من وحي العيد السهران بضلوع الجنون

من طرف علي عامر 12/5/2009, 2:07 am

عروق السما بهـ الليل بينادو = من خلف تلّه بعالم الأحلام

وينن حبايب للوفا جادوا = بشعر وقوافي بتسحر الانغام

وايد النسيم تدق عا بابي = وبالقلب دقّة شوق تتغنّى

روح الامل من ريح اعصابي = تقلّو دخيلك طل وتمنّى

يا منبر الابداع هـ اللي فوق = انسى شو فصّل هـ الزمن قمصان

خلقان شاعر قد ميّة جوق = فلسف ضمير الكفر والايمان

هون الحلم من كومة رمادو = تنفّض وهبّ الحس للفرحه

هون السهر بيطوف بعيادو = من حول سرّو بروح منشرحه

وخدّ الورق عا دمعة الاحساس = ملهوف ت يضمّ الفجر ملهوف

وتخلق قصيده معطره بانفاس = جنون الوعي ويعيّدو الحروف

الفكره تقلّي دخلك اسقيني = من كاسة نبيذ الوله شفّه

صرلي عمر بعباب يسمينه = اسكر بخمر الروح بيكفّي

ودخلك بعد ما تنشر الكلمه = مع شي فراشه ان سرّبت ع الورد

تاكّد حناني بيجرح العتمه = وبصير روّق خاطرن والبرد

لا تزعل الفرقه بغيبة شمس = هـ العمر رحله والوقت جنّه

يا بحر موج بريشتك ت الامس = برغوة حنانك طلّتو يحنّي

بكوكب سهر سوّاح ما لو زي = رح ضلّني احفر شعر حتّى

شمس الوعد تنبش قراني الفي = وتقعد ومن حبر الوفا تسكر

وتشوف شو غيم الخمر شتّى

29\11\2009