خاصة من عمار الى رجل ميسور بالمال فقط

يامغتني بالمال حاجي تفتري
وحق غيرك في بلادك تزدري
رح خبرك شو بتشتري بمال الوفير
وغيرو بحياتك عد شو ما بتشتري
*
وقّـف عمهلك راجع النسيان لوم
بتعرف بأنك للسدق غلطان دوم
الوجدان بعتو واعمل حسابك اليوم
معقول تقدر تشتري نسوان ليك
ومعقول تقضي العمر كلو همشري
وحب القلب مافيك منهم تشتري
**
معقول تقدر تشتري منذم كار
يبيعك حكي وحولك جمع يلتم عار
ويمكن دوا تلاقي وبايع دم تار
لكن تذكر بعد عندك هم صار
عايش عاسطح الارض مش عالمشتري
ومافيك صحة في موالك تشتري
***
كافيك وهم وحاجتك مغرور فيق
الجاه العريض بتشتري بعرض الطريق
بتقدر بمالك تشتري القصر العتيق
لكن مافيك بتشتري بمالك صديق
بمعنى الصديق ومش متل فضلك زري
وكمشة سعادة من العمر مابتشتري
****
بتقدر بمالك تشتري در وياقوت
وسجاد تفلش عالدرج حتى تاتفوت
ودم فيك بتشتري وخشبةّ تابوت
لكن عند ما عمرك بيقرب تموت
لافيك ترجع شب عامل عنتري
ولافيك عمر جديد ترجع تشتري
*****
لا تقول فيي بشتري الضيعة وطير
فرحة وقادر كل حقلة حط بير
رح خبرك في فرق بالشعب الكبير
وبيتي انا المتواضع وحجمو زغير
بكل ثروة جد جدك بالحياة
لا بيشتري النحّاس بيت الجوهري
ولا بيشتري الجاهل بمالو عبقري
ولا بيشتري المجرم حكم يطلع بري
وغير الثري بالعقل مابيطلع ثري
وآخر مافيك بتشتري بيوت العري
ولافيك بيت من الكرامة تشتري

*******