تفضل يا رواد...

من طرف IIbrahim 7/19/2007, 4:44 am

شكرا عمار.. شكرا سليمان على هالمحاورة و هلق شرّف خيي رواد ع "القراءة و الكتابة"....

سليمانّنا و عمّارنا غنّو ذهاب----و هلّق يا شرْف الدين جهّز للإياب

بين القراءة و الكتابة..بلا اقتضاب-----جايي الياسيني يشاطرك غلّة حساب

بقرا بلاغة مطرّزة حروف الكتاب----بقرا نبي جبران مرجوع الصواب...

و لوما رماك الدهر تتبارى معي----صعبة بحياتي كنت إقرالك جواب

من طرف rawad 7/19/2007, 7:48 am

براهيم دخلك لا تبلش بلبلي...... بلّش الدم اللبعروقي بالغلي
وكلما على الصفحات يبرم بلبلي ...... غلة حسابك رح تصفي بالبلي
كاتب أنا وعا ريشتي ما بعتلي...... و من بعد جبران النبي جايي ولي
تا اجبرك تحمل دواويني الجداد...... وتترك كتب جبران تا تقرا الي

من طرف IIbrahim 7/19/2007, 8:35 pm

ما جيت تا إغلي العروق الفايرة----جايي الحبر إغلي بكعب المحبرة

ان ما كان عندك فلسفات مخمّرة----لا تجرح النسمة بشوك البهورة

و مش بالقلم.. لو جبت ريشة معطّرة----تشلح و تزرع كل صفحة جوهرة

شو قيمة الديوان بعد بمرحلة----لوما بقي ردّة عا ردّة ينقرا؟!

من طرف rawad 7/20/2007, 7:48 am

بعمري ما بكتب غير ردة محنكي .....ومارد ما بيهمو كلام الزكزكي

تعودت ما اخسر بشعري المعركي .....وازرع جواهر فوق صفحة مسمكي

بكتب شعر ما بيفهمو الا الذكي ..... و عا فلسفات مخمرة عم بتكي

شاعر بيعمري ما بحب البهورة.....الا على البيكترو متلك حكي

من طرف IIbrahim 7/20/2007, 11:40 pm

بكتر الحكي ما فيك ترفع اتهام----هاي عادة ال بيحوّل الوردة سْهام

شوف المعلّم بس يحكي بإنسجام----عا كترة التوضيح جاب الشرح تام

لكن انت ضلّيت عالمقعد تنام----حتى عا كتر الخرطشة قالو الأنام..

ابراهيم يوم الشرح كتّر بالحكي----و روّاد يوم الفحص صفصف بالكلام

من طرف rawad 7/21/2007, 2:13 am

لا تغير الموضوع ولله العظيم ...... موضوعنا اقرا واكتب يا فهيم

بكتب ملاحم شعر تا يقرا العليم......واللي عديم المعرفة بيبقى عديم

وينك يا اينشتين ترجع يا حكيم ......وترجح الميزان والعقل الحكيم

ومش أول المرات بعدك بالدني ...... بيتفوق الطالب عا استاذو الكريم

من طرف IIbrahim 7/21/2007, 10:45 pm

الإستاذ وصّل انشتين لْموقعو----لا تعملو خصمو اللي كان يصارعو!

لوما القراية تتدرسو تاتْشبّعو----ما شفت مرجوحة علم عم ترفعو

و هيكي عمل نوبل بأول منبعو----لكن الظاهر عالضياع ال سامعو..

من مدرسة الصفوف كان طالع رواد----غير موهبة خطّاط مش حامل معو.

من طرف rawad 7/22/2007, 3:40 am

تجميل خطي بريشتي مش موهبي .......هيدي هواية بحق الله والنبي

بكتب عا مسودي بلاغة مذهّبي ...... بخطط عا مبيضة تاتقرا يا صبي

ولما بكتاباتي مليت المكتبة ...... صرتو تقولو جن أو ضايع غبي

يا للأسف ضاعت القيمة للزجل ...... وتفكيركن صفّا بأيد الأجنبي

من طرف IIbrahim 7/23/2007, 8:25 pm

عا هالجواب الما بيجهل مستواك----فضل القلم و الخط وين بهالعلاك؟

يا مضيّع الموضوع حاجي إرتباك----عا هالنسق لا تنطر نزقّف وراك

و تا نقول شي مرة المرض تقّل خطاك----و من بعد ما كْتبلك حكيمك عا شفاك..

لوما رجع يقرا ورقتو الصيدلي----كان رح يضلو حبر عالورقة دواك

من طرف rawad 7/24/2007, 2:57 am

لوما كتب دكتورنا ورقة دوا ......... مات المريض وعمر أيامو انطوى

وما طلبت منك لا زقيف و لا غوا ......... ولا مطالبك تحكم على هب الهوا

قاضي انت يا عبقري بهالمستوى ........ ومجبور تحكم عدل في منو نوا

لوما الضمير يكون مكتوب بورق ........ ما فيك تقرا وتحكم و تعدل سوا

من طرف IIbrahim 7/24/2007, 10:25 pm

قديش بدّك مُلْهِمات و مُلْهِمين!!----تا تسأل فْكارك لوين مسافرين؟

يا جاي تا تكتب ضميرك باليمين----لا تطبعو دشرو عا صفحات الجبين

و شيخ القضاة ان كنت مش قاضي حزين----تدرّس سنة تخرّج سنة تكتب سنين..

م بيقبلك عالباب قوس المحكمة----إلا ما ترفع إيدك و تقرا اليمين.

من طرف rawad 7/25/2007, 6:18 am

الملهم ما بدو ملهمين وملهمات ....... هوي البي دلك على درب الثبات

بيكتبلك عناوين صفحات الحياة.......بينحتلك مواضيع تعمل معجزات

بيرافقك عالأجر من بعد الممات.......بيكتبلك النعوي تا ينعوها النعاة

وبيكتب الك قرآن تا يصلو عليك....... و نقول الله يرحمك بعد الصلاة

من طرف IIbrahim 7/26/2007, 9:58 am

القرآن للنزلة انقرا من شفتين----من قبل ما حرفو انطبع عا جلدتين

و كرمال تقشع للقراية الفضل وين----رح فهمك من معجني هالكلمتين...

كلما على القرآن إقرا ال عين عين----نقّطتْها بعيني بأصفى دمعتين

لكن بعين الحبر لو نقّطتْها----بتسوكر جهنّم الحمرا بدون عين!

من طرف rawad 7/27/2007, 5:52 am

لوما انكتب تاريخ قرآن الفصول ...... ما تعرّف المسلم عا أعمال الرسول

وكل مين عم يكتب ويفهم شو يقول ...... الجنة طريقو بعد ما عمرو يطول

وللي بيقرا و ما بيفهم يا كسول ....... جهنم طريقو وقد ما بدو يجول

انتو قريتو وما فهمتوا شو انكتب ....... ونحنا فهمنا شو كتبنا بالأصول

من طرف IIbrahim 7/28/2007, 1:18 am

تعي يا ساكنة عنّة مسايي----الحقي دعسات تنهيدة رجايي

أنا سهران عالغصن المدّد----قبل ما إغفل قريلي الحكاية

أنا عيون القرايي اللّي تجعّد----زماني و بعد ما تجعّد صبايي

و مهما الرف يتْأنزع و يصعد----تا يعطي سْطور ختيرة العصاية

إذا مرّيت بترك عالمجلّد----قصص و قْصايد تشبشب ورايي

و إذا كنّو حبيبي برمش أسود----على قلبي كتب قصة شقايي

تا يِشفي الهم تذكاري الموحّد----عن البوسات بقرا من المراية

و يا إعصار البحر لوما المرصد----ملامح طلتك يقرا بعناية..

كنت بعْواصفك عا شط أمسد----رح بتكتب بأشلاء الجناية

و بدون قراية الضو المحدّد----ما رح تعرف طريقك وين جايي

و لا حفلة بتكمل عالمأكّد----بلا قراية نشيد من البداية

و عا ذكر الأنبيا و قرآن أحمد----اللّي زهّر مسمعي آية بآية

و لإنو عالخليقة رح بيشهد----بحرف و جرف عا بواب النهاية...

يلّي تاركو عالرف موصد----رح يطلّق الجنة و ما يضلّو

إلا ال رح بتشفعلو القراية.

شكرا كتير خيي رواد!!! و هلق تفضل إلك مسك الختام

من طرف rawad 7/30/2007, 5:16 am

اكتبي يا عبقرية عا كتابي ........ وخذي من بحر أشعاري صلابي
القراءة والكتابة بالحقيقة .........خلقو توم عا صدر الرحابي

وجوابي محنك بأصعب طريقة........وثيقة شعر مكتوبي باءهابي
وصفحة فاضية بتقرا الوثيقة ........ اذا ما كتبت عالورقة جوابي

و ابن جبران من باب الحديقة ........دخل من دون اذن ولا رقابي
لاءيدو ريشتو خلقت رفيقة.......و بايدي ريشتي بتكتب ثوابي

ونجح تا صارت البنت الصديقة ........ سلمى تعبدو و تقرا الايجابي
انرحت تا تشتري الخمرة العتيقة ........يما نبيد أصلي من الخوابي

بحلف ما بتاخذها العشيقة........ اذا عا قزازتك ما في كتابي
واذا الايام وضعتنا بضيقة ........و صار الحظ سلبي ومش ايجابي

ممكن يخلص العمر الدقيقة .......وشبابك تخسرو واخسر شبابي
بكتب شعر وقصايد رقيقة ........تخللي الناس تبكي عا مصابي

وتتذكرني بكتاباتي العريقة .......و حسابك تاخذو وآخذ حسابي
سوا منموت بظروف الدقيقة ........وانت قرايتك بعدك بترحل

.................. وأنا بتبقى بعد مني الكتابة.............

من طرف **عمار البراضعي** 7/30/2007, 11:20 pm

حلوووووووووووو للشباب راءءءءءءءءئع الله يعطيكم العافية وسمعونا على طول من هالحلو

تحياتي لكم

تفضل يا رواد...

تفضل يا رواد...

رد: تفضل يا رواد...

رد: تفضل يا رواد...

رد: تفضل يا رواد...

رد: تفضل يا رواد...

رد: تفضل يا رواد...

رد: تفضل يا رواد...

رد: تفضل يا رواد...

رد: تفضل يا رواد...

رد: تفضل يا رواد...

رد: تفضل يا رواد...

رد: تفضل يا رواد...

رد: تفضل يا رواد...

رد: تفضل يا رواد...

ختام..

رد: تفضل يا رواد...

رد: تفضل يا رواد...