وينك يابحر ؟

من طرف **7arf** 2/16/2011, 10:28 pm

يابحر الوهم قمنا حساب جـاري
وحسبتك صديقي ومتل جــــــــاري
عطيتك إسم لكن مش لابقـــــــلك
عليك مبهبط زيادي أتـــــــــــــاري

وحرف بتعرفو قلبك حـارقـلك
بحر وبتجهل العالم قـــراري
مواج المرتجل ياما طــــاقـقلك
ومركب كنت ع موجةّ فــكاري

انت لاتفتكر منّي رايقـــلـــــــك
ولاتزعل خاطرك م عرفت داري
ولأني بحبك وتايزيد ثقلـــــــك
من حروفي حرف لما عطيـــــتك
تركتو ورجعت تلعب اتـــاري
= = = = = = = =
تع لقلبي تاع ههههههههههه

من طرف **7arf** 2/19/2011, 1:49 am

وإياك تجفل من حرف إقـــرب = بيضل من غيرو إلك أقـــــــرب
لو دوّخك ناوي يجرجر فيــــك = ويفلقسك تاتصير مـتـــــــــــدرب

عطيتك وعد بالشعر مابإذيــــك = ماعرفت سرّك ليش تاتـســـــرب
وتارك مواج القد أطلنتيــــــــك = ولاحق قوافي الكستنــــا تضرب

من اليوم لحّق حالك بوصيـــك = بحبقة وزهرة حــــــــاج تتجرب
انكنّك بحر حقك أنا بعطيــــــك = ولاتكون موجي وبحرها مخرّب

ومنشان مانظلم حدا ياشريـــــك = ونشوف فعل وفــــــاعل معرّب
مركب وبحر من الحرف بهديك = وتاتآخذ الأهون تركــــلك حرف
نقي شو بدك عيب تتهرب
==========

من طرف **7arf** 2/19/2011, 5:27 am

افتكرتك يابحــــــر بتضل مائج = متل بحـر الحرف بالشعر هائج
طلعت غلطان لكن في حسابي = خصوصـي من بعد فرز النتائج

ولقعرك عند مامخروا عبابــي = حتى يقيــمــــــــوا فيك العوائج
لقيتك شبه علاّقة ع بابــــــــي = بترجف كلما صحابـــي انعزموا
كسرت مفتاحها ودخلوا الولائج
= = = = = = = = =

من طرف salomon 2/20/2011, 10:06 pm

يا حرف الجر يا حرف العدائي
عرفتك بالزجل والشعر دائي
انا بحر القصيدة بالتحدي
وامير القافية من ابتدائي
انا دكتور كلمة مستمدي
من الأحساس والبحث الروائي
وانت مسكين واقع تحت شدي
بعدك بالزجل بالأبتدائي
هههه
انا يا حرف بالأشعار جدي
وانت مهرّج وفكرك هوائي
لا عندك بالتحدي نار حدي
ولا فيك نهار تجرح كبرائي
انا وعمار نبقا كل مدة
وفاؤوه يظهرو واظهر وفائي
لأنو تنينا رب التحدي
وعا انترنيت ومواقع زجلنا
ثنائي وما خلق متلون ثنائي

بحر الزجل

من طرف **7arf** 2/21/2011, 2:13 am

قالولي عنك بساح الرجولــــــــي
عيونك من سما نجومي خجولـي
رحت نجماتها تحسب ملغشــــــن
حتى بإصبعك يطلع فالولــــــــي

ياناعم ليش مابتصير أخشـــــــن
بساحةّ منبر الحرف القـتولـــــي
ومع عمار بقبالي توحـشــــــــن
ع مبرد حرف تاتنالو البطولــي

واذا منكن حدا شفتوا تدشــــــن
وصار بيعرف هجومي وميولي
ساعتها حرف بتشوفو تفحشـــن
بهجوم جديد ع الناعم بيشـــــنو
على قسمين من حبات فولــــي
============

من طرف **عمار البراضعي** 2/22/2011, 3:34 am

ياقارب ببحر الزجل إسبــــــــــــح = عالشط لاتضلك بقا مـــــأرجح
الملاح عالشاطي بلا قيمــــــــــــة = ولوما يشق البحـــــر مـابيفرح
العزيمة شد ياعامل عزيـــمــــــــة = بأيا مجال معنـــــا فـيـك تسرح
معي جربت وحسبتك غريمـــــــي = ومابدي جرصـك اكثر وإفـضح
ومع سليمان بالعـــــــركة القديمــة = مادشّر صاغ يمكن فيـك مطرح
وصرت ياحرف عامواجو الكريمة = سمكة ضايعة بلجات فـنـــــــــو
ولوما خلصك منو بيذبح

* * * * * * * *

من طرف **7arf** 2/28/2011, 3:39 am

مــــــــادام وضع المنتدى مكركب = وع غياب حرف سبـايـدرو عنكب
مهر الزجل مابظن غيري يسوس = ولافـــي حدا ع صهوتــو بــيركب

عمار صفّى بشهرتو مهــــــووس = وصخرةّ الكبرى بدربـنـــا دركــب
ومنبر بو شربل منتلي بالســـوس = منخور صفّا وما انتـقــى من هيك
لما سألتو بحر أو مركب
===========

ترجيتني يرجع حرف ياشريــك = وعدّيت برجك نـــار من برجــي
ولما رجعت بالشعر إبطش فيك = لقيتك بتهرب مابتسترجــــــــــــي

ضلك معي تاصاحبي خليــــــك = إيــــــــاك تسلك دربك العرجـي
ديك المنابر سطوتو بتعديـــــــك = تكرج معو الكرجي ورا لكرجي

يعرف بأنو ربنا عـــــــــــاطيك = بيظهر ظــروفك صايرة حرجي
تارك حراجك لاشجر لافريــــك = وغابات عم إزرع أنا بحرجـــي

خلّي الوفا كمشةّ أمل يعطــــيك = لاتضل كل العمر مهترجــــــي
وفرصة أخيرة قررت أهديـــــك = انخلصت حالك في ميادينــــــي
بعليك ع دراج الحرف درجة

=================

وينك يابحر ؟

وينك يابحر ؟

رد: وينك يابحر ؟

رد: وينك يابحر ؟

رد: وينك يابحر ؟

رد: وينك يابحر ؟

رد: وينك يابحر ؟

رد: وينك يابحر ؟