مرثاية الكاهن بشارة طراد

تصبَّر يا قلب وحاج تزري دموع***عا بَيّ كان بْعيلتو مصباح
ربى العيلة بِتقى وخْشوع*** تعيش المحبة الما تهزّا رياح
الحب اللي عاشو بالقلب مزروع***ونِمْيتْ الحبة ورنّم الفلاّح
عرفنا بحنّا كثير ضوّى شموع ***وسّرو لَربّو بالليالي باح
صوت اللي خفتو بالصلاه مسموع***بِإدن الله بكل قوة صاح
بإبني يا ربي كمِّل المشروع*** تيصير كاهن يجمع الصلاّح
كاهن لألله يبلسم الموجوع *** مثل الطبيب الماهر الجرّاح
يقود الرعية يكون عندو جوع***يسكر بِحُبك ما يعِدّ قداح
من بعد ليل المسبحة وركوع*** طلع الفجر والنور زت وشاح
ابنك شفت كاهن بدون رجوع***كرّس حياتو كملت الافراح
وشرّف الموت الجانحو مشلوع***يزور النسر اللي ما بيلوي جناح
يا نسر رِِف وطير علِّ طلوع ***.بطرس بإيدو محضّر المفتاح
تيدخّلكْ تشرب من الينبوع***قلب الالوهة وعطرها الفواح
النفس اللي تاقت تلتقي بيسوع***.عا جنة الرحمان بالايمان
---------------------------
إلا معو بفردوس ما بترتاح



هذه المرثايي قالها اخي الكاهن بشارة طراد في وفاة والد زميله الكاهن في استرالياوطلب منه ان يرثي والده ان فكتب هذه المرثاية في ربع ساعة فاحببت ان اتحفكم بهذه القصيدة الرائعة ليس لانه اخي ولكنها بالفعل رائعة