هدية للشاعر حبيب يونس

ألشاعر سليمان طراد
يا محبرة بالروح لا تغطّي

حطّي ببحر قصايدي وشطي

ولا تبّعدي عن مركب القاموس
عن حيط أنترناتنا نطي

كلما كتبتي...!! للمجد...؟ قدوس

كلمة حقيقة بواقعك حطي

ولا تشعّلي القنديل والفانوس

حبر الشهادة بدمنا خطي

لا تعلّمينا بالشهادة دروس

شوفي حبيب القلب من خطي

ونحنا ما بنخطّي شعب مرؤوس
نحنا القيادة بس بنخطّي

يمكن بها الإيام ما في روس

ولا في جوانح نسر بتغطّي

شيلي من الطرشان قصي روس

ببيت السياسي قطشي وحطي

منشان يا لبنان راسك بوس

بدي السياسي تكون محترمة

وللغرب نرفض راسنا نوطّي


ببحر الزجل