منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================

منتديات الزجل اللبناني الشاعر: عمار البراضعي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

قصرِك المهجور...شروقي

اذهب الى الأسفل

قصرِك المهجور...شروقي Empty قصرِك المهجور...شروقي

مُساهمة من طرف IIbrahim في 7/18/2007, 4:44 am

يا من قطعتي وعد عمرو سنة و شهور-------بعدو ملاك الهوى عم يجمع حسابو

و تذكار بعدو بشفّة محمّرة محفور-------بيرسم عا وجّ الورق بسمة من صحابو


مشتاق حتّى ترجعي عا قصرِك المهجور-------و نطفي لهيب السفر و نبيع أتعابو

و نشبك أيادي سوا و نعالج المكسور-------و يطوي علينا الفرح صفحة من كتابو


و يرجع حنانِك شمع و قصايدي بخّور-------و كلما حنيني وعي يسأل عا غيّابو...

امرق بليل الخفا وعا غفلة النّاطور-------ادخل حديقة قصر ما نعست كلابو

و افشخ بخفّة و همس من فوق أعلى سور-------وفّر عا أهلِك طحش احسن ما يرتابو

و اقشع سريرِك بحر و انتي أغاني بْحور-------و حسّون جنبِك وعي يدلي بإعجابو

هونيك بين السحّر و العاشق المسحور-------إلا و صاحب إلي يتلفن على حسابو...

و إطفي جهازي أنا و يصدق مثل مشهور-------عاشق صحابو نسي من شوفة حبابو
IIbrahim
IIbrahim
شاعر

عدد الرسائل : 99
تاريخ التسجيل : 31/05/2007

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى