منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================

منتديات الزجل اللبناني الشاعر: عمار البراضعي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

تشكيل الحكومة شروقي

اذهب الى الأسفل

تشكيل الحكومة شروقي Empty تشكيل الحكومة شروقي

مُساهمة من طرف عمار البراضعي في 7/22/2011, 12:26 am

تشكيل الحكومة

ياشعب نالوا الثقة إلهون خمس ســاعات
وإسم الحكومة انعلن ع دروب ملغـومي
صلّي وإدعي معي يتوفقوا وهيـــــــهات
تلاقوا شي مخرج خير للموطن عمومي

نحنا املنا امتلى خيبات بالنكســـــــــات
وماضل عنا أمل والناس مهمومــــــــة
شبعنا نعارض فئة ونساند مــــــــــوالاة
وللناس هاللي اتضح فولة ومقســــومة

نزلنا تانرفع لوا ونوحّد الريــــــــــــات
كنا افتركنا سوا هالناس معزومـــــــــة
قلنا وطنى رجع وتعبّت الساحــــــــات
تاري تجارة الحكي بحكام مزعومـــــة

وافلام فيها خدع وضحت على الشاشات
بحجةّ قتال وحرب تمثيل بخصومـــــــة
وطائف ودوحة انعمل ومبايعةّ دمــــات
وشنطات فاضي انحمل وتعود مختـومة

ياشعب اوعى بقى ولاتساند حكومــــات
جاي بخطة رسم ع درب مرسومـــــــة
ونحنا افتكرنا العكس احرار بالنيــــات
وكل ميل حزب وفئة من ميل مدعومة

ماضل منا حدا في جيبتو ليـــــــــرات
والناس عاشت فقر مدقع ومحرومـــــة
نشالله الحكومة اليوم بتزيد المعاشـــات
وبتحس معنا وسوا منشعر بالحكومــــة

* * * * * * * * * * * *



----------------------------------------------
" كرمالكم ع النت تابعــنـــــــا = نسقي القوافي من منابعنا "
" بوجودكم معنا امتلت بالذوق  = ومندونكم مافي لها معـنا "
----------------------------------------------
عمار البراضعي
عمار البراضعي
المدير العام

عدد الرسائل : 1125
العمر : 53
Localisation : لبنان - ضهر الاحمر
تاريخ التسجيل : 22/01/2007

https://7arf.editboard.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى