اشتقنا يا نوّاف

من طرف salomon 12/22/2009, 3:35 am

اشتقنا لقصيدك وين يا نوّاف***ها الغيبة الغبتا عا موقعنا

وما عاد طيفك بالمعاني انشاف***ومنّك قساوي ما توقّعنا

طلطل على ها المنتدى وعراف***أنّك ورد بالمستوى معنا

وخلّي الوحي ينزل متل نفناف***بركي بعيد الرب يا نوّاف

حبّة صلا من الروح تنفعنا

اشتقنالك وين ها الغيبي

من طرف **nawef** 12/22/2009, 4:01 am

وحياة الله بضلني مشغول
بقسى وبرحم بالقلب مش غول
ياليت لاكبرنا ولا طلينا
وضليت طفل ولابس المريول

مشتاق ليكون متل مالينا
اشتقتو زيادة ياوفا يا أصول
اشتاقت تاتقرا شعر عينينا
من شعرك ومن سكبك المعسول

وزهر الوفا والعطر شمينا
وجلنا الدنيي بالعرض والطول
ومتلك انت بالزات مالقينا
شاعر وفي بيسأل عن الغياب
الا الاصيل المتل بو شربول

ميلاد مجيد يارب وكل عام وانتو بالف خير

اشتقنا يا نوّاف

اشتقنا يا نوّاف

رد: اشتقنا يا نوّاف