قصيده

من طرف علي عامر 6/3/2011, 9:49 am

ع سطورنا
ريشة الغيمه
بتكتب
بحبر الندى
متل الحلم
مشوار
يرعى مراعي ال حدا
وتطلع قصيدة روح
تسرح
تعربد
على دين المدى

من طرف **7arf** 6/3/2011, 10:03 pm

الغيمات ...
ملها ريش...
متل
النيص...
وكل بالون
وإلو
إبري
بيفقع......
ومهما
يكبّر
العبري..
خلاّك..
عم تكتب
زجل.
تفنيص
ومافي.
قوافي شعر
بالعبري .
===
صح ولاّ له
ههههههههههههه

من طرف علي عامر 6/4/2011, 12:42 am

شو حشّرك يا مدّعي بفوح العبير

وجايي قبال السر تا تعرض دجل

لا تدقر نبيذ الشعر بعدك زغير

ولّي من الساحات يا فريخ الزجل

من طرف **7arf** 6/4/2011, 1:11 am

شكرا يامأدب بس انت كاتب بمروج الزجل
وكان لازم تكتب بالشعر الحر يامذوق
===============

من حق كل مشرف اذا مروج الزجل
فيها شويعر صفصف وكثّر حكـــــــي
نبيذ الخيال يمزز بنشوي وعجــــــــــل
أو ينقل الموضوع ع محل الحكــــــي
===============

من طرف علي عامر 6/4/2011, 3:56 am

من هـ الناحيه معك حق يا طويل العمر

بتصير الواحد ما بينتبه مرّات

============

بتشوفني شويعر اسم الله عليك كيف

ولمّا بجد الجد وبيحكي الصريف

بتصير من ريح المعنّى يا حرف

تذبل تهرهر متل ورقات الخريف

من طرف **7arf** 6/4/2011, 5:14 am

فصول السنة بتشوف فيي مربّعــا
تاجدد وراقي بمواسم مشبعـــــــــا
أحلا ماإحمل نص جرة فارغــــــة
ودبدب وإمشي بالوعر ع الأربعة
==============

من طرف علي عامر 6/4/2011, 7:02 am

جدد ي ضارب غنجتك ع سباع غاب

ومخمّن بهـ الشهنقه بتحني رقاب

مش دبدبه وع الاربعه بتربح معي

رح بتركك بالشعر تزحف ع الركاب

من طرف علي عامر 6/7/2011, 3:47 am

عم توعظا الغربان

ع شواطي الضياع

من ميل

والليل

بنجوم تهرهرو

شوية غسيل الشوق

ينشر والضباع

اللي بيخمعو

عصافير

عم بيفرفرو

وتوعى ي غيم الروح

عا آخر وداع

تشتّي حبر

سطر الحقيقه تضجرو

ملح التمرّد

غل بجروحن

صداع

خلّف ولكن مات

روحو خبّرو

من طرف **7arf** 6/10/2011, 8:04 pm

شعر الصقيف.
الممتلي بالإلتباس
إبن الأصالي.
من حقوقو جردو
خلقان ....
مالو وجود .
كان من الاساس
وبعض البشر.
فرض لوجودو
تعمدوا....

وعابر سبيل ..
انكان فالشلو قياس
كمالةّ عدد.
بحساب ساقط
قيدوا.
ساعةّ ماخلّف ....
حط ..ع الأنفاس
فاس
وماتوا الأهالي.
وريتهن ماولدوا
واحد خيول الموهبة.
بالفكر ساس
وفرعل.
عم يقلّد
شوادي.
غردوا.

أما الضمير الحر
للإحساس
راس

بجرن الوعي.
بيضل. الله معمدو
==========

من طرف علي عامر 6/11/2011, 1:13 am

شو خصّك بشعري ي صعلوك الحكي
حتّى تقفّي كاس زندقتك حروف
وتاكل بحالك مقلب وتعمل ذكي
وتعرض وسخ نيّاتك بهيكي ظروف
اتركني بهدا خربش وعمّر مملكه
من جروح خمّرها الحلم بالفيلسوف
يكفيك تتفلتن علينا وتتكي
عا زعبراتك للغدر تشهر سيوف
وع الاصل تحكي اخجل بهـ المعركه
مينك انت يا منكربيكفي تطوف
ما انت الا بالشعر نقعة بكي
يوضاس ذارفها قبل جرم الندم
وصارت مثيله للنجاسه ع الكشوف

من طرف **7arf** 6/11/2011, 4:55 am

إياك تستزغر حرف يابـــــــــــو رواغ
بيجرف اساسك والبيت بيدمــــــــــــرو
النقطة ع حرفو عليك نزلت ع الدماغ
وع الزندقـة بأرضك زنودو تشــمـروا
حكيك قمامــــي وراسك معبى فــراغ
لسان الشتيــــمي سحبت فيك الضامرو
تاتدق راسك بالحــــرف يلا فـــــداغ
ويوضاس تنسبني انـــــت مــش آمرو
انتي شيطان الجهل والجـــــبلي صباغ
وغفران قبضوا اللي عليـــــك تآمـروا
وتاخبرك يا.. كلما طــــــــــــار زاغ
ماقصدت عنك إنت أكدت المــــــــثل
العندو مسلي تحت باطو بتنـــــــعرو
===============
هههههههههههههههههههههههه

من طرف علي عامر 6/11/2011, 9:07 am

شو باك يا شرشوح دشّرت الحيا
وبعدك عم تسبّ الطهر بالانبيا
اسم الله عليك الراس شعشع بالضيا
بدّك الرقوه ترد عنّك كل عيا
حاجي القوافي بـ .... ثمّك تلعيا
وتتخنفس باسم الوضاعه مخبّيا
من حيث اسمك ما طبق عا جوهرك
باسم النبي لو فت والله شو فيا

قصيده

قصيده

رد: قصيده

رد: قصيده

رد: قصيده

رد: قصيده

رد: قصيده

رد: قصيده

رد: قصيده

رد: قصيده

رد: قصيده

رد: قصيده

رد: قصيده