منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================

منتديات الزجل اللبناني الشاعر: عمار البراضعي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

شروقي ضد السفر

اذهب الى الأسفل

شروقي ضد السفر Empty شروقي ضد السفر

مُساهمة من طرف عمار البراضعي في 7/30/2011, 10:16 pm



ضد السفر
==
سافرت مدة وأنا دمعات عيني تسيــــــــل
وبغصب عني هجرت والأهل ما انشافوا
ومارد حنيني التوى وع البعد كلما يميـل
بّعد المسافة انشرد يترّجفوا شفافـــــــــــو

وضليت حس الوطن غني بالبرازيــــــــل
ولبنان إحكي بزجل للناس أوصافــــــــــو
ومابين شط وجبل شو هيّن التوصيــــــــل
من البحر ساعة بتجي للجرد ع كتافـــــو

لبنان يعني وطن نازل لنا تنزيــــــــــــــل
من عند رب السما انحاك الفضا لحافـــو
جبالو بثلج النقي لبسوا الثلج منديـــــــــل
وضووا بليلو الحلا ألوان ألطافــــــــــــو

ورجعت صوب الوطن غرقان بالتحليــل
لبنان مابينترك بستان بقطافـــــــــــــــــــو
ومع كل جيل انرحل بيطل تاني جيــــــل
عيونو بتوقف حرس وعليه بيخافـــــــــوا

المطلوب منا بصلا نرتل إلو تراتيــــــل
وآيات نقرا بعدل تانرد إنصافـــــــــــــو
وقرآن نحفظ سوا وحكمة مع الإنجـــيل
ونزرع بنهرو الحور جيرة لصفصافــو

مني وعليي أنا بطلّت في هالجيـــــــــــل
سافر وإترك وطن محروق سلافـــــــــو
الواجب دعاني وعدت من غربةّ التدجيل
وشو مايكون السبب مرفوض أهدافـــــو

* * * * * * * * * * * * *



----------------------------------------------
" كرمالكم ع النت تابعــنـــــــا = نسقي القوافي من منابعنا "
" بوجودكم معنا امتلت بالذوق  = ومندونكم مافي لها معـنا "
----------------------------------------------
عمار البراضعي
عمار البراضعي
المدير العام

عدد الرسائل : 1125
العمر : 53
Localisation : لبنان - ضهر الاحمر
تاريخ التسجيل : 22/01/2007

https://7arf.editboard.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى