الشاعر والمش شاعر

من طرف **عمار البراضعي** 9/9/2007, 3:09 am

الشاعر والمش شاعر محاروة ع الماسينجر مع الشاعر والمشرف حرف
----------
الشاعر برأيي نسور فكرو حايمي
وبالمرتجل عايش بيقظة دايمة
لا شاعر الهدد ع بكرة منلتقي
ولا شاعر البيقول منها ملايمة
--------
الشاعر بشرعي للشعر عندو اندفاع
بيهجم ع ملقى الشعر هجمات السباع
الشاعر غني وبالنفس في عندو ثقة
ومش شاعر البيخاف بالملقى الضياع
---------
الشاعر ع شكل المهر لو خاض الميدان
المفروض مهر الفكر يطلقلو العنان
الشاعر بيكتب كل يوم معلقة
ومش شاعر البيقول شو غنى فلان
-------------
الشاعر غريب بأمتو متل النبي
ورسالتو يبني لصقل الموهبة
ومش شاعر العا مناسبة بيعمل قصيد
تايقولها ونفسو بحالو معجبة
--------
الشاعر بيتحف مكتبة بكلمة وجُمل
مفرّق بتعطي المجد منها بالجمل
ومش شاعر البيكون خرج الصفصفي
وبيظن حالو كبير لو ردي حمل
------
الشاعر محبة مطلقة بإيمان نور
بيشعر بهم الناس أتراح وسرور
ومش شاعر البسكب ركّب قافية
ان ماكان رقةّ قلب حامل أو شعور
----------
الشاعر ع شكل الشمع ع المنبر بيذوب
مشعال تاينوّر الكلمة ع الدروب
ومش شاعر العمل المنابر متجرة
من دون مايوصّل البهجة للقلوب
--------------
الشاعر صباح الخير جهجه بالقصيد
الشاعر فجر للمعرفة بكبر الرصيد
ومش شاعر البينام ع دغوش الدني
ولا يوم غفى الليل ع صوت النهيد
--------
الشاعر متل قطر الندي شعرو بيفوح
عرايس مروجو زهور عم تعلى صروح
ومش شاعر اللي بينطر الشعار صار
بخمر الكلام تبنجو وينسى الجروح
------
الشاعر اذا ماكان ع القافي حكيم
بتكون عينو ع دواها صيدلي
الشاعر اذا ماطبب البيت السقيم
بتصير حفلات المعنى بهدلي
الشاعر اذا مافاق بالفكر السليم
بيشبه شي اعزب راح يآخذ أرملي
بفضّل بقلو موت بالجرح الأليم
ولا آخذ من الشعر شغلة مش إلي
----------
مش كل من كلمة حكي موهوب كان
وصفحةّ جبينو مكتبة وفكرو ملان
ولا كل من حامل جفت صياد صار
حتى الطريدة يصيبها دغري كمان
لاكل فرد ع كرستو رمز الوقار
ولا كل شخص بيصير صاحب صولجان
ولا كل بحصة بتسند بحيط العمار
ولا كل من كلمة لقى صاحب بيان
من هيك في أمثال عن حكمة وخيار
بتدلنا ع الناس كلها بإتزان
وبتصير كل الناس من ذات العيار
لو كل علة بيقدر عليها الطبيب
ولولا تساوى الطول في راح البنان
---------
مش كل شاعر زان حكـياتـــــو .... بيملك الصورة بسكب رداتو
ولا كل سطر الورد مـنو يفوح .... والنــاس نشقوا عطر ورداتو
الشاعر بيكتب تــا يــرد الروح .... وصيّـــخ بوهج الشعر ثلجاتو
وشاعر عاحظو متكـل بطموح .... بالكاد تطـــلع حظ كلمــــــاتو
الشاعرمجند عالحرب بــيروح ... ونحل المواهب ذاق عسـلاتـو
ولا كل جندي بعركـتومجروح ... بيشبه الضابط عاسلاحـــــاتـو
واللي بيعلى بالخيال صــروح ... يسقي بجوو دموع غيــــماتـــو
غير العاضعفو بالشعر مننوح ... وجـــايب حكايا كلها غايــــات
منشان يبرز بس غاياتو
-------

من طرف rawad 9/11/2007, 11:50 am

شاعر بسكب الموهبة عندك صفات ...... وحقك بوصف الشعر تعمل معجزات
عمار عمّر قد ما بدك وهات ..... عطينا شعر تاتقسم حجاز وبيات
البيحب يعرف قيمتو بزرع النبات ...... يقرا قصيدة موحدة بعزم وثبات
ولوكان عندي ابن عندو موهبة ...... بدلو عدرب الشعر يفهم هالحياة

من طرف **عمار البراضعي** 9/11/2007, 8:48 pm

شكرا على مرورك ندهت بطيبي .... أحلا رواد منعرفك عن تجــــــــربة

نذرنا على عرسك حفـايا ودبدبـة .... ويفرح الوالد فيك ونشفـــــلك صبي

طالع لجدو يكون يمـّــــا لوالدو .... قد الدني ومحتل عرش الموهـــبـة

.................

تحياتي

من طرف علي عامر 9/12/2007, 7:40 am

يا سلام شو هـ الابداع

تسلم هـ الافكار أخي عمّار

الشاعر المتلك بحر لازم بالمواج

يفخر بهيبة كلمتو عا هـ المدى

انت الوحي بقلبك عم بيزهر فواج

ودموع احساسك متل حب الندى

من طرف **عمار البراضعي** 9/12/2007, 11:33 pm

تسلم أخ علي وتحياتي لمرور الجميع

------

مجد ووحي وأمواج بالشعر الطلي

وأيـــــآت بدموع الندي عم تنجلي

شفت بمرورك مركـز الشاعر عِلي

والشاعرية الفــــيك مجـد مرسملي

عامر انشالله المنتدى بوجــــــودكم

ونشـــوف نبقى فيك تاني بـو علي

.........................

تحياتي

الشاعر والمش شاعر

الشاعر والمش شاعر

رد: الشاعر والمش شاعر

رد: الشاعر والمش شاعر

رد: الشاعر والمش شاعر

رد: الشاعر والمش شاعر