دمعة على الصديق معضاد بحمد.

من طرف **عمار البراضعي** 3/22/2012, 3:56 am

[ندعوك للتسجيل في المنتدى أو التعريف بنفسك لمعاينة هذا الرابط]

رفيق الطفولة اليوم فجــــأة راح
يارب صبرنا ع فقدانـــــــــــــــو
خلاّ السفينة تصارع الأريـــــاح
لوما ترك بالبيت قبـــــــطـــــانو

يحمل صفاتك نقشعو بعيــــــون
ذات الخطى عن والدو يتبـــــع
وبكل شي يطلع إلك ويكـــــون
زيادة طـويل العمر رح يطلــع

صادق أمين منعهدك ومحــــب
وبضهر أحمر ما إلك شاكـــي
كفك سخي وبالعمر بعدك شب
كل بيت ع غيابك وجع باكـــي

شو صار يامعضــــاد تاتفارق
بكير تترك ربـــــــعك وأهـلك
غيدة تركت وقلبها حـــــــارق
وشادي يابابا عم بيـــــنـدهلـك

يا إبن ضيـــعتنا سوا منبكيـــك
ياشيخ مش مأذي وبلا شيــخـا
ويافقدنا بلعب الورق ياشريـك
بسهراتك الحلوة على اللليخـة

لاكل عمرك من وجاع شكيت
وبالموت مش هاكل حدا همك
فآجئتنا وفليت ع السكـــــــيت
حتى رودينة قبل ماتشــــــمك

بعز الشباب تركتنا وفليــــــت
ودمعات بييك غصت وعمــك
وإبشع هدايا بعيد إم هديـــــت
وخسرت هناها وزهرها إمك

ياريت ماعنـــــدي شغل بكرة
تاروح شعري ودمعتي إهديك
تاعلّم الشــــاعر على الفكـرة
العم يقبض الأموال تايرثـيـك

* * * * * * * * * *
رحمك الله وأسكنك فسيح جنانه