مستحيلات للترفيه

من طرف **7arf** 6/3/2007, 6:04 am

خوذ وهــات من الافـاق ... بعطي اللّي بيعطيني

وع جبلي وجبلك يارفاق ... اللّي عبالــو يلاقيني

******

جبلي فيـل بلا أوزان ... ونملة فيها النجمـــة تجيب

وغيلم بيطـارد غزلان ... أو قرقور مهـــــاجم ذيب

بجبلك دوري للعقبان ... واعمى بي عينو بيصيب

وثلجة بتطفي بركان ... تعـّبي البحـــــــر بقنينة

Laughing

:D

من طرف rabeaa 6/4/2007, 10:19 pm

قادر جيب الما بينجـاب...والمخفي يصفي حاضر
واصنــام بتقـــرا بكتــاب...وكل صنم يصفي محاضر
ول بجبلي شـوك انـجاب...اجـــمل زيــــنة لمـــناظر
راح جبلو اخرس منساب...هندي بيحكي وبلجيكي
ــــــــــــــــــــ وعربي بيحكي والصيني

من طرف **7arf** 6/4/2007, 10:25 pm

جبلي سيارة ع التـبن ... وحمـــار بيشرب بنزين

بجبلك إم بزغـــر الابن ... مع حــوت بعلبة سردين

وجبلي زيز بيعمل جـبن ... وسبع قبال الشــاة يلين

بجبلك فارة بتشقع لبن ... بكفة بتحـــــمل دزينـــة

cheers

من طرف rabeaa 6/5/2007, 2:45 am

قادر جبلــك كــل النــاس ...تعزي بانسان الطــيب
وطفل الما بيخلق نبراس...بكــعي ابـــو الطــــيب
انجبتلي اكــــبر متـــراس...حاني للسيف الطيب
رح جبلك حنظل بالكـاس...ازكى من خمر الجرات
........... تشرب منو وتعطيني

من طرف **عمار البراضعي** 6/5/2007, 5:16 am

جبلي بحرة ملها حـــــد ... بجبلك بالصحرا بركــــة

جبلي ميت واحــــد حد ... عاكتاف الكوكب بركـي

جبلي قشـة بتقطع حد ... السيف ومفعولة بركي

بجبلك جمعة بدال الحد ... والحـــــــد بدال الأثنين

والأضحى بالشعنينة

من طرف rabeaa 6/5/2007, 11:58 pm

جبلي نـــار الوقــــــادي...بسهرة حتى تـــبردنــي
بجــبلـك امـــة عبـــادة..."تنســى اللـــه وتعبدني
جبلي من القهر زيادي...زيــــادي حــتى تسعدني
بجــبلك ردة قــــرادي... بوزن مـــعنى بتعــنيــني

من طرف **7arf** 6/8/2007, 12:16 am

بدك نار بســـــرعة بجــيب ... ّبركان ولهــــباتو جلــــيد
جبلي ثلـــــج بلا تذويـيـب ... عاوهج البــيـهب وقـــيد
وجبلي شمس المابتغـيب ... بخلي لــــيل الدهر يزيد
وجبلي طفل وعم بيشيب ... بجبلك كاهل عمرو نهـار
بيشبه ابن التسعيني

من طرف rabeaa 6/8/2007, 1:22 am

جبلي امــحل ما بــيحتاج...بيعطي من خيرو قسمي
تجبلك خــرطشت دجــاج ...تعلــم بيكاسو الرسمـي
جبلي قاسـي عكر مزاج...مــا بيحكي الا بـســــمي
تجبلك قصــر مـن العــاج...حقـــو فرنـــك ســترليني

من طرف **عمار البراضعي** 6/8/2007, 2:37 am

جبلي نملة تقــــــاتل فـيل ... وقرد بيعمل نمـّــــــــورة

بجبلك أعمى العين يشـيل ... ان قوّس في غاب نمورة

وجبلي حيية جبال تــــــزيل ... القمة بتخلي جـــــــورة

بجبلك من صخرة بركـيـــــل ... حامل سبع ثمان صخـور

محفورة باللاتيني

lol!

من طرف rabeaa 6/8/2007, 4:14 am

جبلي قوة بقلب السد...ما بتلقى ضعف النفخة
بجبلك بحر المالو حد...يــامــا مــقطوع بفشخة
جبلي بشعة ورح تنعد..عــبنت الحـلوة شـــلخة queen

بجبلك ضعف بانحف قد...اسمن من بنت سميني

cheers

من طرف **عمار البراضعي** 6/8/2007, 4:34 am

ورقة شعر بتنبني ســـد ... بجبلك من سد القرعون

بشرط تجبلي برج انهـــد ... وحجارو كل وحــدة بلون

وجبلي خفرع مش ممتد ... مع خوفــو بجنبو فرعون

بجبلك مومياء بتـــنــــــعد ... أزغــر من عمر سنيني

من طرف علي عامر 8/18/2007, 10:30 pm

جبلي قرد من الغزلان * وتنين الإلفه بدمّو

بجبلك سلم من العدوان * وشوكات اللي بينشمّو

وجبلي نعومه من الصوّان * وشخص بيسمع من تمّو

تا جبلك صوت الغربان * بهمّي المر يواسيني

من طرف **7arf** 8/19/2007, 12:21 am

جبلي علقم طعمو قـــــطر ... بجبلك شهد بيطلع مـــــر

وجبلي كلمة قد الســـــطر ... بجبلك نقطة فـيــــها ســر

وجبلي شوكة بتقطر عطر ... بجبلك وردة بتخمــش هر

ونمر الصايم ناطر نـــطر ... يمرق من حدو بو حصين

بيترجى بربو حميني

من طرف علي عامر 8/19/2007, 2:11 am

جبلي غراب بيعزف ناي * وتمساح بيرقص سمبا

بجبلك ارنب يشرب شاي * وفهد بيتعشا بمبا

وجبلي نعجه ان كانت جاي * تشعشع ستاعشر لمبه

تا جبلك للشمس مراي * وثعلب يحكي فلبّيني

مستحيلات للترفيه

مستحيلات للترفيه

رد: مستحيلات للترفيه

رد: مستحيلات للترفيه

رد: مستحيلات للترفيه

رد: مستحيلات للترفيه

رد: مستحيلات للترفيه

رد: مستحيلات للترفيه

رد: مستحيلات للترفيه

رد: مستحيلات للترفيه

رد: مستحيلات للترفيه

رد: مستحيلات للترفيه

رد: مستحيلات للترفيه

رد: مستحيلات للترفيه

رد: مستحيلات للترفيه