قالت ليش ضعفان ؟

من طرف **عمار البراضعي** 9/9/2011, 1:15 am

قالت بتضعف ليش؟ وشغلت فيي البـــــــــال
جاوبت ضعف الجسد ريجيم لاتخــــــــــــافي
ضعفي حبوب القمح للمطحني كرمــــــــــال
ترجع طحين انعجن للخبز شفــّـــــــــــــــــافي

ومن ضعف حب المرق من فتحةّ الغربــال
وصلت المونة لنا بتصويلها الصــــــــــــــافي
وسبحان الله الحلا منك أخذ رسمـــــــــــــــال
وعامجال بوبو النظر ماكان منشــــــــــــافي

تفاجأت فيكي وقلت يخزي العين مــــــازال
بسنتين فيكي اختمر بستانك الدافــــــــــــــــي
المهم كبر النفس فيي قدر الجبــــــــــــــــــــال
بيبقى نحيل الجسم تايغيب متعـــــــــــــــــافي

وكرمال ننسى الضعف زتـّي الحكي البطّـال
ومنشان إنصح تعي تانرجّح العــــــــــــافـــي
بسرعة نغض النظر عن سابق الأجيـــــــال
وننام وتمرمغي شفافك على شفـــــــــــــافـي

قبلت وقالت إلي شعرك حلو وعسّــــــــــــال
ومابين ضمة بوعي ضّيع وبين غافــــــــي
وتعلا الحرارة معي بنشبةّ برد تنشـــــــــال
بتـشـّات تكرج من كتافك كتــــــــــــــــافــي

وع الصبح رحت العمل تاخلّص الأشغـال
وبزين حالي وأنا محروق ســــــــــــــلافـي
ولقيت حالي زدت بالوزن خمس رطـــال
ومن فرد ليلة رجعت لعلاجك الشــــــــافي

===================