منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================

منتديات الزجل اللبناني الشاعر: عمار البراضعي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

أعمى مفـّتح

اذهب الى الأسفل

أعمى مفـّتح Empty أعمى مفـّتح

مُساهمة من طرف عمار البراضعي في 11/17/2011, 12:05 am


المالو بصيرة وبالنظر أعمى العيـــــــون
عن عين راح يفتش وحولو عـيـــــــــون
عينيه بدو يكـــون خلقة تقولــــــبــــــــوا
مابيقشعوا في حولهم منبع فـنـــــــــــون

وبالشعر متلو بيدعــــي اللي بيقربــــــوا
ماقال عنا عيون أكثر مايكـــــــــــــــون
صاروا يظنوا متل شعرو بـيكتــــــبــــوا
صفحات خرج الصفصفة ملها زبــــــون

الغاية بيلاقوا صوت ظنوا بيطربــــــــوا
متل اللي آلةّ عزف جابوا للشجــــــــون
مابيعرفوا عليها .وجابوها يضربــــــــوا
وضاعت الصورة بنغمةّ الصوت الحنون

والشعر ماعرفوا حسابوا يحسبــــــــــوا
وعالعين عينين الصحافي عم تمــــــون
فضلوا بالزور منها يشربـــــــــــــــــوا
ونسيوا القناني مشمعة ومخــــــــمــــرة
يمكن بحب المال حاكمهم جـنـــــــــون

================

الشاعر نبي ومع أمتو عايش قــريــــب
بعيد بخيالو وما حدا منو قريــــــــــــب
مدري غريب بينحسب عن أمــــــتـــــو
مدري بأطوارو خلق عنـــها غريـــــب

عايش أسير المجتمع وبذمـــــــــــــتــو
مصحّي ضمير الكرم حصرم أو زبـيب
بالنقد كل الناس يمكن ذمتــــــــــــــــوا
وبالمدح عار انشخص عن بالو يغــيـب

بيستغرب بحفلة انكثـــــــــــر همتـــــو
جمهورها من وين رح يقــدر يجيــــب
حامل سلاح الفكر وحــــدو بكلمــــــتو
عنوان شعرو أرز لبنــــان الحبـــيـب

ومن بعد مايوصل لأعلى قمتـــــــــــو
ويصـيرسبع بصدر هالغاب الرحيــــب
بـيـتجاهلــــــوا الفينا الأعادي شمـّــتوا
بوقــت اللي لازم ناب شعرو ينغــــرز
بينجاب غيرو طفل ع سنان الحــــليب
===============



----------------------------------------------
" كرمالكم ع النت تابعــنـــــــا = نسقي القوافي من منابعنا "
" بوجودكم معنا امتلت بالذوق  = ومندونكم مافي لها معـنا "
----------------------------------------------
عمار البراضعي
عمار البراضعي
المدير العام

عدد الرسائل : 1125
العمر : 53
Localisation : لبنان - ضهر الاحمر
تاريخ التسجيل : 22/01/2007

https://7arf.editboard.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى