منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================

منتديات الزجل اللبناني الشاعر: عمار البراضعي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

جولة قرادي بحفلة حبوب

اذهب الى الأسفل

جولة قرادي بحفلة حبوب Empty جولة قرادي بحفلة حبوب

مُساهمة من طرف 7arf في 2/7/2010, 11:55 pm

مرحبا للجميع اليوم رح تقروا كم بيت من حفلة حبوب الحفلة التي ضمت
جوق الزغلول (جوزيف الهاشم وزين شعيب والياس خليل )
وجوقة القلعة (موسى زغيب أسعد سعيد إدوار حرب)

جولة القرادي

زين :
بأرض حبوب المنحبة ********عملو من الحبة قبة
وجايي الليلة نسر الفن ******* ينقودهن حبة حبة
=========================

موسى فوق جبال الطور********* كان يناجي وحي الغيب
لي صلّى عاجبال النور ******* مش أنور من موسى زغيب

لتارك كرمو بلا ناطور ********ليبياكل منو مش عيب
ملك النحلةو الدبور ******** وملك لي بيضرب عن صيب
ومن بيدر موسى المذكور**** لما بيشبع نسر شعيب
بكلف زغلول الدامور ********يجمع ولياس يعبي
==========================

موسى :

بدك تحكي وما خلوك *********** محبين زغيب الأبرار
وعاذكر النور المبروك *********** إنت الأنور من نوار

طلبت رفاقك تايعينوك***************بتنقاية حب الأفكار
علقتو بين تلاتة ملوك ************* زغلول وديكين صغار
ومن بيدر موسى المبروك ********** المفضل عاكل الشعار
ياما نسور وياما ديوك ************* وياما زغاليل مربي
=============================

زين شعيب :

يا مربي طير وطيرين***********من المسرح وسلاطينو
ربي وأبي على جناحين******** زغاليلو وحساسينو
لكن لما بتقششع زين ********* قبالك معقود جبينو
إركع عا جريك التنتين *********** ونادي عفوك يا ربي

بعيد الردة على نوعين ************للشعر ومستمعينو
وجايي إزرع رمح الزين *********** الليلة برقبة تنينو
===============================

موسى زغيب :
مع موسى غير الزغلول **********ما فيك تسوكر ربحك
وتا إركعلك مش معقول ********** لكن تا عتم صبحك
بركع عا صدرك وبأول ************ سبحان محلل دبحك
وبخلي السيف المسلول ******** يفكلك زر الأبةِ

انكنك بحر بعرض وطول ********* داعيك بلحظة سبحك
انكنو شبحك متل الغول ******** الليلة بمحيلك شبحك
=============================
منقول


عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
7arf
7arf
admin

عدد الرسائل : 1125
العمر : 53
تاريخ التسجيل : 01/11/2006

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى