حالة صعبة !

من طرف **عمار البراضعي** 1/25/2008, 10:57 pm

يارفاقتي بدروب المستقيمة

عذروني حالتي صارت عديمي

بهالفترة اذا ماوفيت ديني

لأنو موطني جروحو أليمة

بعرف وينكم انتوا . وويني

وصميم شعوركم ذاتو صميمي

الفرق مابينكم واضح وبيني

إنتوا بعاد عن أرض الجريمة

إنتوا بتسمعوا النشرة بذينة

وقلبي بينوجع ضايع غريمي

وكلما استشهدوا قدام عيني

القلق سلطن على شعوري الرقيقة

وفكري تشتت بحزن اليتيمة

****************************
لبناني

من طرف salomon 1/26/2008, 12:39 am

نيال قلبك أقرب علل الجرح
وما تكون خلف النار متكووى
اللي عاش برا بيحسد الجوى
وأدم بزاتو بجنتو ما فرح
تا شال ضلعو وقدمو الحوا

ردة حلوة

من طرف **7arf** 1/26/2008, 4:28 am

تفاح لبناني,
وإلو رنة ...
من أرض ميروبا ,
وعين زبدة ...
وحولو بتسمع
مدفع ولبدة ..
ونغمة قنابل
كيف بتغني ...
أو إنفجار بكل ,
مفرق درب .
نحنا وعينا,
بجيلنا ع الحرب ...
لا تواخذونا !!!!
بالشرق والغرب ..
شو ذنبنا ممنوع !
نبقى سرب.
حاجي مذاهب ,
بعضنا نكني ......
حوا بغلطها !!!!
اعترفت بهالناح ..
وبّأكلةّ التفاح ,
دمعة ناح.......
ونحنا منعنا .
بموطني السواح ,
ومن دون مانآكل ,
سوا التفاح ...
رضوان ع لبنان ,
فينا صاح !!!!!!!!!!!!!
لاترحلو ,
لبنانكم جنة .....

من طرف salomon 1/27/2008, 10:07 pm

يا ريت يا زلزال!!!!!!!
تمسحنا
وما يضل عنا قلوب....؟
فيها حجار
دموع السما
ال مدهبي
بالنار!!!!!
تشلح
عتم!!!
يضوي
مطارحنا
ويشيل عنا الهم
غبرة عار!!!!!!

رائع

من طرف **عمار البراضعي** 1/28/2008, 2:40 am

طقت الريشة ..

حزن !!!!

وانسل الوتر

وماضل عنا ... ؟

عزف إنشودة

صارت ...

دروب

السلم ....

مسدودة .

وبكي القمر !!!!

نط القلم

حالو كسر

وخفنا الورق

تايضل

أجرودي

************

من طرف علي عامر 1/30/2008, 3:06 am

أخي المبدع عمّار

الله يسلّم هـ الايدين

تحيّاتي والله يديم لبنان

لبنان الشعر والحلا

حالة صعبة !

حالة صعبة !

رد: حالة صعبة !

رد: حالة صعبة !

رد: حالة صعبة !

رد: حالة صعبة !

رد: حالة صعبة !