حوار بين الشاعرين عمار البراضعي ونسيب سرايا

من طرف ghazi saraya 7/29/2011, 6:12 pm

موضوع تحدي بين الشاعرين عمار البراضعي ونسيب سرايا
****************
نسيب سرايا
بحبش معي بالشعر عن منجد قديم===يحميك من غضبة هجومي عالهشيم
النيران ولعت زت حالك كون ريم===خلص بنفسك لو ردت تبقى ســــليم
مابحب نزّل مستوى شعري المقيم===فوق الثريّا وبالســـــما عامل زعيم
ولو دق كتف النجم بنبوغي العظيم===شرقط شـــــعر جبّار وتحوّل أديم
توقّى مرورك فوق ساحة منبــري===يمكن قتل بتمــــــوت أو الله العليم

****************

عمار البراضعي

بالأمس رايح زور صرح المكتبي===شفت الكتب عرفوف كلها مكركبي
دغري نحيت وقلت يادموعي شربي===من نتن حبرك يا قوافي مذهبي
وفتشـــت عن اسمك بأول تجربي===عرفوف مجد الشعر بسرير الخبي
ما لقيت إلا نــــــــايم وحالم غبي===بلشــــت اســـأل عن عديم الموهبي
وعن شخص كلو غبار منو مطلبي===دغري لتقيت بشيخ عالي المرتبي
سألتو شواسم الشب جاوبني نسيب===ميّت من الطوفان بعــــدو مختبي
نسيب سرايا

مضبوط اني نايم بقلب الضريح===عمخدة الأمجــــــــاد عنهج المسيح
بغفىتيوعى الفجر يتلغشن مليح===وعتم الجهالة اليوم من عينيك زيح
يامفتكر من وهم أشعار المديح===تخلق إلك بالشعر هالي عن صحيح
نايم أنا من عهد سكين الذبيـح===لمرت على ابراهيم قالت اســــتريح
ضحّى بإبنووكان بالعقل الرجيح==ونايم بنص المكتبي وبقبـــــل كسيح
عاشرط إقرا المعرفي واخلق حروف==مش متلك اللي بتزورها تتستريح
****************
عمار البراضعي

أيّا مكــــاتب روح خلصــــــنا بقى===ما انت أمي الشعر في دنيا الشقى
كل ما غرست بأرض شعرك زنبقة==بتمد إيد الجــــهل حتّى تســــــرقا
تركلي المكاتب حاج تعمل عنزقة===مش خرجك التاريخ وين الملتقى
بتحب تنزل عالودايا تعشــــــــقا===يمّا عاسدف الغيم تطلع عــــــالنقا
تركلي الكتب ماعاد بدي ترشقا===حتى الغيـــــــالم ما بتقدر تســـــبقا
شفلك شي شجرة في ولطى بظلها==من قبل ما ســلّط شموس الحارقة

**********************
نسيب سرايا
أيا شموس سكوت منّك منــــطفي===وشموس شعرك فحم خرج العاصفي
بتشقع قوافي مظلمي مش منصفي===وبتقول انـــــــــّك بالقليل بتكتفــــــي
ويا قافيه من فكر فلسفتــي غرفي ===وإلا برحيق العطر ما تتنشّــــــــفي
ومهما يا ابن براضعي شعرك دفي===بتبقى ياغبرة فوق وبرة معطفـــــي
قوس القدح عالهدهدي بشعري غفي===والأرض رح ترجف اذا قلت رجفي
والشمس لوبعبس بنورا بتنطفـــــي===ويا كلمتي الا السمـــــا لا تخطفــي
وتحرّم اللي بكون مــــش قد الزجل===عمنبري يقـــدّّم عاحقل الفلســــــــفي

***********************

عمار البراضعي
شو اللي جرى بعدك بعقلك عن أكيد===يمّا شي مسّ جنون حالك عن بعيد
جبت الشمس والبرق عمتمسك بإيد===وحولت كل الكون لامناجــــم حديد
وعملت متن الجو أسيــــــاد وعبيد===وحلمت انك رب هالمجــــــــد التليد
وكسرت قطب الأرض وطحنت الجليد===ودست الجمـــاجم بين نيران الوقـــيد
وركبت خيل الدهم ولعبت الجــريد===وحصدت زرعك من قبل ترم الحصيد
كل اللي ذكرتم بالحلم طلعو بلاش===تسلّا بكمشـــــــة وهم أو فســـتق عبيد
***********************
نسيب سرايا
حيرتني بالشــــعر ما عدلك دوى===بكرز عليك نيــــاب بتشــــــل القوى
بسحب عليك سيوف ما منك نوى===بعطيك شعر اليازجي بتصرخ جوى
حيرتني وحيــــاة الله اللي استوى===عاعرش عدل الكايني من دون غوى
رح ظل جلّس فيك والمنبر سوى===وكل ما عليك بشـــد أو عظمك لوى
وعمشط إجر الدهر بدعس لو انطوا===وبقول لحمك عالمناقل لو انشـــوى
بتعود تخلق طير عالمنبر معــــي===بنتف رياشك بالشعر أحسن دوا

************************
عمار البراضعي
أكبر عجيبي الببغا تكاغي الطيور===وأكبر عجيبي غراب يسطي عالنسور
بعتب عمجد الدهر عالليث الجسور===لما سمح للأرنب يعيش بســـــــرور
وبعتب على الأفلاك لو مهما تدور===بيبقى نظام الشمس عالمحـــور غيور
وبعتب على الأيام بعتب عالشهور===اللي جابت مع العملاق قزم علا سطور
ولومي على بركان شعري اللي عميثور===ولومي على التاريخ مابين القشور
ولومي عاحظي اللي حطك تغني معي===من بعد ماطحنت المراكب بالبحور
************************
نسيب سرايا
ليش العتب ياشريك ما كلك عتاب===من يوم ما شرفت عدنيا العذاب
لومك عمين وليش ماعندك صواب===بعلمي أنا وياك عالمنبر صحـــــــاب
منقول شعر وحب ومننظم عتاب===شواللي جرى تكسرت قوسك عالرباب
ويتمت بي القافية وعم المصاب===ولومي عامنبر طلعــك بين الشبـــــــاب
ليث المعارك لوكرز عالناب ناب==اللي حطّك أمامي وقال صفّوا عالحساب
ومني بآخر يوم وعد علا الملا===رح إوضعك بالرمــــــس مابين التراب
*************************
عمار البراضعي
باقي عاسطح النجم قوي مشبكي===ومابريد انزل من علو الممـــلكي
بلبس عاراسي التاج بقدر بتكي===عاخد بنتا للثريا الضــــــــــــاحكي
وبعمل من الأرياح شعر من الحكي===حتى نسمعني الدهر بلـــــش بالبكي
وبنزل عاسطح الأرض بفتح معركي===عاضهر أبجر من خيول البرمكي
ويا ويل من وقف بدربي أو حكي===أو تمتم بهالشعر أو عامــل ذكي
أو قال ياعمار ممنوع المـــــرور===بقلو لاعشر سنين ممنوع الحكي
**********************
نسيب سرايا
الشعر يا شريك مش شهرة وعباية===ولاتاج وصولجان ولا عصاية
الشعر إحساس بالكركي تخمّــــر===شرب نخب الزمــان وظل راية
الشعر دفقة الشـــعر ابن المــــقدّر===الشعر ياموعد علا البيت جـايي
الشـــــعر بذوب بالأنفــــــاس زعتر===الشعر نفحة خزام علا مساية
الشعر مش خرطشي عاوراق دفتر===كتبها الجـــهل خزقها عزاية
الشـــــــــعر الله طل بطيف بكّــــر===يأذّن بالفجـــــر مــــع كل آية
الشعر شاب الزمـــــان وعاد ختير===وبقي للمجد والدنيا حكـــــاية
وانت ياهاجــــــــــــــم بقوة لاتكبر===تروى شـوي مهلك عصبايي
واذا كنت القــــــــدر أو كنت عنتر===ما ممكن تنقــــبل مرة بلايي
واذا كنت البحر رح كون أكبر===غطمطم شـــــعر عبواب النهاية
واذا انت القمح رح كون بيــدر===واذا انت الوسيلة بكون غــــاية
واذا انت السما رح كون مجبر===اني كون ربّك بالوصـــــــــــاية
واذا عمنبري بتريد تحضـــــر===كسرت خشـــــاب فلسفة القراية
واذا من الشعر جايي اليوم تثأر===ماكلّك انت مابتطلع عشـــــايي
واذا بالحب جايي اليوم تســـهر===ياأهلا فيك بفرشــــــلك غطايي
واذا بالمرجلة هالكون أزغــــر===وانت يا ذرة التراب المعنّـــــــى
مافيك توصل علا مستوايي
*************************
عمار البراضعي

عصفي يارياح كوني خمسينيــــــــــة===غطســــي بلجّة بحوري العتية
خلقي تيـــــــــــار أو باروم أحمـــــق===لطمـــي شـط الدهر لطمة قوية
اللي بطوش بشبر غير الغاص أزرق===غطس قاعو وســحب درة نقية
عصف فيها صقيع المــــــــــوج دنّق===زئــــــر باليــــــم زئرة جهنمية
وعملها خابيــــة خمــــــــــــر المعتق===وبدي يثمل مخـــوخ الشاعرية
وكل مملوك منها ورق أعتـــــــــــق===من عصور الظــلام الجاهلية
ورفعها عالفضــــا أرعــــــــد وأبرق===تتعصر ســحبة الغــيم الندية
بفطحل تنزل علا البحـــــــــــر تخلق===شـــــــآبيب الآله الســرمدية
انإجاني يوم شــــــــي عملاق فتّـــــق===دروع مبولدي عن سوء نية
شو رح بهمني نصيـــــــّاد أطلـــــــق===نبلــــي عاصدور الضيغمية
لأنو شي عادي السبــــــع يطلـــــــــق===بعد أسرو بسلاســل معدنية
ويقشع بن عرس بالغــاب مزعق===لصوت غراب ما بيحمي الحمية
بوجهو زمجر الأدغــــــال قلـــق===وخطف بزئرتو روحــــو الشقية
بعشـــــايي هدد وبالشــــعر دقّــق===اني كون وجبـــــي مستــــــوية
ياذلو لو عرف هالعظـــــم طقطق===بخرز ضــهر الزمان المفصلية
وعاسيرة مستــــــــواك الكل علق===علقت عامنبري أكبـــــر خطية
عمار اللي بشــــــعرو دوم مطلق===عطــــــاك معلقــــــاتو العبقرية
نفرشـــــت حرامك بسـيفي تمزق===ما بقبل هســـــــما لحاف المنية
أنا خد الدهر منـــــــــــــي بيعرق===وأنا اللي مجـــــعد جبينو بيديي
ومتلي لا تفكـــــــر بعد يخلــــــق===وانت لا تخـــــاف عالمنبر لأنو
انت مــــــــــش أول وآخر ضحية
[b]