شروقي - رسالة

من طرف **عمار البراضعي** 11/6/2011, 11:45 pm

مرة بليلةّ شتي بمرق بدرب زغيــــــــــــر
قد الزروبة انسمى وبالحي مريــنـــــــــــا
رايح تاإسأل كنت عن شخص عمرو كبير
مكتوب حامل إلو وع البيت طلـــيــــــــنا

دقيت فتحت إلي شتلةّ ورد تصويــــــــــر
ظنيت بنتو وغلط مرّات ظـنـيـــــــــــــنـا
قالت مراتـــــــــــــو أنا تفضل بلا تأخير
فنجان قهــــــــوة إذا بتحب من ديــّــنـــا

حبيت إدخل أنا ومشغول كنت كثــــــــير
ومن دون سيرة وجدل ع البيت عدّينــــا
بهالبيت سقعة وبرد مش ناصبة بوابـــيـر
وتحت الحرام جلست حتى تدفــيــــــــنا

جابت الركوة وإجت ناوي على التبصير
وبـّــــــعض من دون قصد بتدق إجرينا
الوهلة الأولى خفت يمكن شو بدو يصير
وارتحت لما التقـــــــوا نظرات عينــينا

الرجّال لما قرا المكتوب الله يجيــــــــر
بيروح غافي بهدا والوحد ضلـيــــــــنـا
قالت ان مدفع ضرب غير الصبح بكير
مارح بيوعى إذا ع الطبل دقـــينـــــا

ولزّت لجنبي وأنا صفيت فرحة طـيــر
انحرمت ليالي الهنا وبتقول حبينـــــــا
المكتوب إكتب إلك من واجب التقديـر
ومغزى الرسالة بوعد أسرار خليـــنـا

* * * * * * * * * * * *