ممنوع السفر

من طرف salomon 2/20/2008, 11:26 pm

لبنان قلعة صامدة بوج القدر
عاش الأزل عا سوارها وفيها افتخر
وشاف الدني من طاقة البرج الجميل!!!!!
صورة زغيري ومنّها معرض صور
أنت وطن جبّار وبنعطي دليل
قلعة بعلبك شامخة لفوق القمر
ومسيلحة طلّت قمر من مية ميل
طلّت عروس المجد بليالي السمر
وصنين شب لحد الله مش قليل
متل الفواكي الما شبع منها النظر
والأرز فرّخ هون من مليون جيل
ورغم العواصف غصن أرزة ما انكسر
لكن العلّي الحرب شو دمّو تقيل
فرفط شعب لبنان تا هجّ وهجر
وحتى العبيد بموطني الحر الجليل
ملكوا الديار ودار زمّور الخطر
الجبّار بالمتراس دمّو عم يسيل
وما كلّ كل المعركي حتى انتصر
هون البطولي ومنبت الشعب الأصيل
وألا عا صخر الصم ما تعمّر حجر
لازم وجود الظلم من عنّا نشيل
ونشرّد المحتّل ما انخلّي نفر
ولازم يكون الحد ممنوع الرحيل
ونرّجع الغياب عا دنيا السلام
ونحّط بالدّستور ممنوع السفر