منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================

منتديات الزجل اللبناني الشاعر: عمار البراضعي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

جوقة غير مألوفة وشعر قاسي

اذهب الى الأسفل

جوقة غير مألوفة وشعر قاسي Empty جوقة غير مألوفة وشعر قاسي

مُساهمة من طرف 7arf في 7/5/2009, 12:06 am

جولة غير مألوفة وكلام قاسي :
التـّراث ومارون البسـتاني وهاني ناصيف‏
رد على الموضوع
إظهار المشاركات 1‏ - 30‏ من مجموع34‏ مشاركه , بواسطة 3‏ شخص.12التالية
منشور رقم 1‏الــتــّــراث الـلـّــبــنــانــــي‏ كتب\تمنذ 16‏ ساعة

التـّراث
^^^^

شو همـّي بحقّ رأيي وإعتدالو
إذا عكسك يا غادة النـّـاس قالو

إجوا تا المنبر بجهلن يبيدو
وما بدّي يساهم سكوتي بزوالو

وتا يقشع كل شاعر شو رصيدو
مراية بوقف بنقدي قبالو

ولأنـّـو الوالد الغنـّـج وليدو
ربـّـى شبّ منزوع بدلالو

إذا من قسوتي ما بيستفيدو
بيّ المنبر بيخسـر عيالو

في شاعر كان يسحرنا بقصيدو
بحسـّـو برقـّـتو بروعة جمالو

ومتل ما طيلق دموعو .. وقيدو
هيك تعلـّـم يطيلق خيـالــو

ومتل ما بيحفر الكلمة بنهيدو
حفر بقلوب كلّ النـّـاس حالو

وأنا تربـّـيت يا غادة عا إيدو
إذا الشــّـاعر ما بيهزّ المشــاعر
ضروري نسمع الأخرس بدالو
رد على الــتــّــراث‏
إبلاغ
منشور رقم 2‏الــتــّــراث الـلـّــبــنــانــــي‏ كتب\تمنذ 16‏ ساعة

هـانـي
^^^^

بمجال السبك و الفكرة الجديدي
انا يا مدعي بعدك حفيدي
و لاني بالفعل شاعر منزّه
تركتك بالشعر جولة وحيدي

كنت كلما صباح الخير جهجه
انحت مطلعي بفكرة مفيدي
تا جمد المنبر و مني تأوه
و سجدلي و قال اغفرلي يا سيدي

و انت يا صاحب الفكر المعنجه
وجاية بقصبتك تكسر حديدي
كفا تتعنجه و دخلك تنبه
و كفاني بالشعر بحة بعيدي

ولاني سيد الشعر المأله
حكمتك الف جلدة و انت واقف
تحتا حرمك تكتب قصيدي
رد على الــتــّــراث‏
إبلاغ
منشور رقم 3‏الــتــّــراث الـلـّــبــنــانــــي‏ كتب\تمنذ 16‏ ساعة

مارون
^^^

من بعد غيبة شهر عنكن اجمعين
رجعتلَكن يا حباب قلبي الغاليين

كيفك يا هيفا وكيف حال المعجبين؟
وكيفك يا فادي صاحب العقل الرزين

وكيفك يا طوني حارس الشعر الامين
وكيفك يا حكمت صاحب الشعر الثمين

وكيفك يا هاني انت يا سبع العرين
اشتقتلَكن والقلب داب من الحنين

و تراث اسمك شو؟ او من بيت مين؟
عرَف عا حالك حاج متخبَى وحزين

عا حالنا نحنا يا خيي معرَفين
ولعبة الغميضة ما عدنا هاويين

يا شيل عنك هالقناع وإستعين
بإسمك الأصلي الحاملوا صرلك سنين

يا بيفرمك شعري وبهالموقع تصير
عم يندهوك الناس باللحم بعجين
رد على الــتــّــراث‏
إبلاغ
منشور رقم 4‏الــتــّــراث الـلـّــبــنــانــــي‏ كتب\تمنذ 16‏ ساعة

هـانـي
^^^^

مارون لا تنده حدا ما بيسمعك
يمكن اذا ندهتو اننا ما بشجعك

اسال قبل مرة امتحنتو بالملا
و كل ما عطش للملتقى عم يندعكرد على الــتــّــراث‏
إبلاغ
منشور رقم 5‏الــتــّــراث الـلـّــبــنــانــــي‏ كتب\تمنذ 16‏ ساعة

مـارون
^^^^

بعرف يا خيي يا امير المرجلي
الميدان كان نصَوا الك نصَوا الي

وما كنت عنكن غبت يا هاني شهور
لوما عا قد الحمل بعرف بو علي
رد على الــتــّــراث‏
إبلاغ
منشور رقم 6‏الــتــّــراث الـلـّــبــنــانــــي‏ كتب\تمنذ 16‏ ساعة

هاني بسـينــة شــعـر شعرو مـا بهــاب
ومارون بسّ تاني عـرفـتو من الجــواب

البيكسـّـرو وما بيكتبو الشـعر بـصـواب
يروحو بعلم الــوزن يـــقــرولن كــتـاب

عا سفـرتي لا تخـاف بحسـبـلـك حساب
وبعزمك متــلــك متـــل كـــلّ الحــبـاب

لحم بـعجين ولحـم مشـوي الأكل طاب
وصحـتـين عا قلبك متل كـلّ الـشــّـباب

لكن إذا تباريـت مع شـــاعــر مــهــاب
حامل بإيدو ســيـف بـتسـنــّـو الرقــاب

لحــم بتابوت النـّـاس بكـرا بيقشـعــوك
وصحتين عالقبر وعلى جوع التـّـرابرد على الــتــّــراث‏
إبلاغ
منشور رقم 7‏الــتــّــراث الـلـّــبــنــانــــي‏ كتب\تمنذ 16‏ ساعة

هـانـي
^^^^

انا يا شاعر الجبلة التقيلي
ما تتهمني باشيا مستحيلي

انا من طلعتي بالحرب عنتر
تا تبطحني على دقنك طويليرد على الــتــّــراث‏
إبلاغ
منشور رقم 8‏الــتــّــراث الـلـّــبــنــانــــي‏ كتب\تمنذ 16‏ ساعة

هـانـي
^^^^

مازال ما عندك حجج للمرجلي
صوب البسينة رحت يا ليلى نخلي

قلي يا شب العنجهة و البهدلي
من قبل مدي شو دقت من بو علي

ضليت دكك تا الحقيقة تنجلي
و ضليت هزك و الدني تغلي غلي

و هلق على الميدان نازل هرولة
لا تظن رح اسكتلك بهالمرحلة

اسحب الكلمة و اسجد لرب السما
في وقتها بتكون ساجدلي اليرد على الــتــّــراث‏
إبلاغ
منشور رقم 9‏الــتــّــراث الـلـّــبــنــانــــي‏ كتب\تمنذ 16‏ ساعة

هـانـي
^^^^

بعلمي انت سيد بيوت الارتجال
و جايي عا اسم السيد تشد الحبال

لاكن الليلة هون عم شوفك خيال
دجال و الدجال تا يكبر محال

بكلمة بسينة جيت تا تخوض القتال
الواضح يا هالمجهول شو عند خيال

الظاهر يا شاعر صار لازم ناخد
تا تتحاور بسينات ما تحاور رجالرد على الــتــّــراث‏
إبلاغ
منشور رقم 10‏الــتــّــراث الـلـّــبــنــانــــي‏ كتب\تمنذ 16‏ ساعة

مـارون
^^^^

شو باك يا مكرسح يا بو الفكر الشحيح
جايي تهاجم عالعصاية هبوب ريح

هالبس بعدو كتير اقوى من الفحيح
لا تتهموا بالكسر بيخرمش منيح

وتا نقول انت قتلتني وقولك صحيح
هيدا الحكي بينعد بحقَي مديح

يسوع قبلي مات عالخشبة جريح
ومن بعد ثالث يوم قام من الضريح

وهيكي انا بالشعر كأني المسيح
لو مت عن قبري الحجر رح عود زيح

وبدَك لعندي تعود يا مكرسح تجي
وتقول يا يسوع اشفي هالكسيحرد على الــتــّــراث‏
إبلاغ
منشور رقم 11‏الــتــّــراث الـلـّــبــنــانــــي‏ كتب\تمنذ 16‏ ساعة

التـّـراث
^^^^

بعجـــز يا هـاني بالــتــّـباري إمنـعـك
بألف ردّة تحوم حـــولي بمطــلــعـــك

لو كـنـت نـمـر الســّـبع كان بيردعـك
لكــن إنـت دبـّـان بـعـجـــز إسـبــعــك

ومارون بـمـجـالي بـعــد ما تـنـدعـك
بـتعـضـّـل وبـيـصيـر عقلك يوجـعــك

رح لوّعـك رح وجـّـعك تا شـجـّـعــك
ولو كفّ ضـرّك كــفّ تاني بيـنـفـعـك

وحـيـث العتم بـجـوارحك رابـي معك
بطن الأرض حلمك وعرشـو مطمعك

وياسوع لـنـّـو ربـّـك ولا مرجـعـــــك
وبعطيك حـجـّـة وبيـّـنة تا إقـنــعــــك

بقيامـتـو تربـّـع عـلى عرشــو المسيح
وإنـت القيامة عن العــرش بـتخـلـعــك
رد على الــتــّــراث‏
إبلاغ
منشور رقم 12‏الــتــّــراث الـلـّــبــنــانــــي‏ كتب\تمنذ 16‏ ساعة

هـانـي
^^^^

الله يسامح هيك كهل بمطلعو
لو كان شاعر كنت يمكن شجعو

لاكن يا عالم ما عدت عم اقشعو
من جهلتو مغزى الحوار مضيعو

بدو خيال و ما حدا عم يمنعو
لاكن المشكل كيف نحنا منسمعو

تاري اخونا ما بيفهم عالبشر
و بدو حيوان كبير تا يحكي معو

^

من هيك نعت> نحنا منتحاور بكلام يكون بيليق بمستوى العالم و بالشعر و يلي بيحب البسينات مباركين عليهرد على الــتــّــراث‏
إبلاغ
منشور رقم 13‏الــتــّــراث الـلـّــبــنــانــــي‏ كتب\تمنذ 16‏ ساعة

هـانـي
^^^^

يا مدعي حاجي بقا هالبهورا
لا انت قيس و لا بتشبه عنترا

و دبان قابل كون قدام الجميع
من حيث ما بيحوم غير على (كفيها انت
رد على الــتــّــراث‏
إبلاغ
منشور رقم 14‏الــتــّــراث الـلـّــبــنــانــــي‏ كتب\تمنذ 16‏ ساعة

التـّـراث
^^^^

بدّك يا تلجة تشرقطي ورح تولعي
لولا غضب كلمات أشعاري وعي

لـزغار منهن قدّ حجمي ومطمعي
حجمي بحجم البحتري والأصمعي

وما زال عم بتجدّ بمجالي السـّعي
وبلـّشت تسكب شعر فاضي بمسمعي

يعني الأنا عم أطلبو قبالي إجا
من بعـّد ما طلـّيت تا تحكي معي
رد على الــتــّــراث‏
إبلاغ
منشور رقم 15‏الــتــّــراث الـلـّــبــنــانــــي‏ كتب\تمنذ 16‏ ساعة

مـارون
^^^^

يسوع رب الكون. قلبو شو حنون
مرجع لكل الناس لا تزيدا جنون

وعا عرش شعري اوعك تفتَح عيون
وما تعربش بتوقاع. حاطتلك صابون

لا شعرك بينعد من ارقى الفنون
ولا تذكرة قدَمت تا تمحي الظنون

وما زال انت عالشعر جايي زبون
بيضلَ يا تراث مين ما كنت كون

بالدين عندك رب واحد بالسما
وبالشعر عندك رب اللي اسمو مارون
رد على الــتــّــراث‏
إبلاغ
منشور رقم 16‏الــتــّــراث الـلـّــبــنــانــــي‏ كتب\تمنذ 16‏ ساعة

التـّـراث
^^^^

الدبـّـان ما بتتعب جناحو فرفرة
وبيحوم حول سباع غاب مختيرة

غطّ على فـكــّـي شراب ريلة مقطـــّرة
وتا تعود تاكل غطّ يا هاني ورى

ومارون ربّ الشـّـعر شو هالمسخرة
يخلق إله وربّ ما في مقدرة

انشفتك مسـيـح الشــّـعر ما بين الورى
مريم الشـّـعر بشوفها أكفر مرى

والآب هوّي الجهل والكلمات روح
لا روح فيها ولا آيات مصـوّرة
رد على الــتــّــراث‏
إبلاغ
منشور رقم 17‏الــتــّــراث الـلـّــبــنــانــــي‏ كتب\تمنذ 16‏ ساعة

هـانـي
^^^^

يا ناس مهما بالمعاني تطمعي
الا ما احكي شعر مش رح تشبعي

ويا اسم فاضي طلطل على مسمعي
حاجي بافكارك قبالي تدعي

ولا يوم جيت و قلت عنك اصمعي
من حيث فرق كبير بمجال الوعي

انشالله يا سيد مطرحو ترجع تنام
وتبعت مثلث شعر يتحاور معي

^^

يا سيد تراث مين بدك يقول عن التاني بسين و يسكتلو ؟؟؟؟
بتحكي بالكلام الجميل و بعيد عن الالفاظ النابية
شايف شي حدا بيعمل التاني دبان
===============

منشور رقم 18‏الــتــّــراث الـلـّــبــنــانــــي‏ كتب\تمنذ 16‏ ساعة

مـارون
^^^^

مريم الشعر الطاهرة من الف جيل
ان مسَيت فيها من القلب روحك بشيل

كفرت بلحظة وكان بدها تستقيل
لمَا شافتَك عالشعر جايي دخيل

يا بو هريرة الشعر قدَملي دليل
تا اشفق وما ركَعك ركعة ذليل

جايي لعنَا مستَر بصورة خليل
بس الشعر عم يفضح العقل العليل

عا إيد رب الشعر دمك رح يسيل
وعا جهنم بوديك تا اروي الغليل

والمنبر بيرتاح يا سيَد تراث
من شاعر على الشعر كان دمَوا ثقيلرد على الــتــّــراث‏
إبلاغ
منشور رقم 19‏الــتــّــراث الـلـّــبــنــانــــي‏ كتب\تمنذ 16‏ ساعة

التـّـراث
^^^^

انصبـّـيت مع دمـّـك دما هاني ناصيف
بـيـضـلّ دمـّي أتــقــل ودمــّـك خـفـيـف

البيـكون خصمي بعركة الشـعر العنـيف
مـش بسّ بدّو يخـفّ دمـّو مـن النـّـزيف

بدّو يـنــشـّـف مـتــل ورقـة بـالخـريف
ويـجـفّ حتـّـى يصير شريانـو نضيف

وكيف الشـّـجر لمـّـا النـّـسيم بيستـضـيف
بـسـمـع حفيف وراق صوتو عم يـزيف

هــيــك لـمـّـا روكــــز لـعنـدي بضيـف
بحسّ جرحي انحفّ وسـمعـت الحـفـيف

من قبل كان الشـعر هيصات وزقيف
وشاعر شريف يحاورو شاعر شريف

قصـدت طبّ الموهبة وسألـــت كــــيـــف
بعـكـس المضى بهالعصر عم إقلب ضعيف

قال خصـمك صـار لـقـمـة عالــغــدا
ومن قبل كنت على الغدا تاكل رغيف



رد على الــتــّــراث‏
إبلاغ
منشور رقم 20‏الــتــّــراث الـلـّــبــنــانــــي‏ كتب\تمنذ 16‏ ساعة

مـارون
^^^^

خصمك اللقمة اللي بتجهل مقلعوا
فيه الغذا عا سنين لولا بتبلعوا

ويا ناس لمارون شفتوا موقعوا
خلقان ربَو للزجل من مطلعو

بدَي تجيبولي سبع حتى اسبعوا
هالكهل ستَي اليوم فيها تصرعوا

انت اعترفت بضعفك وقلت اسمعوا
للطب رحت على همومي اطلعوا

وهالضعف حقق فيك همَوا ومطمعوا
بالجسم والعقل اللي صرت مضيَعوا

وخلَى العتب للمثل فضلي يرفعوا
واعتب على شعَار راحوا وودَعوا

وتركوا لرب الشعر آخرة الزمان
خيال صحرة اليوم يتبارى معو

رد على الــتــّــراث‏
إبلاغ
منشور رقم 21‏الــتــّــراث الـلـّــبــنــانــــي‏ كتب\تمنذ 16‏ ساعة

التـّـراث
^^^^

خلـّي إبن شلهوب يشرحلـك كــتــاب
بعلم الوزن تا تكتب الشـّـعر بصواب

انكان الشـّـعر جنـّـة أنا يوم الحساب
وشعرك بعيـني كافر بعمرو ما تاب

ولو كان صحرا بكون فيها شمس آب
وبسقي الرّمل من نار وهجي إلتهاب

وبدّك بعد ما تطقّ عا جرعة شراب
تقشع خيالي دفـق ميّ ونـبـــع طاب

وصحتـيـن يـا مارون مشروب الـهـنا
صـبّ الوهم بالكاس وشراب السـّـراب
رد على الــتــّــراث‏
إبلاغ
منشور رقم 22‏الــتــّــراث الـلـّــبــنــانــــي‏ كتب\تمنذ 16‏ ساعة

مـارون
^^^^

انا ما جيت تا تراث دينو

ولا حابب كنت قـرّصـلو عجينو

بس الواجب بيفرض عليي

ما خلَي الناس فيي يستهينو

يا خصمي الشعر بدَو صدق نية

وما بدَو مدجَل المثلك يهينو

انا للشعر بحر الشاعرية

وحد البحر هالمزراب مينو

انا رويت المكاتب من يديي

المراجع بس فيي بيستعينو

وابن شلهوب عا راسي وعينيي

الوحيد اللي قدر شعري يزينو

واذا بالكسر عم تتهم يا خيي

مارون الرجَف السبع بعرينو

بحقَي مش اهاني هالقضية

وكسري كثير زادوا معجبينو

عرق شعري كسرتو بكاس ميي

تا يسكر دينة اللي سامعينو

وفيك تقول عالصبح و عشية

الف صحتين للَي شاربينو

وبكسر ايد عم تمتد ليي

وبكسر خاطر الكافر بدينو

وبكسر رووس مثلك مهترية

تا يرتاح الزجل من جاهلينو

انا قنطار بمواهب غنية

وامير الكل صاروا عارفينو

وانت كلك على بعضك وقية

على الميزان ما بتحرز نزينو

انا بدَي عا شكلك خمسمية

من الغنَوا شعر والكاتبينو

انا من بعد زين العنترية

عنتر جيت عالشعر وبنينو

ومثل ما زين بزنودو القوية

قضي عا كثار شعرا بيمينو

انا جايي تا كفَي عالبقية

وتا خلَي عا زماني كل شاعر

يجي عا منبري يحني جبينو

رد على الــتــّــراث‏
إبلاغ


عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
7arf
7arf
admin

عدد الرسائل : 1125
العمر : 53
تاريخ التسجيل : 01/11/2006

الرجوع الى أعلى الصفحة اذهب الى الأسفل

جوقة غير مألوفة وشعر قاسي Empty رد: جوقة غير مألوفة وشعر قاسي

مُساهمة من طرف 7arf في 7/5/2009, 12:09 am

منشور رقم 23‏الــتــّــراث الـلـّــبــنــانــــي‏ كتب\تمنذ 16‏ ساعة

التـّـراث
^^^^

صاح الشـّـعر رح موت بـْـبـَـلايــي

وقلـّـي : بـإيدك حمول الدّوايــة

إذا دمعاتها من ديك سـالــو

كـأنـّـو ســال بـعروقي دوايي

^

ولأنـّي بـخاف عالشـّعر وزوالو

طلـعـت عالمنبر بأوّل صبايــي

انغرمت وحـُـبّ ما بقـبـل بدالـــو

ولا هـوّي بيقبل العيشـة بلايــي

^

وبقـي مارون شعرو وإرتجالو

وَضيع قبال شعري ومستوايي

وبدل ما يستحي من راسمالـو

بابــي دقّ تــا يعـمـل نـكــايـة

ولمـّا نزلت تا غنـّـي قـــبــالـو

قلت بيتوب وبحقـّـق رجايـي

تاري الكافر بيبقى عـَـحـالــو

لو بتلبـّـســو ميــّـة عـبـــايـة

ويا مارون مهما النـّـاس مــالــو

وعـطوك الحـقّ ، إقنع بالنـّـهاية

الكسر بالوزن ممنوع ومازالو

دمـاغــك بالكـسـر عنـدو هوايـة

بدل ما يكسر الوزن بمجـالـو

يكسـر طوق فكـرو لأجل غايـة

لأنـّـو الفـكـر لو طيـْـلـَـق خيالو

بيجـبــر خاطر حروف القراية

^


و "بستاني" يا بيت رجال قالو

عا منبر موطني الشـعر بعناية

إجـا جريس عطى المنبر كمالو

وإجـا مارون ما بيعطي كفـايـة

الــكــَـسـَـر بعوايد البـيـت ورجالو

قـضى من بعد جريس عالولاية

^

صابـك متـل جهـلان بـدلالــو

وقف عا مرايتو بساعـة غواية

وبعد ما شاف بعيونو جمالــو

متل ديك المغطـّـس بالـقـنايـة

تا يجبر خاطرو ويكذب عا حالو

طفى عيونو وكسـر لوح المراية

^

ولأنـّـك حقل ما بتجني غلالــو

ولأنـّـي بـَـيـْـدر بيـدْري درايـة

ولأنـّـو الـكـرم بـتـفـرّق سلالـو

بـيـن الـدّالــيــة وبـيــن العصايـة

المتـلي ضلّ لـلـمنـبــر حـــلالــو

وحرام تكون مع هــانـي وشربل

ردّادّيــن بـتـــردّوا ورايـــــــي
رد على الــتــّــراث‏
إبلاغ
منشور رقم 24‏‎Hany Nassif (Lebanon)‎‏ كتب\تمنذ 16‏ ساعة
لا تهجم على ناس مش من مستواك
الوردة ضعيفة ولاكن بتحمل شواك
رح ضلني خلفك تا تفطم عالحكي
بيك انا و مجبور اتعزب وراكرد على Hany ‏
إبلاغ
منشور رقم 25‏‎Hany Nassif (Lebanon)‎‏ كتب\تمنذ 16‏ ساعة
بعلمي رجال المنبر الليلة بدو
نساك شعر على مواقعنا غدو
لاكن المشكل من بعد حك الدماغ
طلعو فبارك شعر من صنف البدورد على Hany ‏
إبلاغ
منشور رقم 26‏الــتــّــراث الـلـّــبــنــانــــي‏ كتب\تمنذ 15‏ ساعة

ولك كــشّ عـنـّي ما إلو حوامك لزوم

لا عضـتـك عقصة ولا فيها سـمـوم

لوما الــوزّ وعــَـنّ صوتك إسـمعو

ما بحسّ فيك انجيت تا حولي تحومرد على الــتــّــراث‏
إبلاغ
منشور رقم 27‏‎Hany Nassif (Lebanon)‎‏ كتب\تمنذ 15‏ ساعة
لو كنت عارف يا تراث زغير
كنت بلا معنى ببّوسك ايدي
بركي يا شاعر بالزجل بتدير
بالك على أعضاء وجديدي
هاني ما بدو غير يبطح زير
وحسّون يتخرسن بتغريدي
هاني كبير وهون كل كبير
ما بينزل من الروح تنهيدي
ألا ما يقشع بالسما عصافير
ونسر البلاغة بحسبو طريدة
وانتي فقير الشعر والتعتير
ما شفت فكرة بشعرك جديدي
انتي تراث العتم والتأخير
و بموقعي صفيت تنكيدي
انتي يا جاهل مين هوني المير
هاني أمير الشعر يا حبّوب
احني وقلي بتوب يا سيديرد على Hany ‏
إبلاغ
منشور رقم 28‏‎Hany Nassif (Lebanon)‎‏ كتب\تمنذ 15‏ ساعة
ولا تخاف هاني بحر يا مغرور
جمّع وحي الشعّار وتلّقى
وعا الكوع لمّا بتسمع الزمور
توقّى اللي جايي مسرع توقّى

انتي بتاكل ست سبع شهور
وبتفطر على بزر لمفقّى
روكز وموسى وزين والشحرور
وقصدان عا التوبيك منطقّة
ما بيوصلولي فهام يا أمور
ان ضليت تحكي زور بالأشعار
بدي لراسك دق بمدقّة

رد على Hany ‏
إبلاغ
منشور رقم 29‏‎Hany Nassif (Lebanon)‎‏ كتب\تمنذ 15‏ ساعة
بتقول انّك روكز ومنغرّ
وين البلاغة بالزجل قلّي
شويعر ضعيف كتير من غير شر
بتضل تلعب طاولة وكلة
و بالموقع المشهور عم بتبر
ومفاصلك بالشعر منحلّي
قائد انا بهالمعركة يا غر
و انت متل احزاب معتللي
ما استهضموك الناس منّي وجر
رح جرّك على الدست والحلّي
مجهول مش رح تفضح ولا سرّ
وعامل متل طاوووس بتعلّي
رح جيب قرن فليفلة ولو حرّ
حطّو محل وعيب ما تقلّي
تا تصير ترقص يا تراث تفرّ
وتحل عنا وتترك الشعار
وببقا انا عملاق بمحلّيرد على Hany ‏
إبلاغ
============

منشور رقم 30‏‎Hany Nassif (Lebanon)‎‏ كتب\تمنذ 15‏ ساعة
ما بحوم غير على شكل نفسك اكيد
مافي لزوم نعيدها و حاجي عنيد
و بعدك متل ما انت جرة فاضية
و بتدعي انك امير على القصيدرد على Hany ‏
إبلاغ
=================
إظهار المشاركات 31‏ - 34‏ من مجموع34‏ مشاركه , بواسطة 3‏ شخص.السابقة12
منشور رقم 31‏‎Hany Nassif (Lebanon)‎‏ كتب\تمنذ 15‏ ساعة
وبعد ما نفطم ولاد الليالي
وتراث الما ألو بالفعل هالي
تعوا نرجع نغنّي بواقعيي
وبلاها ها السفاهة وها الرزالي
انا يا ضعيف عندي طيب نيي
وقصيدي بكر وبيوتي الأصالة
وانت يا مشحتر ونفسك دنيي
بتظهر بس غبرة على ديالي
انا شاعر بصف الأوليي
وانت منتوف ومأخر يا غالي
انا نحلة بحديقتنا الغنيي
وانت دبّور داير بالحقالي
انا مية وعلامة فوق مية
اخدت بمعهد الشعر الخيالي
وانت طرطوع يا بو زنود نيي
ما فيك تشوف رب الأرتجالي
انا لو هاجم نسورة عليي
بحاكي الموت تا يطلع قبالي
انا الشيطان متربّى عا ديي
انتبه من سطوتي الفيها بسالي
اذا بتكون يا مغرور حيي
بدعس راسك بفردة نعالي
انا امي الحقيقة المجد بيي
الزمان اللا وعي الألهام خالي
وانت تمرة عتيقة مهتريي
وخيالك صار يا متروث خالي
شولي جابرك تا تدق فيي
انا رب المنابر و المعنى
وانت بتخاف حتى من خياليرد على Hany ‏
إبلاغ
منشور رقم 32‏الــتــّــراث الـلـّــبــنــانــــي‏ كتب\تمنذ 15‏ ساعة

مـارون
^^^^

يا دلَي عليك شو معتَر يا دلَي

بعقلك صار في مليون علًة

يا ريتك زرتنا بكَير كنَا

لقينالك لهالعلاَت حلَة

يا طالب كل هالأسماء منا

تا خلفك نقعد وصوتك معلَي

الذهب خلف الحديد انحط عنا

اسآل البنك تا حقي يوصلَي

وجريس اللي اجا للشعر بنَا

بني امجاد لكن عاد قلَي

على العيلة تراث اللي تجنَى

قلَوا يخيَط بغير هالمسلَي

يا تراث اللي عليك ائتمنَا

بيدر كنت بس بدون غلَة

كلما فيك بالشعر استعنَا

كنت تزيدنا عالطين بلَة

عني بعود يا كهل المعنَى

يا اما اسنان عندك ما بخلَي

يا اما روحك بترتاح منَا

يا اما بكلوتك ضرسي بحلَي

بقصر العدل روح اسآل عنَا

وعني بالشعر خود الأدلَة

انا مجرم شعر، السيوف سنَا

وقضي عا الما عرف شعرو يغلَي

ويا هيفا القلب اشعارك تبنَى

عا موقعنا عملي معروف طلَي

وشيلي هالتراث اللي تدنَى

وهبط شعرو بسرعة بشكل كلَي

لأني حلفت عا منابر وطنَا

ما رح خلَي المثل تراث يمرح

وما بدَي زيد جرم على سجلَي

رد على الــتــّــراث‏
إبلاغ
منشور رقم 33‏الــتــّــراث الـلـّــبــنــانــــي‏ كتب\تمنذ 15‏ ساعة

التـّـراث
^^^^

بـــقـصيدة .. قلت بستاني بـبيدو

وبشعري الحدّ بقطعلو وريدو

وبعد ما احسبت راح الحمل عنـّـي

وشـفـتـو انمـدّ مـش طالع بإيدو

قصيدو عاد بستاني يتنـّـي

تاري بعد في عنـّة برصيدو

وعا آخر روح هالبيعنّ عنـّـة

ما في لـزوم نقرالــو قصيــدو

^

يا بستاني عطـيـت الشـعر منـّـي

فرحة عيد .. تـا يـنـقام عــيـــدو

ولأنـّـو روكز بروحو عجــنـّـي

وخبزني عاد عا لفحة وقــيـدو

صار الصـّخر كلما شعر غـــنـّـي

يحــسّ بكلمتي وحـسّ بنـهـيـدو

^

وكنت مع جريس بفنـّـو وفنـّـي

الحوار المنبري قيمــة نزيــدو

امتحنتو ألف مرّة وامتحـنـّـي

وبعد ما سمعت مارون ونشيدو

رغم ما شعر جريس كنت هنـّي

كفرت بخـلفـتـو وهـيـقــة وليدو

^

وهاني كلمـتـــو فـــيــهــا تدنــّي

خلق عنقود ما بيحلا نبــــــيــدو

ولأنــّـو مـا بـيـحرز للــتــبــنـّـي

برفض ردّ عا صوتـو ووعيــدو

تجنــّـي يلتقوا ببعضن تجـنــّـي

نبيدي وخمرتي وخلـّـو وأسيدو

^

ولأّنــّـو الربّ عالشعر ائتمـنـّـي

واجب صار خلـّـيكن تحـيــدو

وتا يرجع منبر الأشعـار جـنــّة

سكتوا .. عا قدّ ما بفيدو بكلامي

سكوت الجهل للمنـبر بيفيدو

رد على الــتــّــراث‏
إبلاغ
منشور رقم 34‏‎Charbel BuAbs (Lebanon)‎‏ كتب\تمنذ 14‏ ساعة
ما كنت حابب فوت لوما ذكرني التراث إنّي مع هاني من صنف الردّيده
وانتبه عالختمه بتعرف إنّو ما حدا منـّا ظلّ لإلك، و لقّي يا حبوب

بـشوكِه بحدّد خطوطِ التـّماسي ----- إذا الشاعر أمامي الإسمِ ناسي

وناسي يحتِـرِم شـِعّـارِ طَلَو ---- تتِحرُك عجلِةِ الشِّعر الحماسي

مِتِل هاني ومارونِ انْ تَـولّو ----- المنابـِر حولِها تغِص الكراسي

وَنـاسِ القاصِدينُـن فِكـْرِ ملّو ----- كـأنُن بعــدُنِ بْصفِّ الدراسـه

وأنا يلّـي تـُراثك ما بـملّو ----- بِ حيثِ يرِدِّني ل جيل القداسه

وَناسِ الجـَلّلو التلّه تَ خـلّو ----- الصّخِر يتخضّر وينسى التعاسي

اعتـَقَدنا إنـّكِ الجوهر محلّو ----- وإنّك تـبْرِ فـَطْلعتِ النحاسه

تْ تُراثِ المتلكِ المعنى بـذِلّو ----- وعن الألقابِ لازِملك كِناسه

وقَدِر منّك مُغطرس ما تـَسلّو ----- لْ جموع اللي صدمتُن بالنجاسه

بشعر المرصّع الجاني بِ شِلّو ----- انْ أتى عا ذكرِِنا بْ غير الكياسه

وإذا النِسرِ البـِفِكرك كونِ ظِـلّو ----- زهِقِت عم فتِشِ عـْلى النّسْرِ حتـّى

طلِعِت نسرة بهاليله ب ضراسي
رد على Charbel‏
إبلاغ


عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
7arf
7arf
admin

عدد الرسائل : 1125
العمر : 53
تاريخ التسجيل : 01/11/2006

الرجوع الى أعلى الصفحة اذهب الى الأسفل

جوقة غير مألوفة وشعر قاسي Empty رد: جوقة غير مألوفة وشعر قاسي

مُساهمة من طرف 7arf في 7/5/2009, 1:10 am


تدخل 7arf
=======

ياصوص الشعر صوب النت تيعا = كفا لنحاستك تخلق زريــــعة
التراث ان كان متلك يابضاعــة = انا رجـال الزجل فكفكت نيعـا

انتي طفل لازملو رضاعــــــــة = بي بيـــبروني ولهايي فظيـــعة
مافيك تفوت ع مجال الشجاعــة = قطيعة تقطعك خلف القطيـعــة

لروكز ليش ياوج البشاعــــــــة = توضع صورتو لخلقة شـنـيـعـة
وتبدل رسمك الكلو مياعــــــــة = بسيــــــــّد شيّـيد القلعة المنيعة

استحا من السبع قرقور الوداعة = واذا بتخاف لا فوت الوقيــعـة
عليك شهود وكثار الجماعــــــة = اذا مابستحي نادي المزيـــعـة


يا هاني روق بدي ربع ساعـــة = تا خلي الدم يســـرح بالزريعة
وفيك تروح تنشر بالأزاعـــــــة = تراث الطش طرطش دم فاسد
وخلاصو لا شفيع ولا شفيعة

===========


ع شو مغرور تاتخبيت قــــلــي = وحـــــامل اسم غيرك للتخــلـــي
انت مش روكز الشعر الخيـالي = انت مجرور منّي بــحرف علّـــي


انا عنتر وهاني بالبســـــــــــالي = انت بالمنتدى تهديـــــــم كلّـــــي
انت يا ضعيف ما بتخطر ع بالي = حتى عليك سل السيف سلـــــــي


انت روكز لطيفة وشعر خـــالي = قلي مين رب الشعــــر قلّـــــــي
وع جنب ضعيف بيفوت بمجالي = القوافي من الكلل مجبور خلــــي


انت مجبـــــول بالخوف وندالي = وعليك الناس صارت عم تدلّــــي
قلت حرّوف هارب من قتــــالي = هربت مزبــوط عنّكن بالتجــــلّي


بعد بالشعر مابتعرف مودالــــي = اذا بلشت فـــــوق النت فلّــــــي
ضاق الكون ع حدودي وخيـالي = واعلا من البدر فوقك محلــــــي


يا كاسر صحن أكلك ع المجالي = حاجي قيمتك معنا تعلّــــــــــــي
انت شوكة يتيمــــــــي بالحقالي = تاتزق البحر بتصير سلــــــــــــة


انا بالمرتجل شاعر خـيـــالـــي = سقيت الكرم من شعري تملــــــي
وانت مغرور ياراس النخالــــي = بيكفي عليك اسكب بس خلــــــي


عنّي حل يا محلل قبـــــــالــــي = وانا ورد البنفسج كل جـــــــلـّي
خلقت حرف المنابر والاصـالـي = بفبرك شعر حقي ماوصــــــــلي


واذا حبيت تحكي بصوت عالـي = يمكـــن تنوضع بيقلب حلّــــــي
انا بالشعــــــــر صاير متل آلي = مابترك منبري يشكي الـقــلــــة


بدعاسيق الزمن منّي مبـــالـي = انا الكوكب على حدودي مصـلي
ركعلي بيشهدوا عليي الاهالي = تاتحصــل ع اللقب ع الجو عللي


انت مينك ياراكب ع الزمـالي = اذا طلوا الفوارس يوم طلــــــــة
شهادي بدك وبدك كفـــــــالـي = تاتوصل مطرح الغيرك وصــلي


انت قلة بموسم ارتجـــــــالـي = الله يقطـــــــــــــــع القلة مملــي
متل قنديل مطفي مــــع لألــي = مافيك تشـــــع تانـــورك نغلـــي


وتاإرجع بفرطك تاتصير غالي = وحشي بحشيك لاتخـــاف المزلي
ولأني مسافر وهيرت حــــالي = بعد ماشفت هاني طق راســـــك
جايي بيعك وسكّر محلي

============
وست هيفا ليش متحيزة ؟ هالمرة
مابعرفك هيك
وعذرا على التعبير
قلتي حلو لمارون وشربل وتراث
وهاني لا
مع انو كاتب شي حلوووووووو
انا مع هاني بعلن موقفي وبصراحة
وياويلي عليكن هههههههههههههههههه

طق يا هاني ولا يهمك قصايدك احلا قصايد
يقبرني ربك ياهاني ياهيك الطق يابلا
وانا راجعلكن بعد سفرتي

ادعولي بالتسهيل
وإنتوا كمان راجعلكن اذا الله راد


==========================


عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
7arf
7arf
admin

عدد الرسائل : 1125
العمر : 53
تاريخ التسجيل : 01/11/2006

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى