ياعيب الشوم يامستضعف !!!!

سامح يا حرف الشاعر ظروفو***عم تجبرو يشحد من دفوفو

ويمكن مع الأيام بدو يتوب***وبترجع الأيام ونشوفو

من كل قلبي مسامحو وحبوب***بيدر قصيدو يلم بكفوفو

لكن نصيحة يتّكل ويدوب***بشعر الخيالي وحاجتو تلطيش
بّحر البلاغة يعمّد حروفو

عتب عا ربيع من المحبة

شوفوا الرابط بطلب من مدير موقع الجولان الصديق ربيع يقول بمنتداه مين صاحب القصيدة





عا منتدى الجولان رحت نهار***أتصفح بيوت الشعر تا صار

عندي خجل اقرا ل عضو دعّاس***سارق قصيدة لشاعر الشعّار

عيبي وألف عيبي يا أبن الناس***تسرق شعر منحوت عا البيكار

وبعرف عصام الشاعر الحسّاس***ما بيسرق من المسكبة الأزهار

وما كنت بحكي وبقطع الأنفاس***لوما ربيع بنعرفو جبّار

ما بيقبل يخلي الشعر منداس***كل البيشوف بيوت مسروقة

يحطا بمجمرة الأدب والنار

ببطلب بأسمي وبأسم عمّار

بحر الزجل

لا تعتبوا علينا اذا قسينا***ومنشان نسكوت ما بقا فينا

نحنا الرفعنا النت وين ما كان***تا صار موقع شعرنا مينا

سرقنا الحلا ما خالق الأكوان***ومن بعد ما الخلّاق يعطينا

اعطينا مواقع شعرنا قصدان***داخوا الليالي من معانيينا

نحنا ما بدنا ينسرق فنّان***ولو كان خي وبي ما رضينا

وبمنتدى عمّار وسليمان***زرعنا زهور الحب والأبداع

وشربوا الجمال المن قوافينا


بحر الزجل

يا ربعة ليش ما بتكشف جهازو***تا نعرف مين فصّلو جهازو

اذا عصام قلي قبل جمعة***ياما بيوت للحفلات عازوا

الشعر يا صاحبي من الروح دمعة***ونبع أحساس بيشبّع رزازو

وب عيدو بيشعل الأبداع شمعة***وبعمرو ما حلص بالفن كازو

السرق بيشوّه الموقع بسمعة***وسجّلو الأسود بيلغي جوازو

وما بتفيد بعد الموت دمعة***وأبو شربول مع عمّار والله

غير للحق عمرون ما انحازو


يا ربيع تأكد مين دعّاس
بحر الزجل

ما زال هوّي خبّرك دعّاس***طمّنت قلبي كتير يابن الناس

وما تركتني بالمنتدى مهموم***وخايف ما شعري يسرقو الحسّاس

بدنا يا ربعة تنصر المظلوم***وما تساير السرّاق والنسناس

وبواجبك عا النت تبقا تقوم***وتحرّك الأبداع بالأحساس

عمّار وسليمان عملو هجوم***تا يعلّمو الشاعر اذا الأفلاس

بيدق بابو بالزجل بيصوم***وبيدخل الشيطان والخنّاس

بيعلّمو يسرق طفل مفطوم***وبيصر يلمع بس متل نحاس

وبيدشرّو الألهام متل البوم***وبيخسر محبيّن بالأشعار

وبيضل وحدو قاطع الأنفاس


معليش من باب لمحبة لكل شاعر بيطلع عا بالو يشفط بيصير يتعود عا ها الشي

بحر الزجل

عا منتدى الجولان ودّوني*** منشان شبّع بالحلا عيوني

ومنشان أقطف نجمة سليمان***ويتعب خيالي وتعرق فنوني

يا منتدى فيك الشعر بستان***أخضر ولون الشمس ليموني

بيتحمم الأحساس بالألوان***وبتصير فيك الناس مجنوني

ولوما ربيع المذوق الفنّان***بيفهم علينا وريّح ظنوني

تا كنت يا جولانا بلبنان***أنشر عا تلفزيون كل الصار

وخبّر أخي عمّار سرقوني

يا فبركة المعاني والقوافي***النصيحة عطيتها وبشرح كافي

وضميرك حي يا أبن الفصاحة***وما بدّك بالحقيقة أعترافي

انت عملاق نت بكل ساحة***والمرحوم بيّك كان وافي

زجل لبنّان وسعّلو المساحة***وفرض حالو على منابر وطنّا

وولادو لازم يصونو الخلافي