شحرور الوادي وعلي الحج

من طرف salomon 7/7/2007, 11:04 am

[color=navy]حوار بين الشاعر أسعد الفغالي

( شحرور الوادي ) وبين الشاعر علي الحج القماطي

الشحرور

لما ابتدا الشحرور بالـمـلعب يـقـول ...... رنّح على راس الجبل زهر الحقول
من قبل كان ملعب رياضي للجسد ..... واليوم صار ملعب رياضي للعقول

علي

ما زال بــعـــدو لـــيــلـنـا من أولو ..... حبل الطمع والكنفشة لا تطوّلو
مش إنت نحنا وإنت ملعب للزجل ...... مــلـعـب الأجـسـاد بـدنـا نحوّلو

الشحرور

من قديم الـعـهـد خطة وماشية ...... لا تظن فيها كنفشة هالحاشية
من العوايد عند ما يـطـل الـملك ...... ما في لزوم نجيب زكر الحاشية

علي الحاج

مهما بأرض المعرفة نـبـعـك غـزيـر.... راس الكبير بيلزمو القلب الكبير
ولما الرعايا بـيـذكـرو اسـم الـمـلك ...... ما هي عدالة يهملو اسم الوزير

الشحرور

أمري على رجال المعنى فارضو ...... يكونو بأمري إن رضو أو ما رضو
مش كل ما قام الملك نصّب وزير ...... عا كل كلمة يقاطعو ويـعـارضو

علي الحاج

حاجة وزيـرك بـالمـحـال تـحـاورو ...... وحاجة تركّب مَقـلـتـو وتـتـصـارور
لو كنت مدرك في أمور المملكة ...... ما كنت تقطع خيط حتى تشاورو

[color:b1c8=red:b1c8]الشحرور

هيدي حقيقة ثابـتـة ومـحـاورة ...... تركيب قصد عملـتـهـا ومـصاورة
وكل واحد مارقة اللـعـبة عـليه ..... ما في إلو عند الملوك مشاورة