جولة غزل حرف وعمار

يا حرف محاورتنا بس تكفّي
بزيدك شاعريي بس تكفّي
بعركي من عتابا بست كفّي
وشفافك ما نسو طعم التراب
هههههههههههههه

هلا بعمار بتشوش بس تفل
كأنو المرج متعلّق بست فل
وقصيدك كل ما ب بووسو بست فل
وطعم ابياتك بأجمل عتاب

هههههههههه هلا

يا حرّوفي نصيحة بست ترجلّي
ويا صخر الصم اجمد بس ترج لي
وما زالك هيك انتي بست رجلي
تا قلّك كيف بيطقو العتاب

هههههههههههه حشاك خيي حرف بس بالشعر مسموح

اذا عمار قابل بس تعيّنو
وزير وخود منّي بستعينو
ومازالو رفيق عمري بست عينو
وانت ما في ألك غير السباب

خخخحهههههههههههههه لك روووووووح تعلم الذوق

يا أمجد ليش حرفك بس تقلّو
رهيب ومتل سومّن بس تقلّوا
رجف من شعر سلّو بس تقلّو
ولهلق ما بيفهم بالعتاب
هههههههههههههههههههههههههههههههههه

قصيدي جن حرفك بس تليّتو
خاروف الشعر عيبك بست ليّتو
وانا بالشعر أكلة بستليتوpastelito
وقصيدي رغيف لعيون لحباب

اكيد مش رح تعرف كلمة بستليتو فيك تسأل عمار عاش بالبرازيل
البستليتو فطيرة هون بيقولوها بالسنبنيولي
ههههههههههههههههههههههههه

انا يا بو أسامة بستحبك
يا سلسال القصيدة بست حبك
وشبيبة منتدانا بس تحبك
اكيدي في لها ذوق وأدب

تعلم يا حرّوف كيف الذوق والأخلاق والشعر الراقي هخهههههه

يا حرف الجر بفرح بس تفلفل
عصير الشعر دقتو وبست فل فل
وانا برتاح بفرح بس تفلفل
لأني بشلفطك يا بو الشباب

خود حبتين ضغط ولا تلعب بالنار وبطلب من الصديق عمار يهديك شريط راغب علامة لا تلعب بالنار بتحرق صابيعك او بينفّك نيعك ههههههههههههههههههههههههههههههههههههههههههههههههههههههه

عرفت عمار دعمك بس تكلتك
ما رح بتفيديمكن بس تا كلّتك
بصحني تصير اكلة وبستا كلتك
وما رح بتخلّص بطق الرقاب

حبيبي البستا بالسبنيولي معناتا معكرونة ويا عيني عا صحن بستا حروف حروف هخههههههههههههههههههههههههههههههههههههه