تجديد قصيد بالعتابا !

من طرف **7arf** 1/4/2008, 11:13 pm

العتابا من الحرف أخذت عِبرهــا ... بمعاني بحورها فاضت ع برهــا

وبمحكمةّ العدل حكمي شرعها ... وعن خدود الزمن كفكف عبرها

*
واللي سيوفها قبالي شرعــهـا ... وحــــاول قـومس الكلمة عبرها

بواب القبر في وجهو شرعــهــا ... حرف المرتـجــــل برهة ع برها

**
وتاخلي يكتبوا بإسمي شارعها ... البيحب يفــــــوت رح قلو عّبِرّها

إذا للمرجلة محلل شــــــرعهــا ... ومعي بإحسانـهـا وافق ع بِرها

قصيد نجدد بنوع العتاب

*************************************************
ahla

من طرف salomon 1/5/2008, 4:21 am

ياحرف الموهبي بالشعر نخ لي........تا أنخل راسك بغربال نخلي
انا أرزة عتيقة وأنت نخلي......وعلى المنشار ما بتتخن رقااااااب[/size]
virus

من طرف **7arf** 1/5/2008, 4:43 am

عليك بشور قلي بس من شار ... تاإقطع ايد صوبي كل من شار

انت خشبة عتيقة وحرف منشار ... مابيرحم على شفـارو حطب

***********************************************
بس يا اخ سلمون هون قصيد عتابا مش عتابا عادية حتى ترد
مابسمحلك تاني مرة واذا بتحب دعيني بصفحة تحدي عتابا انا حاضر
بس هون اسمحلنا فيها
مع تحياتي

من طرف salomon 1/5/2008, 4:54 am

7arf كتب:عليك بشور قلي بس من شار ... تاإقطع ايد صوبي كل من شار

انت خشبة عتيقة وحرف منشار ... مابيرحم على شفـارو حطب

***********************************************
بس يا اخ سلمون هون قصيد عتابا مش عتابا عادية حتى ترد
مابسمحلك تاني مرة واذا بتحب دعيني بصفحة تحدي عتابا انا حاضر
بس هون اسمحلنا فيها
مع تحياتي

انا ما بشيل بيتي شيل بيتك.......وغصن الما تخن عا الريح بي تك

الأساس انشلت رح بيروح بيتك.......وبيتي الميجنا وبيت العتاااب

Sorry

بعدان خيي حرف انت منين جايب ها الموضوع قصيد عتابا ما بيحقلك
العتابا ألا قواعد وانا بحب الأصول
وبنطلب من محبي العتابا يعطو رأييون

من طرف ابو شوقي 1/5/2008, 10:25 pm

العتابا طوف عحروفا وجيبها= بقصيد وجيش تا يحارب عجبها
بيارق حرب رافعها وناشرها=المحبي شعارها ورفقا عاجبها
***\

عيون الشعر بالصفحه ناشرها= حرف بيشع بغصونا ع جبها
ماداما مثمري بشهدا نشرّها= العجايب تزدهي ويكثر عجيبها
***\

الغضب لو زاد عن حدو نشرها =حرقها بنار وتمادى ع جابها
وشر القول لو قلعه نشر ها=وخير القول لل بسم جاب ها
يعيش القول وطراد وعتاب
***\
ابو شوقي

:íÇÚíäí ÚÇáÔÚÑ: كتابة

من طرف **7arf** 1/5/2008, 11:32 pm

حلو يا أبو شوقي ياملك king

!!!! وهيك بينرد ياسلمون .

كول قلبي بس تعلم I love you

--------------------------------------------------------------------

خلقنا الرب يادنيــــــــــا عـبرّكـي = تانـتـنـعم بإحسـانك ع بـِـركي

ومهما مشاكلك صعبت عِقدهــا = أديمك حلحل وشعـري عبركي

*
وبوشوقي المعرفة لبّس عقدها = ومتلي يـادني كفـكـف عِبركي

وعلى سليمان دمعتها ع قدهــا = كرجت متل شي عيانة ع بركة

**
وبنات الموهبة الكتبوا عقدهــــا = وبركـــوا حدهــا البركي ع بركي

لأنو ماحدا بيطلع ع قدهـــــــــــا = بحرفو توّج معـــــــاني عبركي

وقصايد عتّب وردّ الجواب

**************************************************

من طرف salomon 1/5/2008, 11:44 pm

ما عندك حق تا تغيير ما عندك.........العتابا أصول وقوافي ما عن دك
وأنا سليمان رح أبقا معاندك.......لحتى تعرف أصول العتااااااااب
virus

يا خيي حرف انت بتعرف معزتك بس ما فيك تغيير بالعتابا أبدا فيك تعمل تمانيي وخمسة واربعة ما فيك تقول قصيدة عتابا
مش مظبووووووط بترجااااك تعلم انت
تحياتي

من طرف العقيد 1/6/2008, 12:04 am

[quote="salomon"]ما عندك حق تا تغيير ما عندك.........العتابا أصول وقوافي ما عن دك
وأنا سليمان رح أبقا معاندك.......لحتى تعرف أصول العتااااااااب
virus

يا خيي حرف انت بتعرف معزتك بس ما فيك تغيير بالعتابا أبدا فيك تعمل تمانيي وخمسة واربعة ما فيك تقول قصيدة عتابا
مش مظبووووووط بترجااااك تعلم انت
تحياتي[/quote

يا سليمان لا تعلم عا حرفي......بشعرك جدد بتجديد حر في
قصايد شعرك الموزون حرفة.........و إنت اللي طلبت رأي الشباب

من طرف salomon 1/6/2008, 12:21 am

نصيحة روووح يا حبوب فلفل........ما عنا سمسم ولا زيت فلفل
وانا بالشعر ياااااما ملوك فلفل......وانت عقوود مش عاقد هدااااااب
Sorry

خيي قبل ما تفووت دق البااب وضل مهذب وبعدان ما شفنا شي من شعرك تا تعطي رأي

من طرف العقيد 1/6/2008, 12:44 am

salomon كتب:نصيحة روووح يا حبوب فلفل........ما عنا سمسم ولا زيت فلفل
وانا بالشعر ياااااما ملوك فلفل......وانت عقوود مش عاقد هدااااااب

خيي قبل ما تفووت دق البااب وضل مهذب وبعدان ما شفنا شي من شعرك تا تعطي رأي

دخلنا صفحة المشرف و فتنا........ملوك الشعر حقي ما وفتنا
شعرك ناقصو كسرة . وفتنا....عبا معجنك ذووق الادب

من طرف **7arf** 1/6/2008, 2:03 am

salomon كتب:ما عندك حق تا تغيير ما عندك.........العتابا أصول وقوافي ما عن دك
وأنا سليمان رح أبقا معاندك.......لحتى تعرف أصول العتااااااااب

يا خيي حرف انت بتعرف معزتك بس ما فيك تغيير بالعتابا أبدا فيك تعمل تمانيي وخمسة واربعة ما فيك تقول قصيدة عتابا
مش مظبووووووط بترجااااك تعلم انتتحياتي

***************************************
ياخيي أول شي بتمنى منك تقرا العنوان ولما تشوف كلمة تجديد بتعرف
بإني بعرف في عتابا مربعة ومخمسة ومسدسة وألخ .
وكان قصدي التجديد مش كاتب بيت مكسور
أو مش عارف شو عم بكتب.
ومازال مارح تقنع وناوي تكسر الجرة بيناتنا أهلان فيك وأنت بتعرف اكثر
من غيرك اني انا معلم وماحدا بيقدر يطلعلو معي إلا بالحق ومن هيك
رح اطلب منك تعطيني بيت عتابا مشرشر اذا كنت سامع فيه ...

******************************************************

ياذلو العاالخير جايي مُشر شر

ومش حاسس بعدلي وكان شاعر

وجايي وقاصد بلَومو مع اللام

وناسي سطوتي بوقفات مرة

انغزوا سباع القوافي إخت راعي

دمو بيقشعو مزرزب مشرشر

وحرف السيف عظمو صار شاعر

ويامـــــا الكف ع خدو معـلم

وسقيتو بعركتي الكاسات مرة

ويصرخلي بضروفو آخ تــــراعي

ضعفو وإجبرو يكتب مشــرشر

متلي تايصير بحـــــــــق شاعر

وع إيدي تلمـــــذو ويطلع معلم

وقمر من جبهتي الأنـــــوار مرة

أنا سكـب العتــــــــابا إختراعي

وفيـــــــــــها بجدد والله الوهب

***************************
lol!

من طرف salomon 1/6/2008, 3:29 am

ما زالك صرت عم تكتب عتبتك
لراسك بكسر وبرجع بطقو..
وبعد ما تصير عم تبكي عا كسرة.
يسلي الدم ويطرطش عتبتك
وأصحابك اذا فهمو بطقوا
عا خبزة بجبرك تبكي وعا كسرة
وما عمري يوم يا عمري عتبتك
وانا المعتاد لضهرك بطقو
يا حرف الجر من علي وعا كسرة
انا ملكوت من غنا عتااااااااب
mn hna

انا يا حبيب القلب بكتب ولا في شي يحشرني
بس ما بعطيك الحق وانا سايرتك منشان ما تقول هرب وبتعرف
سليمان بكسر رووووووس ومجرب معي وبتعرف
وبرجع بقلك البيفهم بالعتابا ما بيقبل معك وتحياتي

من طرف علي عامر 1/6/2008, 9:07 am

اخواني الشعرا الممتازين

يعطيكو ألف عافيه

ابدعتو فعلا

ويا اخي حرف القدير شكرا كتير على هـ النوع اللي طرحتو

- المشرشر - روعه والله

يعطيكو ألف عافيه

من طرف **7arf** 1/6/2008, 3:02 pm

يا اخي ياعمري ياحبيب قلبي قلتلك وبرجع بقلك انو هيذا نوع حبيت اخترعو
بس على سبيل التجديد ومني بحاجي لواحد يعطيني دروس بس اذا انت ما
قدرت تكتب متلو هيذا شأنك وانا بحترم رأيك لو تقول مش حلو هالتجديد وما
عجبني أو افضل ياخيي حرف نخلي العتابا على ماهيي بلا ما نزيد عليها شي
أما الطريقة اللي فتت فيها طريقة ساذجة ومن هيك حبيت إمشي معك للآخر
ونشوف راس مين بينكسر واذا القصة تكسير روس مارح ينكسر غير راسك affraid

----------------------------------------------------------------------------------------
شكر خاص لمروركم إخوتي الشعراء أبو شوقي والعقيد وعلي عامر---------------------------------------------

أنا مـــتل الأرز بشلوح عندي

مابيحني شموخ الريح عندي

وقبل ماعليك إرجع رد عندي

تحيــــــــة للمرور من الطياب

ra2i3a

------------------------------

فكار الحرف صارلن عام قـَصوا

شَعرَك عام ربي عام قِصّو

ولسانك لا تقرّب ع مقصو

لأنو بيقطعو بسرعة بحدو

وعليك قرايبك كلّن بحدوا

أنا رب الشعر وحدي بَحدو

ولا تفكر مارح طالب بحق لي

وقصايد جدد بفني بحقلي

صرعتك وطلبت منك بحقلي

مشرشر ماعرفت وزنو ولا معنا

ونحنا وحدنا بجوو لمعنا

لا مع غيري قدرت تحكي ولا معنا

كلما عاحروب الفكر منجد

بلاقيك ملقوط الأبيات من جد

وحرف معروف للأشعار منجد

وقاموس الما انوجد بالكون متلو

ياما المتل فضلك خوف متلو

بصِلة لحّق بحالك عود مِت لو

اعترفلو وقول آسف صرت عم رك

مابعرف يامشرشر كيف عمرك

قبل ما إقصفو بالشعر عمرك

وعا نعشك ماحدا غيري ندب

**************************
2shraf

من طرف salomon 1/6/2008, 10:25 pm

[b]

ما زالك صرت تتفاخر بردك
عا لوحة امسمر ة سودا بردك
بقلب المنتدى أحذر برا دك

القوافي المايعة بالشعر متلك
وكل الناس لو بتشوف متلك
بدها تقول مدري مين متلك

وعليك ان مت ما في ناس حدو
لأنو الشعر مش معقول حدو
تقطع...؟ بقطعك بالسيف حدو

وعا عنقك يقطع المسنون قطعة
يخلي راسك الموتور قطعة
وتا فرق عا البشر مليون قطعة

وبسيخ مشلخ بينقص عرفك
وانا مخصوص فت لهون عرفك
مين الما عرف بالكسر عرفك

قصيدك صاير محرف وشقفات
وجهز للدفن أأبرة وشقفات
لأنو الموت جاييلك وشق فات

العيون وبابك مسكر بسكرة
وانت داييخ نسي الله بسكرة
وما عمرو النحل عم ينغل بسكرة

لأنو زهر أشعاري عبيرا
النحل عطشان عم ينطر عا بيرا
وانت سكران يا مشرشر عا بيرة

خدلك كف عني فك فكي
ما حقك بالعتابا جد....؟فكي
انا لبوة قوافي فتحت فكي
وفاكك رقبتك مليون فكي

شوف محاورتنا وقول من طق
التاني ودشرو والبضهر منطق
ما عندك بالعتابا وزن منطق

وانا بالشعر يا أستاذ شرشر
عرفت الشر أنو فبك شر شر
مني الذوق والأخلاق شرشر
وانت مشرشر بحكي السباااااااااب

[size]

[size=24]بضل كاسر راسك ولا تتحدا رب العتابا
وبعدان اذا مشدود الضهر بأبو شوقي أول ما تحاورنا سوى وما كان قليل الأخلاق متلك
وما شرشر بالعتابا العتابا يا حبوب معروفي لا تتفلسف خلينا نستلز بالشعر ومطرح البدك وساعة ما بدك ووين ما بدك جاهز عدلك الكرة وبعدان خلي الناس تحكم وعلي عامر بيعرف بأصول العتابا يعطي رأييو وقابل

من طرف **7arf** 1/8/2008, 1:40 am

بكفي مطرح البدك بكفي

النظر بعيونك بدربي بكف في

بطق كفوف يامعود بكفي

تبقى تاكل الضربة ع ضربة

قبلت الناس تاتحكم ع ضربي

النطق بالعدل مابيحكم ع ضر بي

حدد اي صفحة انت بدك

ياخالط صليبي بدبس بدك

وياهاجم ع لهب نيران بالدك

وبراكيني حمم لو قلت قِبي

تاشيد فوق وهجك كل قِبة

انا حرف المعاني وكل قَبة

وياما الدهر ع ضروفو عقبتو

وشنقتو وزردت حبلة ع قبتو

ومتل مالناسك بيسجد ع قبتو

سجدلي وقال تحت الامر قلي

ودخيلك ضعف هالشعار قلي

العم يشكوا بضعف الفكر قلة

وياما بحرفنا سيوفن فرضنا

وعلى خد الشمس نكتب فرضنا

وفرضنا عاود الكرة فرضنا

وبدو شيل راسو من محلو

ما حلو يهاجم معلم ماحلو

ومحلو المر كاساتو ماحلوا

ان إجا جاهل معو نسمةّ بُرودي

وشو بيعمل اذا شرقط بارودي

العتابا رصاص من طلقةّ بارودي

صارلي البكم فيها عام حكّي

وكتبتلا ان ببحرك عام حكي

سليمان انوضعتو ع محكي

التنك مابيطلع عيارو ذهب

***********************
حرف مابيكسر راسو غير اللي خلقوا بس الهيئة رقبتك
مفكوكة ومش قادر تقشع مين راسو مكسور واذا كان
بدو بعد تكرم عينك لا تخاف كفي بكسرلك الباقي هلق.

********************************************

2shraf

من طرف العقيد 1/8/2008, 4:09 am

جرار الشعر من نبعي ملينا.....الكل صحاب والإعدا ما لينا
لأنو من كرم الله مــــــالينا.......حب الكل عيلة والحباب

من طرف علي عامر 1/8/2008, 8:08 am

ي أهل الشعر بيكفّي عقدنا

نزيف وتفرح الكلمه ع قدنا

ولحتّى نقد كل غايه عقدنا

مجالس شعر وقناطر عقدنا

واذا منعقد بكل زوده عقدنا

حبال الشؤم تتلفلف ع قدنا

دخيلك يا حواري الروح غلّي

بقلب الشعر دمّو السعر غلّي

وي ريشة فكرتي بالأصل غلّي

ومع التجديد هاتي سبل غلّي

ومتى بروي من الأقدار غلّي

بشردة حلم دوّخ دني بعبره

وخضّب هـ المدى من الندي بعبره

وانا مجنون وغيومك بعبرا

وبإبرة سبك إبداعي بعبرا

وحلّي عن سما الإلهام خلفه

ت نتوحّد وبنت الشعر خلفه

تعطي من حنان الجرح خلفي

اقعدي يا خلفة الإخوان دخلك

انا جنوني بحدّ النار دخلك

ولو العدل بشموخو ناخ داخ لك

ما هو عدل رح يبقى تجنّي

على الإحساس وبوهمك تجنّي

وحتّى الشهد يا دنيه تجنّي

العدل عنّا نحن زنبق عتاب

من طرف **عمار البراضعي** 1/8/2008, 11:58 pm

حرف خيي وأبو شربل مِثلنا

بحنكةّ شعرنا وحكمةّ مَثـلـنا

وأمـــــام المحكمة لما مثلنا

إخوي العدل أنصفنا وكــتـَب

*********************
يعطيكم العافية وشكرا لكل من ساهم بهالموضوع

ردة حلوة

من طرف salomon 1/9/2008, 6:44 am

الحقيقة قول يا عمار من حاز
وبجولة شعرنا ما تكون منحاز

انت بالمنتدى مدير لتدير
أدنك للحكي الموضوع ل تدير

حرف محقوق بالموضوع قلو
اللي متلو بمنتدى الشعار قلو

وعلي عامر ما قال الحق سايرك
يا حرف المدعي مفكوك سيرك

وابو شوقي بيزاتو قال كلمات
حلوي وما استحى بالشعر كل مات

وانا من جهتي ما بفوت نصك
ولو بتبيعني بالشعر نصك

واللي ما مانتقد بالنقد خصك
ما خصك بالشعر والله ما خصك

عديم المعرفي والذوق مالك
ولولا الحس يا مغرور مالك

كنت فهمت قصدي بليل حالك
وبهوي واسعة كبيت حالك

خسرت بجولتي الضربات عللوك
لأنو لعلموك الشعر عا الوك
بعمرن يا حرف ما يوم علوك
ولأني بعرفك بالعلك علوك

نحنا بمنتدى ممنووووع أوكي
علك شكلس ما عنا غيير أوكي

الشكلس منقطع يا بو الشبااااااااااب
وهيدا منشان تعلك منيح وتشدق بنيعك أوكي
أو شكلس أو علك أوكي
Sorry

:a7rjtni]:

من طرف ابو شوقي 1/10/2008, 5:06 am

دخلت اليوم عساحة عليكم = غيوم الشر تتساقط عليكم
سليمان وزند يتمرجل علي كم = وعلى عمار ماقادر تحدى
وياريت بكون عاحدودا تحدا = وعسفرة بسن تا تبفوا طياب

من طرف **7arf** 1/10/2008, 10:26 pm

شوباك مصبح وماسي وقافي

الوقاية حرمتك بحربي وقا في

ولا تعلك تبلع الكلمة وقافي

ربعك ساندوني وكل ربعي

بأجرك لو قلت ياجراس ربّعي

واذا نصي طلبت بعطيك ربعي

كثير عليك ياممثل مشاهد

ولا تطلب شاهد وانت ماشاهد

إجاك الموت تاتبقى مُشاهد

ومدير المنتدى برضى بحِكمو

وعلي عامر وبو شوقي بحكّموا

حرف دكتور للمنبر بحَكّمو

بحكي التجريح لاغي طباع حدي

ويا أهل الفكر والذوق حِدي

بتحلم حلم تربح يوم حدي

بقلب إسبوعنا وأيام حدي

لأنو بصلتي بالشعر حدي

منها بكيت لو بتكون مارد

وغيري عنك بهالحرب ما رد

وكنت فضلت إبقى عليك ما رد

السكوت عليك من الجواب احلا

كلما وبرك البيهر أحلى

وحرف من الحلا بيضل أحلا

بيقدي بهورة قبالي بيقدي

ولا قدك صار يتشبه بقدي

انا جبال الدني امّوزر بقدة

ومنعت الشمس تبقى تغيب لما

نزلت أمثالك من الحرب لمى

بصوت نادي أبوها وصوت لما

تضب ولادها قررت إنزل

ع أرض المعمعة الإجرام إُنزِل

يعني بكفّن سليمان إن زل

وشقف أشلاء بحروبي بردو

كلما تطاول عليي بِردو

واذا المتلك خلف مني بردوا

مابرضى فيك كورس انت خلفي

ياشجرة يابسة بحراج خلفي

وتاعلِّم ع المنابر هيك خلفة

الوفا والمعرفة تقشع ع لمحك

ولا تنسى الحرف بقبالك علم حك

ولما عيارك وضعنا ع المحك

فضحنا المعدن وبانوا الصحاب

**************************
cheers

وشكرا على كلمة تتشدق يامذوق
ولوما حرف فاسخلك نياعك مابتقولا كنت .....

من طرف ابو شوقي 1/11/2008, 1:03 am

حرفك ياحرف العطر يتلاقى بحرفي= تحتى يشكلو امواج بحر في
وعلى سليمان لاقينني بحرفي = نسقي سهول ترويلو ورودو
بلطف الشاعر اغزيلو وردو = عا منح العفو اسعلو وراودو
تحتى يقول يا نفسي كفاكي = نظيف القلب والنيه كفكي
والثم للصلح من شهدك كفاكي= وعيون الشعر من بنعا نهلها
وليالي العيد عاهلالا نهلها = ونشرب قهوة المره بفنجانا نهلها
بيعوني الصلح تنجدد وفاقو = تايرجع للسهر ها النامو وفاقو
حبوب اللوز لو تحابو وفقو= انتعش بالقلب امالو وراحو
شربنا الكاس بجنونو وراحو = ساعات النحس لوفلو وراحو
عملت العيد للغايب قبلتو = بود وصدق عانقتو وقبلتو
عا وادي التيم ها النادي قبلتو= طراد يعود غالي عا الصحاب
***
ابو شوقي

من طرف علي عامر 1/11/2008, 1:28 am

مشرشر من عتابا طاب حدّو

حدّو غضب زهّر في ترابي

جمّر ع الأعادي سيف قاطع

من وعد اليقين بوفا قلبي

سفر بحراش طقسك إرتجالي

ومن بطشو ليالي السود حدّو

ولو يا عدل ع حسابي ترابي

أنا بشعري بحور العند قاطع

قلبت الدّهر شي مليون قلبه

ت ساجد صار دمعو إرتجا لي

شموخي ما بتعلا الشمس حدّو

شاعر ملك ع الدنيي ترا بي

من أرز النبوغ مروج ، قاطع

لهيك الحلم يا هـ القدر قل بي

ومن جرح ل بصدري إرت جالي

دوا مخمّر لغصّات العتاب

من طرف **7arf** 1/11/2008, 3:18 am

حرف باني قصيدو وكان بنّا

وأبو شربل وضعلو نقد بنا

ومافهمنا شو قصدك بعد بنا

علي عامر تايحكي الحق مُعنا

بهالشغلة انطلب مشهود معنا

ومعنا او علينا مهم معنى

تقول وحاجتك تشقع عتابا

فيها بلومك وزادت عِتابـــا

انكنت جمّال ومعلي عتابا

علّينا إلك للباب دخــلـــــو

ودَخلو اللي بيحكي بعدل دَخلو

ومتل الحرف ما سليمان دخلو

مابدنا تدوخ دخلك يابن عامر

أو تقلب حلا الأيام ع مر

وتابيت الشعر يبقى فيك عامر

قول الحق إبقى ولا تهاب

*************************
7arf

من طرف salomon 1/11/2008, 4:38 am

المرح بالشعر بعتبرو مرح روح
مرحت الدم لو شفتو مرح روح
وكرامة عين بو شوقي ما رح روح
.ويا حرف الموهبي بنبقا صحااااب
virus

من طرف ابو شوقي 1/11/2008, 5:49 pm

مادام الود بزهورو بيعود لك
وبذور الخير تمليها بعدلك
ياحرف الحكم يتقرر بعدلك
دخلت الصلح والصالح مسا لم
كرييم الصبح وضيوفك مسا لم
وفارس غار عا حربك ما سالم
بيارق عز ترفعها بحرفك
وبيوت تزين وبحورا بحر فك
القصيد تقول وتعدد بحرفك
عود اليوم تنجدد ماقد فات
ولاتعمل جو للعاذل مقادفات
بخيل يصير لوراقو مقد فت
عجب لوصار بحسابك ما جامع
وكلام الشعر يتسجل مجامع
وصلاة الفجر لوحدك ما جامع
ياحرف الموهبي الصاحب دعالك
ان كنت معيول باالنادي دا عالك
رسول يجول بالغربي داعي لك
على الله يعود نتلاقى صحاب

من طرف علي عامر 1/11/2008, 9:14 pm

ي دنيي سطوة الأقدار حدّي

انا شاعر جنون النار حدّي

وعلى اهل العتابا شهور حدّي

لأني برمّد نسور العتاب

من طرف salomon 1/11/2008, 9:44 pm

علي عامر كتب:
ي دنيي سطوة الأقدار حدّي

انا شاعر جنون النار حدّي

وعلى اهل العتابا شهور حدّي

لأني برمّد نسور العتاب

انا وعامر عملنا الشعر ملكي
وكويينا قلوب حرف وقال م لكي
ولأنو يا عتابا الشعر ملكي
ما بسمح لحرف خلع البواااااااب
raks

تعلم يا عزيزي كيف العتابا من ملوك العتابا
تسلم خيي علي

من طرف **7arf** 1/12/2008, 10:47 am

salomon كتب:
علي عامر كتب:
ي دنيي سطوة الأقدار حدّي

انا شاعر جنون النار حدّي

وعلى اهل العتابا شهور حدّي

لأني برمّد نسور العتاب

انا وعامر عملنا الشعر ملكي
وكويينا قلوب حرف وقال م لكي
ولأنو يا عتابا الشعر ملكي
ما بسمح لحرف خلع البواااااااب

تعلم يا عزيزي كيف العتابا من ملوك العتابا
تسلم خيي علي

------------------------------------------------------------------------------------

النسورة مارح بتعلى ع رفها

اذا ما قصايدي فكرك عرفها

وكتب المعرفة باقي ع رفها

قراها وعود تانجري الحساب

****************************

من طرف **7arf** 1/12/2008, 10:50 am

ابو شوقي كتب:
مادام الود بزهورو بيعود لك
وبذور الخير تمليها بعدلك
ياحرف الحكم يتقرر بعدلك
دخلت الصلح والصالح مسا لم
كرييم الصبح وضيوفك مسا لم
وفارس غار عا حربك ما سالم
بيارق عز ترفعها بحرفك
وبيوت تزين وبحورا بحر فك
القصيد تقول وتعدد بحرفك
عود اليوم تنجدد ماقد فات
ولاتعمل جو للعاذل مقادفات
بخيل يصير لوراقو مقد فت
عجب لوصار بحسابك ما جامع
وكلام الشعر يتسجل مجامع
وصلاة الفجر لوحدك ما جامع
ياحرف الموهبي الصاحب دعالك
ان كنت معيول باالنادي دا عالك
رسول يجول بالغربي داعي لك
على الله يعود نتلاقى صحاب

*******************************************************************

ياقاضي العدل في كل أنحاك

إلك بالصدق ثوب الحق إنحاك

وع عرشك ماقدر إنسان أنحاك

لأنك عادل بحكمك ومنصِف

ومع حكم العدل واقف ومنّصف

كبير مرفـّع بتبقى ومن صف

الكبار ومابتصغي لشخص أُمّي

جاهل واجبو مع هيك أمة

وقصدي واضح ومعروف أَمّي

عن بو شربل الحبيت حِقو

وقرش مقدوح مابيطلعش حقو

افتكر للشعر عم يوفيه حقو

بسكب مسطّل وعقلو مثلث

العرق كدو وشرب منو مثلث

العتابا كيف كاتبها ماثلث

بّيت للمي ومرشي معن دوش

ومافيي سامحو وإبقى ماعآندوش

البيدمو محمم وقافي ما عندوش

مابيسرح خيالو بغير علكة

وبحرب الحرف صار معتاد ع الكي

حاورتو وقلت يافكار علكي

معو بتتغيري وبيصير زلمي

لقيتو جاب منخل فيه زل مي

وعار كبير نادي عليه زلمي

ومع رماد الندم راجع مرمد

وبثمنيةّ علي عامر ما رم مد

وفلق ناطر شخص ع الدرب مر مد

الأفل نجمو وحرف طفّى بريقو

وع راسو حط زلومةّ بريقو

ورجعلي مبلكم وبالع بريقو

سقيتو السم من ريقو لعاب

*************************
7arf

من طرف **عمار البراضعي** 1/14/2008, 3:11 am

مافيي شخص ع شخص بدي

ولا فــرّق صليبي بدبس بدي

ومنكم يارفــــــاق الفكر بدي

العتابا ترفعوهـــــــا للسحاب

-------------------------------

من طرف salomon 1/14/2008, 9:35 pm

عتبت عليك يا عمار كفتا
ما فت وقلت لحرروف كف تا
نعمل بالعتابا صحون كفتا
وبلا البطيخ بنظم العتااااااااب
mna7ara

:salomon:

من طرف **عمار البراضعي** 1/14/2008, 9:53 pm

مازال عتبت ع رفيقك بحِق لك

العتب ع قد المحبة بحـــق لك

وحرف منعرفــــــو أرزة بحقلك

شو اللي صار تاتعادوا الصحاب

***********************
ta7iya

من طرف salomon 1/14/2008, 10:53 pm

حرف مغرور والمتلو ما لو شي
وبيوتو خدود عا كفوفي ملوشي
واذا بيعند بجبلو مالوشي
وبملش كل حباتو بأدااااااااااااااب
raks

من طرف **7arf** 1/15/2008, 2:12 am

ياحروف القوايا الضعف كشي

من الشعر و بوجّ طراد كشي

ياريتك بتبقى تبيع كشّـــِة

ولا تغلط مع حروف الأداب

*******************

من طرف salomon 1/15/2008, 3:16 am

النقدي بالتجارة حق ك الشاك
التلاعب بالعتابا موت ك الشك
وانا يا حرف جيت اليوم كشك
لأنك مدعي بفن العتاااااااب

virus

من طرف **7arf** 1/15/2008, 4:39 am

سليمان كلما الإيد صوبي مَد دِعي

بيعود جسمو بالخسارة مــــد ّ عَي

بيكفيك تتهم حرف شــاعر مدعي

وقدك ماشــايف مدعي بـيـــناتـنـا

**************************
حرف الموت ياما طــــق قدك

وبكل مواقفك بالشعــر قداك

فيك تكش طير دجـــــاج قدك

ومافيك تكش عملاق العتاب

*************************
harf

من طرف salomon 1/15/2008, 10:26 pm

[size=18]
بقلبي يا عتابا زرعت ودييييييييييييييك
الدجاجة بتشبهك باريش والدييييييييك
وعلى جهنم بعد ما روح ودييييييييييك
arkred[color=green]]
برجع بقتل اللي كان بعدك
ما قادر يحمل على الهجر بعدك
ولولا صرت بجهنم وبعدك
غشيم ومدعي بنظم العتاااااااااب
:wzzz:[/size]

من طرف **7arf** 1/15/2008, 11:03 pm

ياسمين حاجي تضعف وتعمل رجيم

شيطان شكلك صار وبتبقى رجــيـم

ومعروف حرف بساحتو الكافر رجيـم

بيرجم قوافي براجمات شعــــــارنـا

---------------------------------------
تركنا في فضا الإلهام ســاردين

سر الشعر نعمل متل سر دين

المتلك بعملو سمكات سردين

وبوضع لحم جســــمك بالعلب

*************************
7arf

من طرف salomon 1/16/2008, 12:01 am

علب سردين لا تهزي وعلب طون
الأصايل عز لا تاخد ع لبطون
وما برضا غير ما تزحف على بطون
وتطلب مغفر لرب العتاااااااب

2shraf

من طرف **7arf** 1/16/2008, 4:55 am

مش طون لو بتكون شي سمكة قرش
وع البر سعرك مارح بيطلع قرش
حرف بغاباتو السبع وعظامك قرش
وطلعت علكةة محشكي بسناننا
***
بيدّي المحدلة هيرت وزحاف
إحدل بيت شعرك قول وززز حاف
إحني انكنت رب الشعر وزحاف
مافي مغفرة بجز الرقاب

***********

من طرف salomon 1/16/2008, 5:22 am

الشعر بيطير منك لو عجبها
المقاوم روح الله لو ع جبها
القلم بحروف شعرك لو عجبها
ما كان من الحبر عبا الكتاااااااااااب

2shraf

خليك بالأشعار عا ال منبرشق
تا تصير شاعر عبقري من بر شق
ولو صرت فوق غيومنا من ب رشق

بتنزل متل شي نسر شك قبااااالنا
ردة حلوة

من طرف **7arf** 1/17/2008, 3:10 am

سليمان زرعك في غلالو شبرقة

دقـّت بروحك شوك عجّل شبرقة

وشو هم سبع اللي مزمجر شبرقة

ومشربطة ع بواب شهر شباطنا

************
على الموضوع يابن طراد ضَلك

يا أزنخ من سمك بالبحر ضِلك

جهلك بالشعر ع الدرب ظلَّك

وحرف الرجعك دربك الصواب

***************
لاتفكّر برحمك i7raj

من طرف salomon 1/17/2008, 4:11 am

[size=18]هربنا من جبل من خوف من خور
التلوج المتل راسك صار منخور
عندك سمك دم وطوووول منخور
اللي شافك قال يا محلا الغرااااااااب
virus

خشبة خلاصك هات حتى برييا
صاير مع الأيام انت بري يا
وما بشك سيفي فيك ألا بالرييا
وأنت بتعرف كيف حد سيوفنا
virus

صابك متل واحد بيقول لتاني قوم عني ل فرجيك هههههههههههههههههههههه[/size]

من طرف **7arf** 1/17/2008, 5:46 am

عيونك البيضا شفت صـارت بلقة لب

مارميت شخصك خوف وحدو بل قلب

جايي الريا تاتشك ؟ نـــاسي بالقلب

نحنا ذبحنا قلوب سودا بحرفنـــــــــا

***************************
بتمك شفت ياسليمان إن فك

لاتفــــكر بصلحة الحرب إنفـك

وتاتبطل طويــــل تشوف أنفك

لا توقــــــــف ع مرايا الأرتياب

***************************
مرقها ع غير مفرفك مناخيرك
هههههههههههههههههههه
7arf

من طرف علي عامر 1/29/2008, 1:25 am

عظيمه بيوت من رهجة تحدّي

ي ليالي من جروحا تحدّي

وانا اللي ترغلت شعري ت حدّي

صار الفجر يهدل بالعتاب

[/center]

من طرف salomon 7/22/2008, 10:07 pm

سألت الرب يا ربي ما حولي***اجا الشيطان بغيابي وعملها
وقصايد بكر من موقع محولي***وجروح القلب صار يكبر عملها
وانا بالشعر من اول محاولي***ما كنت ضعيف عم ابرم عا ملهى
ولأنو بالعتابا الوزن ملكي***وعملت القافيي عا العرش ملكة
تا صارت يدّنا بالشعر مالكي***كسرنا القاعدة تا تصير عادي
وحملنا طفلة الكلمات عا دي***الحنون وما قبلت بالكون عادي
ويا دلّو اللي هجاني بالعتاب

من طرف **7arf** 7/23/2008, 3:39 am

اذا سلــيـــــمان خطــينا بلا ي = صبح سلــمان مابيحــمل بلايـي
ياهاجم ع الحرب إوعـي بلايي = مافيـك تهاجم بدونـي لحــــــالك
لأنو بينتفوا بسرعة لِحــــــا لك = القاضي بمحكمةّ حرفــي لحـالك
غيري ماحدا بيهجي عــتــــــابا = وقصور العدل ناختــــلي عتـابا
الحرف ع القافية زوّد عتــــــابا = ووحدو بالحلا الأفكـــار جـمّال
بيغني الموهبة ولا يوم جم مال = وياذلو اللي عمل بالشعر جمـّال
اذا مابيرفع زيادة البواب
==========
حلووووو للشباب

من طرف **عمار البراضعي** 3/4/2012, 7:38 pm

ابتدى غروب الزجل يكشف عميلو
وجمهور العا مَيلو ومش ع مَيلـــو
لابدو قزام من سنـــــــتي ع مـيلة
ولابدي ينتقي عالم عُمــــــــــي لو

وانا ياشعر لو خنتك عـّــــــــمـيلي
عيوني والزجل كحّل ع ميلــــــــو
وكل خاين شفت نفسو عمــــــــيلة
عيونو ياكحل شعري عميـــــــــلو

الكنت للقلب عم حطو ع مـــــيلة
بعدني من قرب قلبو ع ميلـــــــو
ومن ميلي قصدت صوبو ع ميلي
بطّل يعجبو ميلي ولا هــــــــوي
بتعجبني بعد مـــــــــــرة عمايلو
=================