الله يرحم بييك الغالي

من طرف **عمار البراضعي** 11/26/2009, 1:07 am

كـــــــــــان عندي بيي ومّـ ثالي
عن حب صادق كان رجّــــــالي
كلمتو ماتصير مــــــــــــرة ثنين
محبوب مش عن خوف من والي

بالرغم عندو عبســـــــةّ العينـين
بترجّف الماخــــــــــــاف بليالي
ماكان يعبسها وعلى الحــــــالين
عاطيه وهرة ربنا العــــــــــالـي

ولاكان حاتم فاتــــــــــح البـابين
ولا نايب ولاصاحب معـــــــالـي
لكن ياغبنو كان مرجـــــــع بيـن
أهل الشعـــــــر والديـن برسالـة

ووقت الرحل عـنـا وأخذو البـين
طفـّــــــــول كنت بيجهلو حالـي
ولما كبرت وصرت مالي العيـن
كلما عاشخص تعرفت بيقـــــول
اللـــه يرحــــــــم بيــيّك الغـالي

* * * * * * * * *

من طرف **7arf** 11/28/2009, 2:59 am

عمار كيفك ياعطر فــــــــــواح = بعزيك كلما خسرت بيــــرق لاح
مش بس وحدك كل شأن العـــام = والخاص خاسر مرجع الإصلاح

هيك الرجـــــــال بفعلـها الأيـام = بصمات تركوا كثير كانـوا منـاح
وكلنا سوا منعيش بالأوهـــــــام = مننسى جايين على الدني سـواح

وبييك عرفتو من قبل أعـــــوام = مخصص علومو وماعمل جراح
والله يرحـم كل شخص مقـــدام = وضيعة الخسرت إسم أسعدهــا
راح منها السعد لمــــــــــا راح

===========
الله يرحمو

الله يرحم بييك الغالي

الله يرحم بييك الغالي

رد: الله يرحم بييك الغالي