شروقي حرمت الصيد

من طرف **عمار البراضعي** 8/23/2011, 5:10 pm

ياطير كلما مرقت ببعث معك مكتـــــــــوب
مذوب حنين الشعر ببيوت أشعــــــــــــــارو
إياك تقرا انت شو بداخلو مكتـــــــــــــــوب
بتكشف حنين الشوق شو حاملة خبــــــارو

إحمل سلامي بعجل واسبق شمس الغروب
وشفلي انكنو انخجل محبوب عمّــــــــــارو
شعلت شمعة إلك إرجع قبل مــــــــــاتذوب
ويذوب قلبي معك تانشوف وين صـــاروا

خذلك نصيحة بعجل تاتقشع المحبـــــــوب
بسرعةّ قفير النحل ع مروج أزهـــــــــارو
صياد كلما شفت غيّر بسرعــــــــة دروب
البيكون لاطي إلك في قفوةّ حجـــــــــــارو

بالصيد قبلو كنت إقتل طير بيجــــــــــوب
وكرمال عينك وعد حرمت مشـــــــــوارو
يحرم عليي بعد إقتل طير وبتـــــــــــــوب
ساعي بريدي عمل للــــــــــــورد وزرارو

================