منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================

منتديات الزجل اللبناني الشاعر: عمار البراضعي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

أنا شاعر

اذهب الى الأسفل

أنا شاعر Empty أنا شاعر

مُساهمة من طرف salomon في 9/14/2008, 10:45 pm

انا سليمان شاعر برجوازي***القواعد بليت وبعدو جوازي
خيالي بالسما بيفتح مجرّة***وجنون جوانحي متل الميكازي

نقلت الشعر حتى صار برّا***الزجل بالمنتدى المنبر يوازي
لأنو اللي ال كتشف بالعمر ذرّة***ما كان بيعرف بظلم الغوازي

كتبت عا النت بيصفحات حرّة***اعتبرت الذوق للأحساس عازي
الحجل عا منبري لو فر فرّة***بيفرفر من قسا نقدات بازي

اذا شي نهار شاعر برّ برّة***وانا بالمنتدى عندي اجازي
غصونو اليابسي الفيها مضرّة***عانار المرتجل دلدقت كازي

انت يا منتدى نبع المسرّة***منعت اللحن بالموقع نشازي
خريرك سقّع الميّي بجرّة***وأنا عن جد بعلن أعتزازي

بنقد بنّاء عن شعري تحرّى***وما بقبل حط عا عيوني قزازي
القصيدة ....!!!!بتنّحت مرّة عا مرّة***تا تطلع بنت حلوي وخرج جازي

لها الأسباب رح عاود الكرّة***تا شعري يكون طرد الأحترازي
وقصيدي هذّبو تا يصير درّة***بتاج المنتدى تا النت يبقا
ملك يتحكم بعهدو جهازي
salomon
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

أنا شاعر Empty رد: أنا شاعر

مُساهمة من طرف عمار البراضعي في 9/15/2008, 4:41 am

وانا شاعر شِقي جيابو فقــــيرة = وغنــــــايـي بالعقل حقق مصـيري
نقلت الشعر من مسرح لمسرح = وبكل مـنبر إلي كرسي وحصـيري

ولما ع الأرض ماضل مطـرح = إلاّ وزارعــــــو بشعري خمـيري
قبلك ع الفضا قررت إســـــرح = بمواقـــــع عنكبوتـيـــة مـنــــيري

ولأني إرتجالي الصوت بطـرح = الماسينجر شاهدي ماحكيت عيري
فتحت المنتدى إسرح وإمـــرح = وشفت صحـــن الفضا قد الفطيري

واجوا بعرس الشعر شعار تفرح = احتكوا بمنبر الكلمة الأميـــــري
وفوارس تحـــــتها تكبي وتجمح = وشدّ لجامها بعركة خطيــــــري

من الهارديسك فكري ساع ابرح = وعن الرّامـات ذاكرتي غزيري
واذا بألوان شعري صرت اشرح = لا سي بّي يو وفي جي اي متلو
لبيل كايت القوافي المستنيري
===============

الرامات = جمع RAM
لا سي بّي يو CPU
وفي جي اي VGA

===============



----------------------------------------------
" كرمالكم ع النت تابعــنـــــــا = نسقي القوافي من منابعنا "
" بوجودكم معنا امتلت بالذوق  = ومندونكم مافي لها معـنا "
----------------------------------------------
عمار البراضعي
عمار البراضعي
المدير العام

عدد الرسائل : 1125
العمر : 53
Localisation : لبنان - ضهر الاحمر
تاريخ التسجيل : 22/01/2007

https://7arf.editboard.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى