خسرنا وربحنا

من طرف **عمار البراضعي** 11/27/2009, 3:01 pm

رجال الحميدة الرب كـــــــونها
بـ حمد وثنا بصدور صــــــونها
نشالله بتبقى للوفا عنـــــــــــوان
مرجع أصالة كنوز معدنهـــــــا

بوعي الضمير تكوّن الإنســـــان
جران المحبة العطف خونــــــها
وشو كان بيي عالأرض تعبـــان
برزق الحلال النفس سكـنـّــــهـا

ومن كثر ماطييب النية كــــــان
الأرض اشترى بحجة مادونـــها
توفى اللي باعو وحقلةّ العــربان
ولادو شالونا عالصفر منهـــــــا

ومش مرقد العنزة ولا الـــفـدان
ياما شقف راحت ماأهـــــــونها
وكلمة زغيرة سلاح كل لســـان
بدهـــــــا صبر الله بيـهونـّــــها

وراحت الأرض وماحدا زعلان
وبقيت خزينة صعب ثمنـّـــــــها
كيف مابجي وبروح يالبنـــــــان
بييك بقولوا وعن فخر بعـتــــــز
السمعة الحميدة المجــد لونــّـها

* * * * * *

من طرف نجديحاطوم 11/27/2009, 6:16 pm

يا بو اسامة بعرفك عالي اللوا....وفيك الوفا بيرق شموخو ما نطوا
بتعرف ارض لبنان منهوكي القوا...والا رجوع ال غاب ما الها دوا
وما زال مات البي والقلب نكوا....وسافر الخي وطالت سنين النوا
عاتب ارض لبنان يا خيي الحبيب....يللي ما حملت خيّك وبيّك سوا

وكل عام وانت بخير

من طرف **عمار البراضعي** 11/27/2009, 6:47 pm

اهلان خيي نجدي وانتوا بألف خير تنعاد عليكم نشالله
وعلى الجميع بهداوة البال ولم شمل العيال
* * * * * * * * * * * *

الأرض العليها توحموا ليــالي المحن
من الصعب تنسى بدر مابيعرف وسن
ومهما تجنى الموت أو زاد الوهـــــن
بتخلّد الأعمـــــــــال والخلق الحسـن
والغاب عنا بفكرتي وقلبي قــــطــــن
جبــران ماينسى شو أرّخ بالفـــــتـن
بأرض الوطن غربـــــة الفقر بينعـتـو
امّا غِنا الغربة حسب إلـــــنـا وطــن

* * * * * * * * * * * *

من طرف نجديحاطوم 11/27/2009, 10:45 pm

الغربة وغناها غصن عاري من الورق....فيها الوطن عالبعد بتشوفو نسرق
ومهما غناها شعشع ونورو شرق.....الغايب بيظلو بجمر شوقو ينحرق
والشاعر الذابت عيونو ع الارق....بالدمع غرقاني وما رح تشبع غرق
مهما غني بيبقى بغيبتكن فقير.....وعيدو ملح عالجرح بتشوفو مرق

حبيبي هههههههههههههههههههههههه

من طرف **عمار البراضعي** 11/27/2009, 11:37 pm

لما عاذات القافية فكري مـــــــــرق
العبرات كرجـوا سيل بتكفـــي فـرق

الأحداق بكيوا دم والخد احتـــــــرق
وجبيـــن شعري جعّد وكــدو العـرق

وعمار لما بمفرق الغربة فـــــــــرق
يلجم حصان العاطفة كلمـــــا انهرق

وعن تجربي مطرح مـاترزق بالدني
إلـزق وخبي العطف حبر على ورق

* * * * * * * * * * * *
انا مجرب سماع مني
هههههههههههههههه

من طرف نجديحاطوم 11/28/2009, 7:20 am

مطرح ما ترزق انت الزق عنزقة
وخلي عيونك عالمصاري مبرزقة
ويا رزقتي كتر ثياب مزوزقة
واضحك عاشردقتي وعاصوت الحوزقة
ويا ريتني عصفور صوتي زقزقة
ارجع عارضي العا غيابي ممزقة
وما يكون الا جانح وريشة معي
ولزقة الغربة قابعة ومش لازقة

حل عنا ولووووووه بالكاف والسين للغربة هههههههههههههههههههههه

من طرف **عمار البراضعي** 11/28/2009, 2:40 pm

طقت الريشة بصوت عوادي مـلــو
العصفور لا تخلي بعشو بتقتــــــلـو

الغربة مشاعر والوطـن تانكـمـــلـو
منها تعلمـنا المرارة والحـــــــــلــو

كم ألف شاعر بين أهلـــــو ومعقلو
عايش أسير بضل فـقـــرو الشنكـلو

قديش بين الناس وزنـو ماانســأل
وشو في معو ليرات صفرة بيسألوا

* * * * * * * * * * *
واذا حدا قلك غير هيك لاتصدق ههههههه

من طرف نجديحاطوم 11/28/2009, 3:39 pm

عمار بحياتو الاله السرمدي...حاجي بقا تبنّج جروح منهّدي
لوما الورد عاتراب حوضو يبتدي...لا العطر زارو ولا النسيم ولا الندي
مش عيب فقر الحال يا خيي اهتدي....وعايش بارضك والكرامة مزودي
ارزة وطنا نشلتها من ترابها....بتصير بالغربة حطب للموقدي

خلص قناع بقا اسا بنكرز هههههههههههههههههههههههههه

من طرف **عمار البراضعي** 11/28/2009, 4:00 pm

فكرك مازال الفقر بطمـــــوحو لمح
شيل الورد من موضعو وشمو بفرح

وبالنرفزة بالشعـــــــــر الله ماسمح
ونحل المواهب طار تايجني وفلــح

ليــك الفنيقي الأرز موطنــــا شرح
ضلو بحضن الأم فترة وماســــرح

ولما قطع أخشاب أرزتنا زمـــــان
سافر وشق البحر عامواجـو ونجح

* * * * * * * * * * *

من طرف نجديحاطوم 11/29/2009, 3:01 pm

لوما ربي ارز المجد ع جبالنا ...لا منذكروا ولا فيه شفنا حالنا

وحتى الفنيقي ال عاش بين تلالنا...شرب الوحي من نبعنا وشلالنا

ومازال فينيقك خطر ع بالنا....اياك تنسى بالوطن ابطالنا

لو سافروا بالدم ما سقيوا التراب...ولا استشهدوا كرمال استقلالنا

هههههههههههههه عليهم يا ملك

من طرف **عمار البراضعي** 11/30/2009, 4:31 am

الغربة مدرسة تاني حقيـقــة = منها تعلمت كل الخليقـــــــــة
وفيها الشوق مامنكر حنينـو = جمرو بيلهب بأول دقيــقــــــة

وأول درس كنا آخذيـنــــــو = بشرع الغاب لوفتنا بطريقــــة
لوما سبعها دشر عرينــــــو = ولادو مـاتت بتبلع بريـــــقـــة

الحلو بها مدرسة متعلميــنـو = كثار أمورها الحلوة الدقيقــة
وحلو الأنسان تايرفع جبينــو = حضارة يحمل عليها عريقــة

وحلو يترك محيطو العارفينو = بثقافة ثانية يمضي الوثيقـــة
ويلقي إعتمادو عايمينـــــــو = وعانفسو يتكل مش عالسليقة

وفنيقي الشقّف البحر بيمنـــو = بخشب إبنوس للأرزة رفيقة
واستقلالنا معروف مينــــــو = الإجا تايشـاركو بقامة أنيقــــة

وغنا الغربة كثار مجمعينــو = بقلب الفقر تاطفوا الحريقــــة
ونحنا الوضع أكثر عايشينـو = ووطنا بتعشقو زهور الحديقة

لوما بتبر أصفر داعمـــينــو = وقرار بيدعمو ضد الطبيــقـة
من الهجرة ماكـنّـا معمرينـو = ولـــــو ببلادنا بقينا ماشفـنـا
إبن لبـنــــان بمواهب طليقــة

* * * * * * * * * *

خسرنا وربحنا

خسرنا وربحنا

خسرنا وما ربحنا

رد: خسرنا وربحنا

خسرنا وما ربحنا

رد: خسرنا وربحنا

خسرنا وما ربحنا

رد: خسرنا وربحنا

خسرنا وما ربحنا

رد: خسرنا وربحنا

خسرنا وما ربحنا

رد: خسرنا وربحنا