منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================

منتديات الزجل اللبناني الشاعر: عمار البراضعي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

حنّي ع الشعر

اذهب الى الأسفل

حنّي ع الشعر Empty حنّي ع الشعر

مُساهمة من طرف علي عامر في 1/30/2008, 4:53 am


اسكبي يا جرّة الأحلام مرّه * كاسات ل ما تكون كتير مُرّه

لأنّو جرح قلب الشعر دامي * صرلو عمر يحلم بالمسرّه

دخيلك عن ضمير وإستقامه * حامي بنخوتك من روح حُرّه

وعن طيبة جنونو بعد حامي * بسرّ العاطفه هـ المستقرّه

همّ الشعر والله كتير حامي * متل جمر اللي بجهنّم تعرّا

ي جنينة أمل والمجد سامي * حنّي ع الشعر بظروف حرّه

الألم بخواصر الكلمات نامي * القوافي كتير تعبو بثقل صرّه

لهيك بروب أحلى وفا نامي * ع صدرو وازرعي من الخير ذرّه

الشعر من شردة الإخلاص رامي * عدلو سهم لبّ الظلم عرّا

موسيقه الشعر ع وتار الشهامه * لحن حسّاس جوّ القهر طرّا

وسهد بيعرق لأجل الكرامه * حنين بتاج عرش الطّهر درّه

ولأنّو المجتمع ضدّ السلامه * وبحدّو أهل نبل الأدب برّا

استقبل غدر طعنات التعامي * الشعر والحظ أعظم جرم برّا

مسكين الشعر دوم الملامه * ع همّو حبال تزرد مستمرّه

ت تسجن خاطرو بين القرامي * بجرد النار عا أشوك أسرّه

وانا شاعر من الدنيا مرامي * التجنّي يشيب وتذوب المضرّه

وبعد م تروق لوعاتي مدامي * بفرحي إجرعو حتّى ي جرّه

تشلّ الجهل نوبات الندامه * ويعلى الشعر بجناح الحمامه

بفضلك عا جبين الشمس غرّه

علي عامر
علي عامر
شاعر

عدد الرسائل : 320
العمر : 36
تاريخ التسجيل : 04/08/2007

http://www.paperstan.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى