ثلجة 13-01-2012

من طرف **7arf** 1/13/2012, 9:45 pm

من مبارح ربطت المنـــــــبه عالدوام
منشان إوعى عاترم شغلـي قـــــــوام
تادق وج الضو وبسرعةّ هبـــــــــوب
فزيت من تختي وسدق حلــم المـــنام
لقيت الأرض متل النوايا بالقــلــــوب
لابسي طرحة عروس بإحتشــــــــــام
طفيت إلألارم مسكرة عرفت الدروب
منشان ماوعّــــي ولادي والمــــــدام
ينامو زيادي اليوم شي ساعة زمــان
أما أنا من فرحتي مارجعت نـــــــام

* * * * * * * * * * * * * *
ومطرح مابقعد طق شعر الأرتجـــــال
بغرفة لها شبابيك أكثر بالديـــــــــــار
زبطت صبحية رهيبة عالمـــــــــودال
آخر طرز من شغل عقلاتي الكــــبار
بلشت نيسكافيه إشرب لامحــــــــــال
وعملت متي وبلشوا يثوروا لفكـــــار
حلوة بدون حساب عطلات الرجــال
ووأروع تافيها ينحسب أجمل نهـــار
غسلت كم حبة بطاطا بإعتــــــــدال
وشرّحتها وفيقت مرتي والزغــــــار
ومنشان رونق عطلتي زيدو جمــال
هيرت قنـيـنـةّ نييذ معتــقــــــــــــة
معها البطاطا محمرة ع وهج نــار

* * * * * * * * * * * *
وصحتكم
عمار

من طرف **7arf** 1/14/2012, 12:46 am

Elhazamr Sugar
حلوووو

مبارح سما الرحمن كانت عابسة
وغيوم سود وبيض فيها مكدسي
بتشلح تلوج وبان تقرير المصير
مافي عمل واليوم عطلة مدرسي

تخمين مملحة السما كب الكبير
ولما وعيت وشفت بعدا كابسي
صورتها عاقد مابحبا كثير
منديل إمي اليوم كانت لابسي

ثلجة 13-01-2012

ثلجة 13-01-2012

رد: ثلجة 13-01-2012