منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================

منتديات الزجل اللبناني الشاعر: عمار البراضعي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

دمعة على المأسوف عليه المرحوم أبو سلمان يحي بحمد

اذهب الى الأسفل

دمعة على المأسوف عليه المرحوم أبو سلمان يحي بحمد Empty دمعة على المأسوف عليه المرحوم أبو سلمان يحي بحمد

مُساهمة من طرف عمار البراضعي في 3/1/2012, 12:52 am


دمعة على المأسوف عليه المرحوم أبو سلمان يحي بحمد
23-02-2012

* * * * * * * * * * * * *


لما أبو سلمان ضيعتنا ترك
بالموت كان شباط ناصبلو شرك
فقدنا قلب مفعم بالمحبة ملان
وكل قلب منا لدمعة ولادو انفرك
ومش بس ضهر الأحمر الخسرت حنان
من التيم صوب المتن أو صوب الكرك
مطرح مايخدم في درك لبنان كان
يقولوا قليل المخلص ومتلو أمين
ويساعد المظلوم في سلك الدرك

* * * * * * * * * * * * *
وكل مين كان بأجرك بنفسو انسمع
عنك شو عم ينقال ويرد السميع
ومش بش جفن الشعر مع جفني دمع
نلت الشهادة ودمّعوا عيون الجميع
وبعمايلك برهنت شو نجمك لمع
حصلت رحمة تصبّر القلب الوجيع
ونعمة كبيرة وكل نفس إلها طمع
متل الرعد تدوي وقليل النالها
مؤمن وأحسن شيخ ومقامو رفيع


* * * * * * * * * * * * *
وقديش قالوا ظالمة الأيام
ومتل المنام منمرق عليها
مالحّقت ترتاح من كم عام
روحك لحتى الأرض تعطيها

غراب البين بكير فوقك حام
بلا معارضة ع حكم باريها
بتلبقك العيشة بثغر بسام
النكتة بخفةّ دم تحكيها

وقمار دشرت الزهر بكمام
ولادك جنى هالعمر تهديها
وبدال حارة ع طريق العام
بيوت بدل البيت بانيها

تكاتفت جنب شريكتك إلهام
وكبرت العيلة بديك وبديها
وإلهام فجأة خسرت الإلهام
وصار الحزن يسبح بعينيها
ساعات تتمتى الخبر أوهام
ونهدات ياريت رجعت ليها

وحتى رجاء تمنت بشي منام
حلم الدمع يكرج ع خديها
وتعود تغمرها مع الأحلام
وتطوقك والعطف تهديها
ماكان بدها تودعك تاتنام
وقديش مابكيت تماضر صخر
ع نعشك الدمعات تبكيها

* * * * * * * * * * * * *


وإبنك البكر الزاد تنهيدو
سلمان كان من القهر كلو
وساعةّ ماقالوا غفيت ع إيدو
كل السلم بس غبت ماضلو

وحتى سهيل التارك بعيدو
نجوم سهيل ع دمعتو هلوا
مع عيلتو بالهجر مايريدوا
الوالد يفارق قبل مايطلوا

ودرب الرجا راجي رجى سيدو
قبل موتك بس مايذلو
توسل سنين العمر تايزيدو
ومدرك مابيزيدو ولا قلوا

ومتلو رواد ومين بيفيدو
الجيّش عواطف عقل ع حلو
موتك كتب بدموع تشريدو
لو غاب جسمك صيتك الضلو

وطير الحنون انساب قرميدو
أربع زوايا تارك محلو
في كل زاوي ركن بيشيدوا
والله يصبر قلب نسرو غاب
وبداخلو طيور الحزن غلوا

* * * * * * * *








----------------------------------------------
" كرمالكم ع النت تابعــنـــــــا = نسقي القوافي من منابعنا "
" بوجودكم معنا امتلت بالذوق  = ومندونكم مافي لها معـنا "
----------------------------------------------
عمار البراضعي
عمار البراضعي
المدير العام

عدد الرسائل : 1125
العمر : 53
Localisation : لبنان - ضهر الاحمر
تاريخ التسجيل : 22/01/2007

https://7arf.editboard.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى