شو النا العيد مخبي

من طرف rabeaa 12/19/2007, 12:27 am

شو النا العيد مخبي..من خلف الباب
انشالله سلسال محبي..لعنق الاحباب
اااااااااااا
لعــيد لبفرحــة جايي ...لكل الناس
مقدم اجمل بوكايي...من جوري واس
وجودو فرحة محلايي ...بتعبي الراس
بخابية فرحة معبايي...لمنصنوعة ب اب

من طرف **عمار البراضعي** 12/20/2007, 3:26 pm

الميلاد الكلو محـــبة ... أو عــــام جــديـد

وألأضحى دخـلو ربي ... بالخـــير يـعــيـد

ولو بيعــــــود المتنبي ... يحكي ع العيـد

شـو بدو يكون مخبي ... ماعدنا نهــــاب

من طرف salomon 12/22/2007, 4:03 am

كنت مفكر أعيادي...أفراح العيد
لقيت الفرحة بزيادي...بتعطي مواعيد
بالأضحى وعيد الفادي....بنطلب بنريد
بدنا يا جيش بلادي...تشيل الأرهاب

من طرف **عمار البراضعي** 12/23/2007, 8:17 pm

الهادي نشالله يهديــــنا ... أيـــــام العـيد

ونور الفادي يحمــــيـــنا ... الغلطة مانعيد

نحنا موطــــنا بكيـــــــنا ... وياربي تــــزيد

الحل السلمي وتعطينا ... مفـــتاح الباب

******************************

من طرف salomon 12/23/2007, 10:22 pm

لقيتيني مرة بحلمي....وصدري منشق
زعلتي مني وعا علمي....ما عندك حق
في شاعر عامل زلمي....وما تقولي لق
أسمو عمار الكلمي.....متلك كذاب
virus

من طرف **عمار البراضعي** 12/25/2007, 2:53 pm

ياابني تروى وإعـــــــقل ... لاتكون دويـــــك

لحمك حطيتو بمنــــــقل ... تكرم عيـــــنيك

مهما مفتاحك قلـــــــقل ... شو كذبنا عليك

وتفكير شبــــــاطك أثقل ... بالوهم انجــاب

********************************
الزج3ل

شو النا العيد مخبي

شو النا العيد مخبي

رد: شو النا العيد مخبي

رد: شو النا العيد مخبي

رد: شو النا العيد مخبي

رد: شو النا العيد مخبي

رد: شو النا العيد مخبي