ناجي بو عساف وبحر الزجل سليمان سكرة شمس

ألشاعر سليمان طراد
وينك يا ناجي الروح شهقت لا تروح***فتّق عراوي الورد تا عطرك يفوح
خلّي البلاغة بشعرك تنقّط وضوح***ويسرح نهر إلهامك تطوف السطوح
بحر الزجل يا صاحبي شاعر طموح***موجو دعس صنّين وبأعلا السفوح
وكلما الشمس بتحب صوتو تشربو***بتدلق خوابي النار بقناني الجروح

بحر الزجل


Naji Abou Assaf
بفتّق عراوي الورد عا جنب القنا
بجبر نسيم العطر يعزف ميجنا
بشتّي بلاغه بطرطش خدود الفنا
بأمّن مروري بشفّة اليوم اعتنا
والبحر نقطه بمدمعي حزن وهنا
والشّمس عيني بنورها كون اغتنا
ما بتشرب من البحر وبتسكر حنين
حتّى عليها طبّق رموشي أنا

ألشاعر سليمان طراد
طبّق رموشك عا الخمول وعا الضجر***وخليّك متل الضو يرقص بالشجر
ما شفت صوت الحق ببلاد انفجر***إلّا بعد ما الشعب للظلم انأجر
لكن انا لو كنت عايش بمجر***بطالب بشبعا ترجع وأرض الغجر
وبشرب حليب سباع بهجم عا الحدود ***بوج اليهودي بوقف...!! وحامل حجر
ههههههههههه

بحر الزجل



Naji Abou Assaf
بطبّق رموشي بإسم رحمان الرّحيم
وبضل ماشي عالصّراة المستقيم
ولو ما الحكيم يطبّق الجرح الأليم
بيضل ينزف دم عا إيد الحكيم
ولوما الحجر طبّق عا بعضو يا فهيم
ما تعمّروا مداميك بالنّصر القديم
وما زال ناوي يا سبع تحمي اليتيم
بشِرْب الحليب الموردو سبع العقيم
طبّق على الموضوع ما تكمّل معي
وتتصير قد المستوى الله كريم

ألشاعر سليمان طراد
دشّر جروحك تشرب ولملم قوا***ولا تطبّق الصدر الحنون بتنكوى
طبّقت عمرالأربعين وما هوا***كاسي وبقي سكران بكروم الهوى
بحر الزجل عا النت عالي المستوا***وموجو فقش عا حدود خط الإستوا
وتا تصير تنحت شمس وتطبّق دني***بدكّك بأوضة وبأقطع عليك الهوا

هههههههههه
سكر عا حالك يا ناجي بركي بتنحت
يا مهجتي




Naji Abou Assaf
مش عيب تحبسني بغرفه مسكّره
ما زالها الخزنات بيت الجوهره
والكرز مبنى بكل غرفه صنوبره
منها جبلنا صار جنِّه مصوّره
لكن الك ما بحبسك مهما جرى
رح علّقك عا درب خرج الكسدره
تا كل ما يمرق حداً عا خيبتك
يغمى ضحك ويقول شو هالمسطره
ألشاعر سليمان طراد


علّق ابو شربول وين المشكلة ***قبلي المسيح تعلّق على الجلجلة
فتّح بوابك تا همومك تنجلي***ولا تضل عايش نق متل الارملة
الخزنة ملاني بالعقود وبالحلي***وشو قيمة الدرة بخزنة مقفلة
ان ما شعشعت بالتاج عا راس الملك***وشعري ملك والتاج عا المنبر ألي


بحر الزجل


Naji Abou Assaf
تشبّهت بالفادي ايمان النّاس قال
خلّيه مع يوضاس عا غصن الزّوال
وتاج الملك ما زال ناجي بالمجال
بالنّظر ما بينطال يا إبن الحلال
ولو كنت بتحب الجواهر والدّلال
وما طْلبت الّا تاج من بابا نوال
نحّف الجسم وزيّن الوجه الحلو
وبرطل نظر تا نقشعك ملكة جمال
ألشاعر سليمان طراد
بالعين ما بتنطال نجمة معلّقة***ظبّط قوافي الشعر لا تكسر بقا
عملتك خزينة صرت تحكي بمشنقة***وتهرب بردّاتك عا تاني منطقة
نحّفت حالي وموّنت روحي تقا***وخليّت قلبي متل قلب الزنبقة
وشرّعت باب القلب تا يفوت المسيح***وفرحت ملايكة السما بها الملتقى

بحر الزجل




Naji Abou Assaf
يا زنبقه تونّس بعطرك انّما
بمقص شعري بقص عنقك انْ نَما
ما عبّروا الخرسان الّا بالوما
وما طالت النّجمات عينين العما
ولمّا النّبي زار السّما وفيها ارتما
شرّع الاهي بوابها وصان الحِمى
لكن اذا فكّرت انت تزورها
بدّو الاهي يسكّر بواب السّما

ألشاعر سليمان طراد
الفاتح كفوف الخير تا يطعمي الألوف***ما في بواب بتمنعو الله يشوف
شوف الفضا الواسع بصفنة فيلسوف***بيعقد قناطر ضو وبيزهر حروف
وما زالك مسكّر خيالك ...لا تطوف***ومنّي نصيحة لا بقا تحمل دفوف
تخبّى بقرنة مسكّرة يا مهجتي ***وما تفيق ألا بالعياط وبالكفوف

بحر الزجل



Naji Abou Assaf
لولا البيطعمي شاف رب العالمين
عالصّوم ما بيدعوك ناس المؤمنين
لكن إذا للخير في عندك حنين
وحابب تسكّر جوع عشفاف البنين
سكّر عليّي برْفُخ بعلّي جبين
وخبّط خدودي عالشّمال وعاليمين
هيدا العجين وما قدرت تطعم حَدا
لو ما وعي الخبّاز عيّط للعجين


ألشاعر سليمان طراد
قبلك مرق فداء عا حجار الرحى***تقرّص عجينو وعم بنقرا الفاتحة
سلامتك يا فداء هههههههههههههه حبيب القلب

شوف الزكا بالشوب عند المروحة***بتبّوس النسمات هيي ورايحة
والصدر ما بيتشكّل بزرّ استحى***بنشكّلو بوردات حمرا مفتّحة
وبحر الوحي تا يفتّح بواب االسما ***فتّق عراوي الضو تا العتم انمحى

بحر الزجل



Naji Abou Assaf
سكّر ديوان الشّعر والذّوق الرّفيع
وفتاح فرن بضيعتك يمكن تبيع
وزرّ الورد لو شكّل الصّدر الوسيع
بيدبل بعد يومين وبيرجع يضيع
لكن لحتّى يضل يشفي عالسّريع
صبّو بقناني وسكّر بيبقى ربيع
وعلّق محلّو زر عالتّوب الحلو
تسكّر ليفرض إحترامو عالجميع
ألشاعر سليمان طراد
جوّ الأدب والمعرفة بتعكّرو***كلما المدارس بالبلاد تسكّروا
ومهما اللي متلك للعلم يتنكّروا***انو انفتح ديوانا بيتزكّروا
وكلما النسايم عا الربيع يبكرّوا***بتفتح النحلة جناحها تا تدكرّو
واللي فتح قلبو ل خمر القافيي *** ما عرفت ..!!.إنو الخل ...ما بيسكرو

ههههههههه

بحر الزجل



Naji Abou Assaf
بالمدرسه الاستاذ ما قلّك عفا
طلعت جاهل كتر ما عنّك عفا
الفاتح بواب الجهل ما حس بدفا
الفاتح عيون الخوف ما داق الغفا
بالخِلْ ما بتسكر إذا عندك جفا
بتفتح قناني خمر تيقولوا انطفا
وبسكر أنا بالخِلْ لمّا منلتقي
وضمّو لصدري وسكّر زنود الوفا

ألشاعر سليمان طراد
طبّق كفوفك بس لا تبيع الثمين ***ببوسّة خيانة متل يوضاس اللعين
بيت الصلاة بينفتح للمؤمنين***وباب النظارة بنغلقو عا المجرمين
فتاح القناني وحاج ترغي يا حزين***ودلدق أماني العطر فوق العاشقين
وكلما بوجّك سكّرت يا صاحبي***فلفش صور ألبوم تا يعيش الحنين


بحر الزجل