منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================

منتديات الزجل اللبناني الشاعر: عمار البراضعي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

شروقي - مهجورة

اذهب الى الأسفل

شروقي - مهجورة Empty شروقي - مهجورة

مُساهمة من طرف عمار البراضعي في 11/18/2011, 10:19 pm


مبارح بشغلي وقعت بقصد حكيــــم كبـير
حسـيت ريشـــةّ قفص بضلاع مكســــورة
رضّـــــة قوية الحصل قلّي وعطى تقريـر
وعالبيت جيت ورحت عالعصر كســدورة

الضيعة اشتاقت إلي ومشتاق إلها كثــيـــر
ومن ذكريات الصِغر عبيت منشــــــــورة
الغاية برمت البلد وتعبت بالتدويــــــــــــر
مالقيت فيها حدا ولاجناح بـشـّـــــــــــورة

تذكرت لما كنت بالعمر طفل زغـــــيـــر
مطرح ماكان اللعب برواح مســـــــرورة
هونيك نلعب كلل هونيك فرحة نـطــيــــر
وميلة مخابي خلف ربعة بــحاكـــــــــورة

لاسمعت ستي القبل تنده مـعش بكــــــيـر
ياولاد بات الطير تعزم عانمّــــــــــــورة
راح الحنان ورحل بدلو إجا التقصيــــــر
ولاشفت جدي المعو بالإيد بعكـــــــــورة

وقفت وصفنت بعجل والدمع صار يسيـر
وجران عيني امتلت عبــــرات ونهــورة
وين اللي كانوا معي واتـنهــنــه بتفـكـير
كل مين عادفة ببحر رحنـا بـــشختــورة

تمنيت لو ماطلعت شوكـان بدو يصيــــر
كان عالقليلة بقت بالذاكـــــــرة الصـورة
وماشفت فاضي البلد لاتـعـــبت بمشـاوير
ولاحس ياضيعتي من النــاس مهجـــورة

* * * * * * * * * * * * * *



----------------------------------------------
" كرمالكم ع النت تابعــنـــــــا = نسقي القوافي من منابعنا "
" بوجودكم معنا امتلت بالذوق  = ومندونكم مافي لها معـنا "
----------------------------------------------
عمار البراضعي
عمار البراضعي
المدير العام

عدد الرسائل : 1125
العمر : 53
Localisation : لبنان - ضهر الاحمر
تاريخ التسجيل : 22/01/2007

https://7arf.editboard.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى