معزومي
من عزايمكن إلاهي يجير ---إنتو لا أكل بتطبخوا ولا شعر
أنتو بتعرفو تطبخوا فلومي

ههههههههههههههههههههههه

يا ويلي عليكن من عالعزيمي هههههه
==================

حرف

ياعيني عليك يافادي بربي صرت حبك

كانت عزيمي بـــروح غيّـــــورة
صارت وضيمة بحقد مقهـــــورة
لما الرخو شرّف عليها شـديـــــد
ومات فقع وراح عــصّــــــــورة

والكنتاكي ياريت منو بـعــيــــــد
وبيفتحولو فرع بشـتــــــــــــورة
تاقيم كرمالك يافــــــادي عــيــد
وحكمات حطو كنت بالجـــــورة

ومن بعد حطو بجيب سيخ بإيــد
قطّع بلحمــــو بروح مســرورة
ومن قبل اكلـــــو بفرزو بجلـيد
حتى مايلحقنا ســــوا ضــرورة

هيذا لأنــــو تــــــــــاه بالتأكيد
الجلبــــوط مابياكل مع نسورة
والكل منــّا ع المنـابر سيـــــد
أما الطبخـة محمضة بحكمـات
الافلام فيها مزهّري الصــورة

=============
وياويلي عليك ياحيكو شو صدرك ضييق
فوت نتسلى بربك ووعد الحر دين
اذا بتفوت مابدي اقسا عليك نوسي نوسي
هههههههههههههههههههه
==============

حكمت شديد

منشور رقم 15‏‎Hikmat Chedid Helou‎‏ كتب\
في 22 يونيو، 2009‏ عند 07:42 صباحاً‏

يا هلا بسليمان.... تسلم تسلم......
بس كان لازم تزكرلي هيدا البيت تا تعلم حرف المرجلة:
جبل صنين من هالجرد بقلَع
بيميني... وبعجن صخورو بشِمَالِي
أنا مارد ما فيي حرف أقشَع
جبال الألب بحصة تحت رجلي
وحرف بحصة من مقالع جَهَالي
...................

لي يا سليمان ما ذكرت أحلا بيت بقصيدة حرف...
ولك إيه هيك الشعر. يسلملي :
"انت متل العبـــــــد لمّا تشنـشل
بأساور من ذهب تا يصير غــــالي
انت مش خمر أو عنب المشـكّـل
انت مخزوق ومـوقّف سقـــــالي "

ولله يا حرف مهضوم وبحبك.....بس بالشعر بدك تسمحلي .
يعني بتطقن طق.بس هالمرة هيدي أنا تقيطك طق منيييح.
منكش موجوع؟..بعد بدك؟ ولك خود نفس.......هاهاهاها
========================

منشور رقم 16‏‎Hikmat Chedid Helou‎‏ كتب\
في 22 يونيو، 2009‏ عند 09:00 صباحاً‏

‎Hikmat Chedid Helou‎‏ كتب\
في 22 يونيو، 2009‏ عند 09:00 صباحاً‏
هيدي مزحة ....ما تحسبوها عليي قصيدة.....
بوعد القراء إنا تكون أول وآخر قصيدي فكاهيي برحليونيي حرفيي سليمانيي.
... حرفيي.. ولك صرت قايل حرفيي مرتين...اه..معليش ما هيك حرف بيحب يكتب.
...هيدي عا شرف سليمان وحرف.

. هاهاهاها

بحياتكن يا حرف عيفوني
بهالشعر المأيا...قتلتوني
هاهاهاها

بتجمعو من زبالة الكلمات
ألفاظ بالآفات معجوني
هاهاهاها

حكمت شمس شعر وقمر ردات
أمثالكن صعبي يهينوني
هاهاهاها

سليمان خرجو يفلفل الرزات
طباخ ...والأفكار مجنوني
هاهاهاها

بحبك يا حرف المكنسي بالذات
تا دعوسك عالصبح جابوني
هاهاهاها

تا هذبك يا موسخ الأبيات
ويا جاهل الكلمة الموزوووووني
هاهاهاها

بالمزبلة رميتك مع الوسخات
المزبلة صرخت ...جويتوني
هاهاهاها

يا أوسخ الوسخات والجيات
شعرك معبا ريحة عفوني
هاهاهاها
هاهاهاها

يا حرف منك قد هالعلقات
شنغل بإيدك خيك سليمان
وعيفو سما ربي وخلوني

هاهاهاها
هاهاهاها
هاهاهاها
هاهاهاها
هاهاهاها
هاهاهاها

باي يا حرف. يعطيك العافية......هلق منرجع للشعر الجدي..
..بس بعدني ما رح بقا جاوبك غير ما أعرف مينك....
...ما بقا رح جاوبك بس والله بعزك

========================

حرف

مشكلتك مابتعترف والدليل ع ذلك
قلت مابدك تكتب تاتعرف مين انا
وما قلت بدي جمعة تاحضّر واقدر رد
على كل حال
شوباك فزعان بعدك موجوع الهيئة من برحليون
خلص وعدتك لاتخاف مابدي اقسا عليك كتير شويةّ بهار
ع الماشي.... وبتعرف بتحداك تهرب مارح فيك تتركنا وتفل
رح حرقصك بكم بيت تع شوف وأكيد بترد بس تتروحن
هههههههههههههههههههههههههههههههه
يلا ع الفرممممممممممم

==============

اذا بتبــنوا بوجي الف قاطـــــــــع
رعاع الشعر ماحبيت قـــــــــاطـع

اذا طبخات بوشربـــــــول دسمــة
ع يبرق عازمك ملفــــــوف قاطع

وورق عن دالية مرسوم رســمــة
عريشي قطفت لمفوخـر وقاطـــع

طلع حكمــات رسمو غير رسمـي
فزع من حرف سـيف رقاب قاطع

وع شكل رماد لو هــبت النسمــة
تذرى من الهـــوا في كل قاطــع

نفختـــو لو جمــــع ألفين نسمــي
وعدتو طفشـــــــــــو بالارتجالي
ويمـين وعهد ع الشعــــار قاطع

=وزززززززززززززززز

واذا ع الطـــــبخ عالم ماتفضـــــوا
وماحبوا الوقت بالسهرة يمضــــــوا
مابدي اوضـــــــــع بهارات حـــرة
اذا من الحر عينـــــيهن بيغضــــــو

تعا عن حرف ياحكمت تحــــــــــرا
بتعرف صار حظك عكس حظــــــو
معك ع الطاولة مافي مســـــــــــرة
متل الصار طابخ شظ مظــــــــــــو

واذا وضعتك بحنجر عـن مضــــرة
وعليك وفيك هالقمقـم بخضــــــــــو
ودلقتو عليك من بـــــــرا لبــــــــرا
راسك بفدغو مابحب رضــــــــــــو

خلفك مابكسّر ألف جــــــــــــــــرة
ولا بدي ولاد بالموقع يفضــــــــــوا
برغم ما نار جهلك مستعــــــــــــرة
الجرو لو عضني عـــارين عضــــو

ع شو محقون خبرني ياعــــــــــــرا
وبناري كثار لو تسأل تلظــــــــــــوا
ودرة بياخذ البيحــــــــــــــــــط درة
ودعسي بياخذ الجايي منمـــــــــــرد
بيلحس إصبعو بيرجـــع يمضــــــــو

===

انتحر حكمات ع حروفي لكشــتـــو
وبمعـــــول حرف لجبينو نكشــتـــو
طلع فخــــار راس بدون عـــــازي
قبرتـــــو وعدت بالآخر نبشـــــتــو

لاتــزعل قلت يا اجر العكـــــــازي
بغيــاب الحرف من غدرك نهشتـــو
انا مازعلت وكرهــــت الحـــزازي
اذا ع غيبتي بالصوت هشــــتــــــوا

افتكرتــــك متل حرف البرجــوازي
غني وبالشعر ابيـــض قلب عشــتوا
لقيت ع عيونك البيــــــضة قــزازي
وع شبر المي بالنقـــعات طشـــتــوا

قلت معليش كفي ولا تــــــــــوازي
وبابك عدت المدقر دفشـتــــــــــــو
وراسك ع شكل بابور كــــــــــازي
تايولع قمت بشريطة نخشـــــــتــــو

انا مابحب هالبغض المعــــــــازي
الكره بالحب ياحيكو دكشـتــــــــــو
ولا تزعل من حرف بالحرب نـازي
اليهودي بيحرقو بفرنو ولكـــــــــن
اذا حكـمات قوطشـنــــي قطشـتـــو

============

وياحيكـــــــــو اعتز افكارك تحدوا
ملـــــــــــــوك النت عنك ما ارتدو
بو شربل الف اشكــــــالك مخـرس
اذا مــــرة نزل بالحرب ضـــــــدو

وقبل مع حرف ماوقتك تكـــــــرس
وقبل مايفجعك بالشعـــــــــــر ردو
لقاك من الخوف تحتك متــــــــرس
مببل ثوبـــــــــك ونقعت حـــــــدو

انكنت دكتور وسنانــــــــــو مدرّس
تايوعى جبت ابرةّ بــنـج قـــــــــدو
وانا دكتور ع المنـبـر مـــــــــدرس
البيغير إصول بدو يرد نـــــــــاوي
لمطرح ماخلق مجبـــــــــــور ردو

==========

ههههههههههههههه
وهلّق :
برافو عليك وباي الله معك اذا فيك تشوف هالابيات
بلا ماترد متل مابدك وبشرفي لوما بعزك بقويلك
الدوووووووووز بس خفت يرتفع ضغطك وينكد عليك
على كل حال حرف جاهز لأيا طبخة بتحبها ولما يجي ع بالك
بعتلي خبر او طقني ولا يهمك ورح وديلك ع الخاص لو كان حدا غيرك
شو كنت بقلو هههههههههههههههههههههههههه بس انتي بحبك
والله زمطتك مني وخلاني حبك باااااااااااااااااااااي
========================

كفا يا حرف تقسا عا الشبيبي ههههه
ملك المطبخ بو شربل

كفا يا حرف تقسا عا الشبيبي***وبوجّون تفتح بواب الهريبي

احترم بالشعر قزم الشاعريي***لأنو ربّنا خلقو عجيبي هههههه

انا ما كان يا محكوم فييي***عنّك دافع بعركة رهيبي

لأنو حرف شاعر عنتريي***وضروري يدفّع غرورك ضريبي

انا بو شربل بحكمة ورويي***فتحت مطابخ الشعر الرحيبي

وما بطبخ لحمة الأقزام نيي***لها الأسباب في للطبخ طيبي ههههه

واذا سوزان عم تعتب عليي***وغادةلروحها منّي قريبي

وزعلوا ليش ما اعزمت البقيي***بقلون يا حبايب لا تخافوا

دجاج المنتدى حظي ونصيبي
هههههههههههههههههههههههههه
===================

طابخين وز وفشاشي عزيمة ع الفيس بوك

طابخين وز وفشاشي عزيمة ع الفيس بوك

رد: طابخين وز وفشاشي عزيمة ع الفيس بوك