وعد الحر دين يا حرف

من طرف علي عامر 10/17/2009, 4:45 am

اشهقي لهموم ارضي يا معاني = وي جرحي ضل انزف ع الأمانه
ولانّو شعبنا دقّ وم حيّد = ملفّو اليوم خزّق يا زماني
ولانّو هيبة الشيطان سيّد = ع آخو وبدّل القمحه بزوانه
شو همّو الحظ لولا الكفر عيّد = وضاع العدل وانهدّو المغاني
بعهد اللي مضى الايمان كيّد = ضمير تعمّد بجرن الخيانه
وبرج امجاد عالآفاق شيّد = وفقر بعيون دهرو كرم حصرم
بسّ اليوم فقرو عم يعاني

انا يا منتدى الالفه بضميري = وضعتك وبقلب بيذوب غيره
وت عيله نجمّل الرحله سويّه = غزلت وشاح آمالي الحريري
قدّستك من الروح الوفيّه = لانّك فرجة الهمّ المثيره
ومع الايّام ع فروض القضيّه = جنو الاوقات بظروف العسيره
ت عنّك تغيّبت بطيب نيّه = وقلبي تغرّب بابعد جزيره
جزيره اهلها مصايب خفيّه = وجرحه بصومعة صدري اسيره
ومثالب سياسيّه عنجهيّه = رحت طهّرت عجنتها بخميري
ومخالب اجتماعيّه عفيّه = وطلاق يشرّد الحبقه الزغيره
لكن بعد م ارتاحت شويّه = حياتي وفوّحت روحي عبيري
وعليها طمّن الباري عينيّي = وعذابي بطّل يعرقل مسيري
رجعت يا منتدى وجايب هديّه = بسيطه من سما حلمي وصبيري
براعم موسم الاحساس فيّي = ت تحرم نحل لمّتنا المراره
وتكرم بالشهد عا هـ العشيره

وضمير الليل وسرارو القديمه = ع سفرة كلمتي عملو عزيمه
وسويّه استقبلو ملكة شرودي = بمدى الاحساس وبغايه حكيمه
وقبل م تنثّر الروح الودوده = وعود الخير من بيدر صميمي
الوفا بايمان رح تطرح وعودي = سنابل شعر مخضرّه كريمه
انا الالهام وحروفي جنودي = وبمملكة القوافي المستقيمه
دروع العدل حمّلهن وجودي = وسيوف الحق والرحمه العظيمه
صرفت دهور عمري من بنودي = غذي زنابق الفكر اليتيمه
ت صار الفن من عطفي وجهودي = نعم بتروّح الغصّه الاليمه
قلم حلمي من مفارق رعودي = وميض البرق والارض الحليمه
مفكّرتي البحر حبري صمودي = بموجي مسوكر يرمّد جحيمي
جحيمي منطق الناس الحقوده = وبسوق الاسم بتسخّر ضماير
كرامة قرش ع دروب النميمه

وعدني حرف رح يزحط قناعو = وع نور الموهبه يرشد ضياعو
لانّو بوج جسّاس القوافي = م بيخلّص ضميرو من صراعو
الورد ما فاح لحظه ع الحفافي = بلا م تبلّل بنهرو متاعو
السفر م اجتاح موجات الكثافه = بلا م الريح تتعبلو شراعو
القلب م ارتاح في حضن اللطافه = لو الايمان ما ريّح نخاعو
واذا الشعّار ع دروب الثقافه = ظرف هـ المدّعي كانو يراعو
انا باعصار م بيعرف تجافي = لحرف الجر رح بطفي شعاعو
واذا بيكون بحر الدرر خافي = وصريف الروح من جرأة يراعو
انا القطبين وحدة ائتلافي = وعن المحروف واضح اختلافي
الشمس بتخاف حبري ودفق باعو

كثر ما قلبك بدرب التناسي = مشي كفرك تعجرف ع القداسه
وبيّن حقدك بهـ الكار عبري = على تنظيم ابداعي وحواسي
لسانك لا تحطّو متل ابره = على dick السفاهه والنجاسه
انسى الجهل غوص ببحر حبري = غمّق يا حرف اظهر حماسه
م بعدك بالمعاني قد شبري = كثير عليك لو بعصف شراسه
تعا ي نحاس اشرب دم تبري = تبري من الوحي نبوغ وفراسه
وكفى تشارع بجولاتك الوبري = ولا تتمرجل على طيش الخنافس
اجاك الضيغم تحمّل مآسي

ع شو يا حرف ريشك هيك نافش = وبروحك كعب نعلو الوهم رافش
الك فتره عن الموقع الاخضر = بغربه سرّك مصيّع وطافش
وم كنت تحن للشعر المجوهر = بعقمك قاعد تخربش تعافش
بقريضك احرق الجوّ المشحّر = وقدر ما فيك في هـ الحرب دافش
شتقتلّك ي حرّوف المعتّر = وع بالي بجولة الشعر المشيطن
الكابوس يصبّح بعينيك خافش

انا يا حرف شاعر ارتجالي = حروفي جمر موقدة الاصاله
اذا بالشعر شفت الخصم خاطي = ضروري حاسبو بجوّ الليالي
قبل مدّه بمنطق ارتباطي = بحنان المنتدى واهلو الغوالي
تركتك من بعد لفحة سياطي = رحمه مش فزع شفقه وعداله
وانت بتعرف الفكر بنشاطي = مواسم خير طعّمتو ولآلي
ت صار الشعر من دقّة نقاطي = عقيده راسخه بنفس البساله
وي حرف الجر هلّق انت لاطي = بفيّة هجر وجوانح تعالي
لا تحسب حالك بهـ الكار ساطي = انت ساطي وسارق من غلالي
وانا ربّ المعنّى الديموقراطي = ع اهل الشعر بعطف من كمالي
وانت ت تصير مرّه انضباطي = ي عبد القافيه الحرّه المصونه
عبث ع قبال موهبتي وخيالي

من طرف **7arf** 10/17/2009, 6:32 am

اووووووووف اوف اوف
ياميجنا ياميجنا ياميجنا
المفروض تطلب ازن تاجاوب انا

لاتوقع ضمن حفرا شي بهوي
لأنو الشعر حرفو شيـب هوي
وعلى شعرك ياعامر شي بهو
العار بلا إزن دق البـــــواب
===========

من طرف علي عامر 10/17/2009, 7:00 am

من مدّه بعثتلّك رساله
وبحب وخير عاملتك ي خيي
وانت عا كثر م بحقدك مثالي
قمت طنّشت مضمون القضيّه
على كل حال بعدك انت غالي
عليي رغم نبره مهتريّه
واذا بتفضّل تضلّك تلالي
بجوّ الكبريا وضدّ المواهب
بتقدر تحذف الصفحه النقيّه

من طرف علي عامر 10/26/2009, 10:19 pm

ما في داعي توفي بالوعد يا حرف عرفتك

بس لا تخاف ما رح احكي

من طرف **7arf** 10/28/2009, 3:30 am

بالله شووووووووووووووووووووووو !!!!
ايه يلا قول ولاتخاف انتي
شو ناطر ؟

من طرف علي عامر 10/29/2009, 2:17 am

انا ما بخاف بس كمان ما تزعل
وتهرب بحجّة سفر

خلص ما بكشفك بس تاكّد انّي عرفتك
اسمك متل اسم ابي

والاهم عرفتك مش قد الوعد

وشكرا خيي

يعطيك العافيه

من طرف **7arf** 10/30/2009, 1:44 am

===============

الجرّب مجرب ياعلي بهالتجربـــــي = قال المثل عقلو مخرّّب ياصـــبـــــي
بحجةّ سفر تانقول سبع بيخـتـــبـــي = ناطر فريسي محرزي مش أرنـبـــي
ولو متل بييك اسم حروّف الابـــــي = بيـّيـن عندك فيك تعلا مرتــــبــــــي
بيضل بيّيك فخر اسمو تحـــــمـــلــو = وبيضل إسمي والدك بالموهـــــبــي

============================
أهم شي اني ما رح حاورك تاتقول مين حرف هيذا اذا ماكنت خويف
ليك تاهون عليك طوني شلهوب عملني سليمان وحكمت شديد عملني عمار
على كل حال !!! بشوف مستواك بعدين اذا تقدمت ممكن حاورك
بس اذا كنت بعدك متل ما كنت رجاع اتدرب كمان وبعدين منفكر.
وآخر همي شو بتقول ويعطيك العافية
===========================

من طرف علي عامر 10/30/2009, 9:55 am

ت تحاور المارد ي حرف الادّعا = بدّك شي عشر سنين صرف مطالعه
الشعّار مش بالغدر او بالاقنعه = الهيبه مواقف من مبادي مقنعه
حرف الكذب انت بنوايا مسبّعه = مش متل حرف الطهر جوّا الصومعه
وم بقول اسم اللي شفعلك بقهرك = تا ضلّ دوّخ فيك متل الزوبعه

* * *

روحي على عرش المعاني مربّعه = وروحك على يدّي ي حوحو مطلّعه
مازحتك بجولة الاولى وشو سعى = طيشك لصدّي بس ما في منفعه

ليك مش طالبك تهوّن عليي

ممنونك يا خيي

يعطيك العوافي

من طرف **عمار البراضعي** 11/3/2009, 10:08 pm

اضم صوتي الى صوت الاخ علي
ونداء اخير الى السيد حرف
املا التجاوب بكشف القناع
وازاحة الستار
عن وجه
امام الاخرين
مع تحياتي

من طرف علي عامر 11/4/2009, 6:48 am

يا هلا خيي عمّار منوّر

شو صار مع حرف الشعر والمقدره = متهوم بالفطنه وطلع منها بري

تخمين مش قادر قناع البهوره = يشيلو الهيئه السر كثّرلو غري

ارجع ي . . . . . . . وين العنتره = وين القوافي والكلام الجوهري

حتّى بعد لمعات شعر مخمّره = تاج الحرف نهديك مع عرش الذكا

وم تضل عجروف المعاني البربري

من طرف rabeaa 11/6/2009, 12:45 am

بحجةّ سفر تانقول سبع بيخـتبي = ناطر فريسي محرزي مش أرنبي

الله علييك
حلو وعظيم

وينك يا حرف وين
بضم صوتي لصوت حرف

من طرف **7arf** 11/7/2009, 2:53 am

rabeaa كتب:بحجةّ سفر تانقول سبع بيخـتبي = ناطر فريسي محرزي مش أرنبي

الله علييك
حلو وعظيم

وينك يا حرف وين
بضم صوتي لصوت حرف

==============

حبيبي ياربييييييييييييييييييييييع شايف شو كثراني الارانب
ههههههههههههههههههههه

صوتك لوحدو بس كافيــنــــــي = صوت المحبة اللي بيعنـيـني
منو ربيع الورد والياسمـــيـــن = وشو همني من ريح تشريني
عم يفتحوا بالمنتدى دكاكيــــــن = وانتي وانا ارزي وشربينــي
أو سندياني معملقة من سنيــــن = ونسمة محبة ضد هـــالعيـني
تخمين ماعرفوا حرف تخمـــين = والعقل نسيوا للبشر زينـــي
قلال العقل عم يهجموا مساكين = لا بيت لاضيعة ولا مدينـــي
اشعارهن لابيت لا محبيـــــــن = لا فلسفي لا عنف لا هيـــني
بيفتشوا قواميس دجـالـــــــيــن = ظنوا الزجل حكمو استاليني
حنكي ماعندن تايعلوا جبيــــن = عمار وينك طل لاقــيـنـــــي
لاتضم صوتك للحمل سكيــــن = أفضل اذا بتدشــرو مجروح
صوت الربيع قبال دزيني
===========

من طرف علي عامر 11/7/2009, 7:49 am

حلو كتير يا سنفور ( حرف )

وانتبه انا مش من اللي بيزعلو

مش مشكله تتسلّح بروح القصيد = وتغرق ببحر الوهم وتصادق عبيد

شو خصّك بشمخة ارز مجدو تليد = ما انت بعدك وبر بالغبره شريد

اسم الله الذكا بعقلك وبالشعر الزهيد = دماغك نخاله مبودر عليها سميد

ومش حرف انت الانحراف وع الاكيد = عا قدّ م مسلّي ارانب بالنهيد

بتخمّن الاطهار متلك يا ولد = عهر ودشر كل يوم عم بتقيم عيد

م حملت لك سكّين تا صفّي = دمّك الفاسد عا حفافي الليل

يكفيك صوت الريح من كفّي = تا يزرعك دمعات رعب وويل

من طرف **7arf** 11/7/2009, 12:35 pm

على دلعونا وعلى دلعونا = حرف بأشعارو ربا المسكونا

تأدب يا ابني الماشايف زييك = محروف ومنك عم يقرف حييك
مازال قلتلي ع اســــــم بييك = ولاد السنـــــــافر عيب يسبونا

من طرف علي عامر 11/7/2009, 8:31 pm

يا حرف الصايع لا تقلّي مربّا = احسن م دموعك اعملها مربّى

يا جوكر اهرب من قصّ الكبّه = ويكفي تهريج بشعر الموزونا

من طرف **7arf** 11/7/2009, 10:28 pm

عم تتحداني وعـم تنفث سمّـــك = بعرف ماشفنا أثقل من دمك
بتربح أو تخسر كلو مش همك = لا تحلم جولي بمنبرنا تكونـا

من طرف علي عامر 11/8/2009, 6:31 am

على دلعونا وعلى دلعونا = حرف المتعجرف شرشة شيطونا

سمّي للنحله شهد باحساسي = ودمّاتي اثقل من اغلى ماسه

بطمح للجوله مع شاعر قاسي = ولا متلك فاشل خرج الدلعونا

من طرف **7arf** 11/8/2009, 12:04 pm

عيونك لاتتعب بحــروفي تهجوا = منبركن باقي الحروّف محجـو
متلك لي تطرطش ميي ع وجـو = وبيقول الدنيي شتت ع عـيـونا
=========================

استحي يافاسق بشكل الكــبـابــــي = من حروف البلاغــــة والرتابي
مجرم حبر لو بتكون مـــاهـــــــر = قزم بتضل مع عمــــلاق رابـي

قلتلك تعا بالسر جاهــــــــــــــــر = زحف حبيت تقـــرب ع كعابي
شوف الفيس بوك بظرف قاهـــــر = سحبت شارب عميـــدو للربابـي

حرف النجم فــــــوق النت ساهر = وانتي الثعلب الجايـــي ع غابي
قلت سنفور عنــي وقلت عاهــــر = كثر ماركعـــّــــك مـارد جوابي

المزح مابتفهمــو من قلب طاهـر = الصوابي تلقّك بّظهّـر الصوابـي
لاعندك بالزجــل تفكيــــر باهــر = ولا معتاد تطلع ع الـروابــــــي

بعهر ورماد متسـلّـح وشـــــاهـر = حرف ومنحرف علـة وكآبـــــي
لاني رعبتك بالليل واهـــــــــــر = مارح حققلك الحلـم بحيــــــاتـك
وإسمحلك معي بجولةّ كتابي
===========

من طرف **عمار البراضعي** 11/8/2009, 2:14 pm

ياحرف وعدك ليش مابيوفي ديــون
صكـــــوك المحبة نسيتها وج وقفـا
ومش حق مشرف منتدى لما تكون
تخــــون الامانة وتنكر عهود الوفا

* * * * * * * * * * *

من طرف علي عامر 11/8/2009, 11:27 pm

يا حرف اخجل من كلام الدلعنه = ولا تضلّك تمثّل دوار النغلنه

بتضل مهما تنفّخت قملة زجل = ممروض وفجورك العلّه المزمنه

وعمّار يا شاعر حلا روح وضمير = حكيت ال بقلبي جال يا خيي الكبير

وعد الحرف بشباط غبره مكوّمه = وعندو الوفا بنيسان والمطلع عفير

من طرف علي عامر 11/8/2009, 11:44 pm

كنت بالارض اشتغل بالزيتون ما فضيت غير لهـ الوقت

بعد ما خلصنا يا حرف

على الطرقات يا بقوة زباله = تفضّل جاوب حروفي وسؤالي

بمجالي ان كان قهرك جن جمّر = شو خصّو مجرم الحبر المثالي (الله لا يعلّقك معو)

انا قزم بنظر شحّاد منبر = حرف بالاسم والفحوى عماله

بغض روح الاصاله بقلب اطهر = لانّو من الحيا والدم خالي

انا ثعلب خدعتك يا مزنطر = وقلت بمازح ولاد الجهاله

وبخدّك عم بطقّ وخد عنتر = قبل منّك تمرمر في مجالي

انت جرذون م بتطلع ي منكر = ع شو عم تدّعي بهيكي مقاله

وم جايي حاورك ردّي تخمّر = انا جايي ت شرشح فيك حتّى

ربّي فيك اهل الارتجالي

من طرف **عمار البراضعي** 11/9/2009, 1:46 am

حلوووووووو ياعلي هاهاهاهاها
شوهالحكي والشعر والمضمون
البيليق بالحرف البيعدّو فنـــون
بفضل ياحرف تضلك مخبـــــى
وماتعود تظهر ياحرف مجنـون
انحبيت ترجع عـــــــود وتنـبى
لويت قلبي ياحقــــــد نيــــرون
الزبدة علي طعماك ومربـــــى
خلاك تبكي دم من العيـــــــون
وفي كم دمعة النت بيحـــــبـــا
ع الشاف عينو بترتفع ع جفون
دمعـــةّ حرف كل البشر سبّــــا
ودمعةّ يتيمة بعرسها المـيمـون
ضبضب دموعك عيب تتــأبى
وممنــــون منك ياعلي ممنون
ربـيت حرف البعد ماتربـــــى
ومنشـــــان نخلص ياعلي منو
ياريت رصيـتو مع الزيتـــون

* * * * * * * * * *

من طرف **7arf** 11/9/2009, 3:12 am

إصـمت ياعميل الأسرى إيـلـي = بسحـرة حقدها مـــالو متـلــــي
وديلـي ورا العاطيك تركـــــي = زميلي بعملــو يضـوّي الفتــيلي

واذا بيـحب يتحدى بعركــــــي = بحــكـّو ع المسافـات الطويــلي
بيت عامـــر اذا بيجيب شركـي = بيــت خربـان رح رد القبــيـلي

انا بقوةّ زبـالي انكنـت بلكــــي = بشارب فـارس بيـكبي الاصيلي
طلع منهـا أساسك بعد زركــي = بخمر مخلل نزعـــت السليــلـي

ياجايي مـن نقط واقع بحركـي = حروفي بتشطب سيـوف الصليلي
مش معتـاد ع أقــزام إركــي = ماردكن ما إلـو مـع حرف حيلي

وذينين الدهـر فرفكت فركــي = مابتحـــــدى العطـيـلي والعويلي
ولوما عمار وصاني بسركــي = داري خـــــــاطــر قرود الهبيلي

كنت قربت ع محيطات وركي = تاوديلك من عيــــــاري الثقيلي
وخلّي تحتك الميات بركــــــي = الدم الفـــاسق تغسّل تمــــــشي
وتشطف زنختك يمكن قليلي
============
انا كنت ناطر حدا اعصرو بس طلعلي ارنوب مش ناوي عليه
شعرك بيلعي كتير عالمعـدي = وجهلك مفزعني البشر يعدي
من هيك مالي خلق رد عليك = تاتصير تحكي شعر يابعـــدي
وعمار فتّح ع الشعر عينيــك = سحاب الوصية بقول ياسعدي
البيحب عالحروّف يعمل بيك = من النايك بدي لبسو ماركات
واخفي مناظر ليفةّ الجعدي
======

عمار انتي عرفتني النجم بسمــــاك = لا تبعث الشيطـان تايحاكي المـلاك

بدك قناعي زيح ؟ دماتي فـــــــداك = ع شرط حدي يضل عالي مستـواك

تفضل على الساحة اذا حرفي نداك = إصعد طلوع ورود ع قمـةّ عـــلاك

فوق القمر مش تحت رح بتشـوفني = ولولا قناعي بزيح بخـرب منتــداك
===========

من طرف علي عامر 11/9/2009, 5:41 am

تعا يا موت واهجرلي ترابك = انا من كلمتي بجدد شبابك
م بيسوى انت ترفض هديّه = هديّة رب سرّو عا حسابك
وي فنّ الارتجالي بهـ القضيّه = مع الخوّان لا تسكّر بوابك
الاعمى حرف في عندو شهيّه = طبخ تزوير يشفط من حرابك
لكن يا طهر فنّ الحميّه = قليل تمعمسو وحلة كعابك
وانا بالاسر يا اوسخ خطيّه = عشت مدّه وتعذبت بضميري
لانّي مجاهد كرامة جنابك

علي عامر بشرع الشعر جاني = شهد للخير بس ع الظلم جاني
بعيني عطر عفّه قدّسوها = على عرش السما وضعت الامانه
ولوي لومي بلامي الباركوها = لآلي لب دين العنفواني
حروف بشكلك النكرت ابوها = بكذب وبندقه وحجّة اناني
ويراعي يا شويعر للشروهه = ل بطقسك للعقم روح وضمانه
مطوّف فلسفة سرّ الألوهه = متل طوفان نوح الاوّلاني
وبكرا بعد ما موت القروها = لاشعاري فدا وهج المعاني
بييجو بالتبر حتّى يعلّقوها = على الكعبه بكل صدق وتفاني
ويميني بحلفو للقدّروها = انا نشرتا لحتّى الحرف يفهم
ولكن اخ حسره يا زماني

وت تفهم حرف الهامي تمنّى = ودقيقه تصمد بوجه الأسنّه
انت ع السب رابي يا خنوثه = وبفض2لك عيلتك راسا تدنّى
واذا مشتاق للسم بنفوثي = ان كنت رجّال اظهر يا مقنّا
وي عمّار المبادي والحثوثه = انا مسامح جرو جنّ وطعنّا
م بدّي جرجرو بنير الحروثه = وم بدّي دنّس برسمو المعبّق
عمالقة القصايد والمعنّى

من طرف **7arf** 11/9/2009, 6:45 am

سباع المرجلي لو يوم غابــــــوا = الثعالب للأسد سرحوا بغابـــــو
وضرغام الشعر صاين عريـــنو = ووقيد الجمر ع شفافـــو بجوابـو

الصان المرتجل معروف مينـــو = بزجلنا 2 كانوا من قطابـــــــو
اسم حنــــــــا وزين العارفينـــو = ألف رحمة واحدهم ع ترابـــــو

وعصر الحرف من اول سنيـنو = ابتدى ومابيجهلو زخمو صحابـو
مين المرتــــــجـل علا جبيــنو = وبحري بيقدر بيمخر عبابــــــــو

ع شطي بقرّص بسرعة عجينو = وبشعر الممحني العامل حســابو
ع باب الطل منو وجايبينــــــو = بردو قبل مايقلل أدابــــــــــــــو

مش هيك الزجل والكاتبيــــنو = اذا سيف الحرف دشر قرابــــــو
واذا ع الخوف كانوا ماحييـنو = لاتســـألنـــي ولاتتعب بعد نفسك
الهلع للفيس بوك بذغر صابو
===========
الك شهرين لاحقني تجــاري = بدك مع حرف تبـــــــقى تبـاري
انا ماضل فـــــوقي غير الله = ومع الكتبوا زجل بحكي بـزاري

لهاالاسبــــــــاب قلتلك تحلا = بروح المكرمة ودشـــر عيـاري
شوبدك من حرف فوقـك تعلا = غير المسح مابنقــــــي خيـاري

انا بمسح مخـوخ الشعـر كلا = وقاسي كتير ع المنبـــر قراري
مع عمك حرف ضـلك تسلى = لاتوقف متل جندي انكشــــاري

جهلك ع ضعــف عـقلك تبلا = وزتك وهم مرمي ع ســــواري
وحرف المملكي وحدو احتلا = وماتعدى ولا راد الاذيــــــــــي
انت زتيت حالك فوق ناري
=========
وبيقدي بعد تا اقـــســـــا بيـقدي = انا بدي حدا ع الـنـت قـــدي
مش طرطوع عم يحكي بيـفـارة = وحراذين وعـنـاكب كل مدي

الشعر مش كم كلمة ياخســارة = عهر أو جمروحثـوثـي مصدي
ولا بكلمات مافيها شطـــــارة = الشعر حنكة وفطاني بكل ردي

حملت كلمات ياعود الزبــارة = وتـــــــارد عليك سدقني مابدي
على حرف الارز شنيت غارة = طلعت سلتك ع قـــــــــد عقلك
فاضي ومابتطلع قد يدي
==========

خلص مزحت معك شوي ويعطيك العافية ياعلي
وبهنيك على رحابة صدرك بصراحة فكرتك رح تزعل بس بلشت حبك

من طرف علي عامر 11/11/2009, 1:13 am

بصراحه يمكن انت تكون زعلت لانّك عايش بـ نرجسيّه غير شكل

ولو الموهبه مش كل شي وع كل حال انا اللي بهنّيك يا عمّي حرف

على قولتك

وانا بهـ الوقت مش رح رد لانّي كثير مشغول مش لانّي مش قادر

وكمان بيهمني تعرف انّي بحترمك وبتعامل مع الانسان قبل الشاعر

والباقي عندك

من طرف **7arf** 11/14/2009, 11:44 pm

برافو عليك ياعلي وبربي انا بعزك كتير
ولاتفكرني بزعل وحياة حرف وعلي
انا من الشعر مابزعل
بس لازم تعرف شغلي انا لاناطرك ولا متقصدك
بس انتي تعمدت وهددت حرف وهذا الصار
ويمكن بعدك ماعرفت شو صار على الفيس بوك
لأنو ماكانوا يقدروا يسكتوني بالشعر قاموا محولي حسابي مرتين وعلى الارجح واحد اسمو على ما اظن: حكمات شديد الحلو
وحدا تاني مطابق معو.
على كل حال لما اتأكد رح انشر التفاصيل بدقة
ومن هيك ناطر بسينات وارانب الفيس بوك اللي بيمحوا
بس مش عم يسترجوا
يفوتوا على غابات الزجل
عم يتخبوا بالجنينات
ههههههههههههههه
ياويلي عليهن

وعد الحر دين يا حرف

وعد الحر دين يا حرف

رد: وعد الحر دين يا حرف

رد: وعد الحر دين يا حرف

رد: وعد الحر دين يا حرف

رد: وعد الحر دين يا حرف

رد: وعد الحر دين يا حرف

رد: وعد الحر دين يا حرف

رد: وعد الحر دين يا حرف

رد: وعد الحر دين يا حرف

رد: وعد الحر دين يا حرف

رد: وعد الحر دين يا حرف

رد: وعد الحر دين يا حرف

رد: وعد الحر دين يا حرف

رد: وعد الحر دين يا حرف

رد: وعد الحر دين يا حرف

رد: وعد الحر دين يا حرف

رد: وعد الحر دين يا حرف

رد: وعد الحر دين يا حرف

رد: وعد الحر دين يا حرف

رد: وعد الحر دين يا حرف

رد: وعد الحر دين يا حرف

رد: وعد الحر دين يا حرف

رد: وعد الحر دين يا حرف

رد: وعد الحر دين يا حرف

رد: وعد الحر دين يا حرف

رد: وعد الحر دين يا حرف

رد: وعد الحر دين يا حرف