تجديد خواطر شوق !!!

من طرف **عمار البراضعي** 9/24/2008, 10:30 pm

هاجر حبيبي وياعين حاجي دموع = تتدحرجي ع خدود شاعر ألمـــعـي
كثر البكي بيعمي وبساعات رجوع = من وين بدك بعـــد ولفك تقشـــعـي
=============================

دموع الفرح خبّي القلب ضوِّي شموع = وبكل غيبةّ شمس أو شرق وطلوع
بمطرح ماكان وداعنا خلّي الولــــوع = ناطر ساعات الملتـقى بأغلا حبيب
يرجع معي يرجع معي يرجع معي
==============

ناطر ساعات الملتقى بأغلا حبيب = الأقرب من ضلوعي على قلبي قريب
حتى الصبر وجناحنا الثاني نجيب = الصبر عـــنـــــــو انقال مفتاح الفرج
بدها وعي بدها وعي بدها وعي
==============

الصبر عنو انـقـال مفتاح الفــــرج = والفارس بدرب الطـــــويلة ماعرج
ومهما الدمع ع خدودنا سوية كرج = بعد الشدايد في فرج ياعـــــيونـّــــا
لا تدمعي لا تدمعي لا تدمعي
==============

بعد الشدايد في فرج ياعـــــيونـّــا = تانلتقي وبالحب نـــــــوفي ديونـنـــا
وبيجمع الشعار ليل فـنــــــــــوننا = وبتندهي غيرك ماعم لاقــــــي حدا
يابراضعي يابراضعي يابراضعي
==============

وبتندهي غيرك ماعم لاقــــــي حدا = عـــــمّـر بيوتو وبالغزل لبى الندا
وشعرك ع زهـــرةّ حـبنا قطر الندى = وبضـل شعرك كل عمري بحسبو
وحدو كتابي بالحياة ومرجعي
============================