رباعيّات - شاعر

من طرف علي عامر 11/4/2007, 2:41 am

[color=white]رباعيّات * شاعر

شاعر نبي خنذيذ بالأفكار * والله عطاني هـ المدى دفتر

وعندي لسان بينحسد من نار * جهنّم الحمرا وكل شي أكفر

شاعر خلقني ربّنا بكفوف * مش من لحم من قهر ومراره

قلبي خلق يا هـ الدني خاروف * ضلوعي دياب من رحم الجساره

شاعر أنا بجرن الألم معمود * جرحي هـ البحر مجنون غايي

وشارد وفايي بغابة الجلمود * ي مين ل يجبر بخاطر وفايي

شاعر عا فروض الصبر رابي * ديني الشعر وكتابي حنيني

رغم ما قد هـ الزرقه عذابي * م عندا عدل بالرحمه سنيني

شاعر وغنّاني الحزن موّال * فقير مشحّر تيابي همومي

فورة عصابي ملعب الآمال * وبفصل الخير عم تمحل كرومي

شاعر بورشات العتم عامل * بشيّد بقلبي صرح ايماني

من هيك عا درب الفرح خامل * وقناديلي بضوّي بالمعاني[color:80ad=white:80ad]

3.10.2007