رد: شياطين وعمالقة المنتديات

من طرف بو علي حسن بنوت 2/29/2008, 6:59 am

[size=21]
سليمان لو بتكون شمس القافيه=عا منبري بخليك شمس القافيه
حاجي تخبـّص متل قرقه حافيه=الله لا يعطيك صحه وعافيه
حبوب الدوا ان كانت الك مش كافيه=منـّي أنا بعطيك وصفه شافيه
لو هجرت أحضان الحبيبه الدافيه=وما عطيتها من الحب جرعه وافيه
عا محل تاني رح بتبقى لافيه=وتشوفها مطرح ما بدهاغافيه
مسلم مسيحي فروضنا مش خافيه=بصوم وصلا أهدافنا متكافيه
ما منكسب بهالعمر رحمة ربنا=الا اذا عطينا النوايا صافيه

+++++++++++++++++++++++++++++++++
+++++++++++++++++++++++++++++++++

ودوا الحروف الجازمه والنافيه=وشوفو القصيدة روح خصمي نافيه

وبحور شعري البلمعاني طافيه=رح تقشعو جهنم الحمرا طافيه
[/size]

من طرف salomon 3/1/2008, 5:53 am

يا بو علي ان ما خدت بوّسي بإحتيال****بيضل عشقك ولدني ولعبة عيال
العطيوك بوسي مايعة عنهن سآل****هودي هدفهم ياخدوا منّك المال

حتى اذا بتروح تحكي بإحتفال****ان ما خدت دورك صرت صفر على الشمال
ولمّا بجنوب بلادنا تفجّر بلال****خدنا التعازي للصليب وللهلال

واللي عطونا مساعدة وكاانوا قلال****أخدوا ضمانة ..؟بصرفها عا كل حال
اليّهود عطيوا المال يا إبن الحلال****وباعو الأراضي بفلس أنصاف الرجال

لمّا عطى بلفور وعدو مين قال****بنخسر معارك عا الورق من دون قتال
ولوما وعد بلفور يا مستر حسن ****ما صارت فلسطين تحت الأحتلال

اعادة
ان رحت صوب ضياعنا تطلب جمال****يا بو علي مجبور تاخد بالحلال
العطيوك حبة ضغط...!!!قالولك عقال****سليمان يا جلبوط رب الأرتجال
وكف شكل معنا جيت تتسلق جبال****وعا جعفر المحقون لاقي الأتكال

من طرف بو علي حسن بنوت 3/3/2008, 12:16 pm

آدم ما كان الاحتيال بنيتو=يوم للي خالف ربنا ووصيتو
لوما أخد حيلة بليس وحيتو=ما نزلت اللعنه على ذريتو
جنوبي وفلسطيني سلاحك زيتو=كتر الحكي مش رح بيحيي ميتو
شعبك تا يتباها بدمقراطيتو=لازم يحقق بالعطا امنيتو
حرية الانسان في نفسيتو=هديه من الخالق ما أغلى هديتو
خليك متل الطير في بريتو=عم ترقص الاغصان عا غنيتو
وابنك لحتى يحس برجوليتو=ويصير قدو قد مسوؤليتو
أعطيه حرية قرارو بالحياة=ولا تعيشو محروم من حريتو

اعاده
مين البصدّق هالصبي وخبريتو=الله يجازي الحطني بسويتو
قدّام سيف الشعر وبطوليتو=جايي اخينا يلولح بشبريتو
بالاول فرحنا كتير بجيتو=رجعنا وقلنا جيتو ولا جيتو
[/size]

[/size][/i][/b][/center]

من طرف salomon 3/5/2008, 10:21 pm

بلّشت تحكي بالنظام العائلي***أخد وعطا هيك الحياة مبادلي
حريّة ولادك لا تعطي كاملي***ماالبنت لمّا تعيش حرّة مشكلي
يمكن بعمر زغير تطلع حاملي***يمّا بقلب صندوق موت محمّلي
وها الجيّة الشمّيتها من معااملي***ريحة عرق من كف يد العاملة
وعا معاملي تا تفوت جيب معاملة***أعطي الأمانة وخووود أحلا معاملي
ونفسك إذا للفرفشي مش قابلي***يا بو علي معليـــــش دشّرها إلي
ولمّا بهيفا بنلتقي وبنختلي***ونطلب سوى شنبّانيا عا الطاولي
أدفع مصاري إنت يا كفوف العطا ***وباخد أنا البوسات شكرا بو علي

إعادة

يا بو علي ممنوع حدي تعتلي***إلا الرضا ما تاخدو بها المسألي
شوف البوارج كول كيف محمّلي***ولولا انعطت خمسين ألف مقاتلة
إلا ما ناخد حقّنا وبالمرجلي***وبوش العطاها ضو أخضر...؟للبلي
وأولمر عطا بتموز للأسرائلي***ألفين قطعة ميركافا وقنبلي
جيشو أخد درس ومزلّي وبهدلي***وبعدو لهلـــق بالهزايم مبتلي

من طرف بو علي حسن بنوت 3/9/2008, 2:31 pm

كانت مروج الزهر ملياني حلا=وتقول للنحله بكرمها يا هلا

تاخد النحله وتسرح بهاك الفلا=وحق العطا مهضوم والشهد انتلا

والأم بحر من العطا وقلب انسلا=منها أخدنا عطف أغلى من الغلا

بين الأخد وللي عطا منـّو إلى=إن قلتلك العاطي القوي قلـّي مبلا

في سر في هالكون لازم ينجلا=سر الحياة من روح الله البلعلى

هيدي عطا منها أخد افهم ولا=وحاجي بهيفا ونانسي تلعب كلا

يا كافر بشرع العطا جاوب على=كم في ولد عندك ان سألوك الملا

رد بأخدت وما عطاني ربنا=ومن بعدها خود المصيبه والبلا

من طرف salomon 3/12/2008, 10:50 pm

بما أنو الشاعر بو علي ما بيحب الأربعة والقصايد الزغيري رح نتخطى القاعدة ونزيد القصيدة بناء على طلب المشاهدين

قصيد
نحتي يا كفوف بصخور المعاني***ومن الألهام شيلي يا غناني
انا عملاق شعري فوق منبر***بطحت الزلم عا منابر زماني

انا بالمنتدى عيّنت محضر****عزمت ملوك شعريي بأماني
وأخدتك صح يا بنوت تحضر***الشغل مش عيب تا تضيّف صواني

انت يا بوعلي بالعشق أفقر***عطيّت المال ما بتاخد مجاني
وانا اللي عشت كل العمر أزعر****خدت بوسات بمحل الفلاني

انا يا منتدى الشعر المقطّر****ما بقبل بالزجل أعطي مكاني
خدت حقّي بايدي وكنت مجبر***لأنو الزل بعتبرو جباني

العطونا مساعدة فيهن بنكبر***ما دفعو المال تا أخدو ضماني
العتب علّي عطانا وما استفسر****تا ضاع المال من قلب الخزاني

انت بوش العطانا شرق أخطر***تا ياخد عمرنا بعد الخياني
عطانا سلاح حربي وجاب عسكر***وقصف أطفالنا تحت المباني

يا عاطي كوندليزا ريس أكتر***ما عاطي للوطن حب وأمانة
خدت بوسات منها يا مشحتر***وأوامر من دول سبعة تماني

أنا الرب الأخد روحك مسوكر***عا نار مأججي عا كون فاني
وأنت عاطي السكارة خمر تسكر***عا كاسي فاضيي وبطحة ملاني

انت عاطي الجباني حدود أكتر****ما أخد بالشجاعة وبالمتاني
أخدت السيف من زين الموقر****ومن الزغلول عم تشحد أغناني

ويا بن بنوت لكفوفي تحضّر***وأنت يا براضعي تقبّل تهاني
ويا جعفر أحمل رفيقك مكسّر***خدو عا محل عم يطلب أعاني

أنا الجهد الأخد نملي عا بيدر***تا تجمع غلّة العمر بتفاني
وأنت زيز المنابر رحت تبطر***بشهر كانون تستحلي الزواني

ببربيتا كنت راهب معتر***ويا ريتك كنت تفهم بالدياني
وهب الريح مع هولو تزكر***ركعتو نصب عا قزاز القناني

وبمشتاوي كنت مشرف وأخبر ***بشاعر غلّط بحقي وهجاني
جبرتو يختفي وما يعود يظهر***ومتل شي بوم ينعق بالقراني

وأخونا جعفر الأخد مخدر***تكي عامنبرو بأربع ثواني
البنج خلّاه كل الليل يشخر***عا جرحو يعض جعفر مرجلاني

وأبو الطيّب صديقي وعا المسنجر***بعتلي وقال قلّو عن لساني
دخيلك ضل أسرق شعر أكتر***الدهب منقول عا صدور الغواني

أنامقاوم أخد حالو وتفجر***مع اليهود وما برضا الأهاني
يا مستر بوعلي لو كنت عنتر ***انا رح ضل عملاق المنابر
وانت شيطان بوش الأمركاني

من طرف بو علي حسن بنوت 3/18/2008, 5:23 am

يا شعّـار القلم والارتجالي=اسمعوني وسجّلولي هالمقالي
اذا شي فرخ بعدو مش مريش=ضروري تبعتوه على مجالي
أنا النسر القراني الكون نبـّش =وطبع جنحو عا خد الشمس هالي
وطموحي عاسما الالهام عربش=تا أعطي متل ما بيخطر عا بالي

على عرش الزجل قاعد مفرفش=دلال القيصريه من دلالي
لبست التاج والتوب المزركش=وجواري عن يميني وعن شمالي
حكمت اهل المعنى حكم قرقش=بحدين الرجوله والعدالي
وبشعري فتحت للتاريخ منبش=عطا حق المعارض والموالي

يا إبن طراد روّق حاج تطحش=ببوش وكندليزا وهالزبالي
لانو قبرك بإيدك بتبحش=اذا بتاخد زواريب العمالي
الاجا بحبر السلام وراق خرطش=وقبض حق الخيانه بكنبيالي
بعكس العا حدودو سلاح خرطش=ودفع حق الشهاده دم غالي

يا جايي وقاصد المشتى محشش=وعامل ازعري وواقف قبالي
دعايه اخدتها منـّي تبخشش=عطيتك من نبوغي ومن كمالي
وكنت من قبلها صاخن مدشش=ببره بيتا وعمتـّرشق جهالي
اجا الراهب عطاك علاج انعش=حياتك تا صرت متل الغزالي

انا لما العطا بهالكون بلش=رحت أعطي وأعطي لا مبالي
بعذابي ولوعة الشمع الملوش=عطيت النور تا فرحو الليالي
وبعد ما الفجر منـّي نجوم حوّش=وبدمعات الندي بلش يلالي
عطيتو عطر نسمه ولحن وشوش=عصافير البراري والحقالي

يا آخد عين أعمى وأدن أطرش=الاخد من دون عطا سرقه وكسالي
لازم تقعد مربـّط مكلبش=بقلب الحبس يا لص الشمالي
كفا بأخدك حقوق الناس تنهش=افتح الانجيل واقرا هالرسالي
عطيتك من يميني يا مدروش=ولحد اليوم ما عرفت شمالي

يا عملاق البصباطك مفركش=وعن عمـّار جايي بالوكالي
بعيون مفنجره وشعر المنكش=وبطول القد فزّعت الاهالي
يعني انقشعك المرحوم حنكش=بهالمنخار بيقلك يا خالي
لازم تلبس الفستان كشكش=وتربح جايزة عرض الجمالي

يا عملاق المنابر يا مفوفش=شد واطلع وعلـّي السقالي
تا وديلك مع النمرود برغش=بقلب راسك يغنيلك يا لالي

شو بدك بعد يا عقل المطمش=شو بدك بعد قدملك لآلي
عطيتك عدل كسرى ومجد قورش=عطيتك فلسفة ابن الغزالي
عطيتك شعر كل الناس أدهش=عطيتك كل مالي وراسمالي
وشو ما عطيتك بتبقى مخشخش=وعا كتفك ناتع جراب الشحاده
تا تاخد فلس من حضرة الوالي

من طرف salomon 3/20/2008, 6:58 am

بما أنو الشاعر بوعلي بيحب القصايد الطويلة عند رغبتو لبعد حيفا

يا عشّاق المعنى أحترامي***أجا البّلوط يسأل عا القرامي
أنا سليمان أبن طراد أسمع ***الما أخد الحق ما بيعطي الكرامي

سمعت منّك كلام وعيب يطلع***عن لسانك حكي مش من مقامي
واذا تفركشت مش معقول أوقع***لأني بالزجل شادد حزامي

اذا بتكون قاسي بكون مقلع***وبغير الصدر ما بشكشك سهامي
واذا بتكون وردة وعرق نعنع***لغير الزهر ما بفتّق كمامي

يا جايي تقول بالأشعار قلّع ***ضراسك صحح بقرط القضامي
أنت عاطي الشهيّة وما بتشبع***لأنك صرت بالشّهر الوحامي

وعن المرحوم حنكش حاج تشقع***أسامي باليّي بقصد التعامي
اللي جبرك عا البحص بالليل تركع ****قدير يعلّمك فعل الندامي

أنا الريح الأذا بتاخد بتشلع***جناح النسر وجناح الحمامي
أخدت الغيم رحلة وصرت أجمع***أنين الأرض ودموع الغمامي

أنا الأزعر أخد هيفا وما رجّع***ل وج الصبح تا شبّع هيامي
وأنت ليل العطانا وما استمتع***بنور الشمع عا فراش الغرامي

أنا معتاد عا الطرقات أسرع***وعلى الصيصان ما بيشحط فرامي
توقّا الحالك وأياك تقطع ***لأني قاطع على زفت حامي

واذا عا منبري روحك بتدفع***عا بيتك مش رح تعود بسلامي
وما بعطيك الأماني يا منعنع***تا شوفك بالزجل راكع أمامي

فتحت أنجيلنا وبلّشت اقشع***دروب الجلجلة ويسوع دامي
شفت جلاد يهودي مقنعّ***عطاه الخل لمّا كان ظامي

وانت لوما بجنسيّة بتطمع***وتا تاخد بنشنك يا بو الشهامي
ما كنت نهار بالغربي بتقنع*** ولا بتدفع ضريبي او غرامي

أخدتك للعلا منشان تطلع***لقيتك للأسف ...؟ فاهم كلامي
ولا تعطيني مبرر يا مدلع***تا أخلع باطك وأسحب حسامي

واذا جعفر أخد بيت وتربّع***عا عرش الموهبي وقالو حرامي
تركو بحياة الله الشعر أرفع***ولا توقف عن ابو الطيّب محامي

انا وعمّار دبّابة ومدفع***قصفنا عمرك بفصل الختامي
وسفقنا الغيم قتلة الليل فرقع***وحرقنا بالشعر أضخم أسامي

أنت كوسا انحشّيت برز أرفع***أخدتك عا الغدا وبعرف دوامي
وانا ما باكل الكوسا مسقّع***بقرن فليفلي بفلفل طعامي

انا الكف الأخد وجهك ووجّع***لأنو خدودك بتعطي النعامي
انا مش راجح ولا تظن بدمع***وعا كلمة أربعة بقوم القيامي

واذا بتصير تعطي كنوز تلمع***ما ممكن يوم عيرك أهتمامي
ولولا بدينّا قتلك مشرّع***كنت روحك اخدتا بلا ملامي

انت تشتوش منبر ما بتطلع***لكاحل شاعر وضعك درامي
وانا عملاق منبر خدت موقع***من الشعّار بالصف الأمامي

ويا فاشل بعد ها الملقى توقّع***قصايد غير نقشة وغير خامي
وبمشتانا ما فيك الراس ترفع***لأنو كل عشّاق المعنى
ما عطيو لغير سلمان الزعااامي