*قرعةّ متي*

من طرف **عمار البراضعي** 5/2/2011, 8:22 pm

من إيديكي ياحـــــــبـي = كاســـــــــــات المتي عبـي
برجع بشهق لما بمـوت = تالقرعة الثـــــــــاني تصبي
=====================
بحلفلك بالخمـس حدود = حسي بيحكي بشــــو شاعر
وبكتبلك من قلبـي بنود = بتحمل أصدق المشــــــاعر
انحبيتي بهديكـي ورود = وكيف انحبيتي شـــــــــاعر
عارف حالو بدو يعـود = أو متقـمّــــــــــــص متنبي

* * * * * * * * * * * * * * * * *

من طرف **عمار البراضعي** 5/4/2011, 10:08 pm

Akab Ismail Bahmad كتب

من ايديكي ياحبي = كاسات المتي عبي
بتقمص بثاني جيل = وبعملك قرعه قلبي
***
بحلف بالرب الخالق = ملكتي عقلي واحساسي
عهد وبكتبلك صادق = انت الجنه مع ناسي
الورد العاخدودك عابق = كاس معطر انفاسي
تذكرت بجيلي السابق = كنت بقلبك متخبي
***********************
عمار البراضعي حلوووو عم بو شوقي

شاعر والحلوة بتنحب = وشاطط عالمتي ريقي
لما من إيديها تصــــب = المية بتغلي ببريقـــي
وبحلفلك وحيــاة الرب = خلقنا سوية يارفيقــي
أجيــــال ندرب عالحب = وحلوين جداد نربـــــي
* * * * * * * * * * * * * * * * *

Akab Ismail Bahmad

عبريق المته تمنيت = ما يكوي رقة ايدا
شربت القرعا وتانيت = تعيد الكره وتزيدا
من شفافا حلمت تحليت = وهالفكرا انتا سيدا
قلتلا مره ومريت = بغـمزة من ثاني صبي
*********************
عمار البراضعي حلوووو ..

عمار وعليت صـــــروح = كلمـــــــــا بعلا عالمنبر
وكلما إقصد بيتا يفـــوح = الشعــــــر وغازلها أكثر
وغنيها وإرجع مبحـــوح = وعالمتي بضهر الأحمر
منتحجج عالمتــي نروح = ودعوةّ إحســــــاس نلبي
* * * * * * * * * * * * * * * * * *
Akab Ismail Bahmad

شاعر شاطر ياصياد = المنبر يشهد والجمهور
شبوبيه وثياب جداد = بسمه حلوه وعطر زهور
بتغويها بلحن وانشاد =بتسحرها وافكارا تدور
المته بتعملها مرصاد = من الحبه بتعمل قبي
*************************

عمار البراضعي ههههههه .

بحب المتي عالميلــيــــن = حلوِة ومرة لسّــلـوي
بس ان زادت عن لثنـيـن = الجلسة بتطلع مش حلوة
ويابو شوقي بهالسطريـن = ان شافون شيــخ البلخلوة
بيصرخ لو بتضب العين = مامنرضى العدة تضبـي

وعفوا نسيت هديتك عم بو شوقي .

تسلملي بين شرق وغرب = الذوق منتعــلم منـك
شاعر للسلم وللحـــــــرب = والعالم سمعت عنك
وتانرجع نمشــــي عالدرب = بفنون الشعر وفنـك
المتي بخليلك عالشـــرب = قربـــــك أكثر منحبـة

* * * * * * * * * * * * * * * *

من طرف hiam 5/6/2011, 5:33 am

جميل جدا ونرجوا المزيد

قرعةّ متي