أهلا بالصديق والشاعر سمير شرف الدين

يا نور الشمس أطلع من تيابي***تا ضوّي عتبة الموقع رحابي
سمير اللي دخل موقع زجلنا***ألو تقدير شاعر أغترابي

يا أبن الدين بالموقع أملنا***وجودك هون ما يبقا سحابة
انا وعمّار قررنا وعملنا ***الزجل عا النت للجيل الشبابي

قطعنا مرحلة مهمّه اووصلنا***لمطرح ما ألو عنّا اجابي
وبخيط الموهبة الألفة وصلنا***ومع الغيّاب فضيّنا الخوابي

يمكن عن بعض اشيا غفلنا***وتركنا المنبر لحقنا الكتابة
لانّو نبيع كلمة ما قبلنا***وبسوق الكذب فضّلنا الأهابي

وتا يدخل جن مطرح ما دخلنا***انا وعمّار أو حضرة جنابي
بدو يكون طالع من جملنا***جن الأزرق ومير الشهّابي

نحنا يا سمير الذوق جلنا***عا غير مواقع بقوّة وصلابي
لا كانوا يحملونا ولا قبلنا***نحمل ضعف شعّار المعنى
لها الأسباب عم يحكوا بغيابي

***********
تفضّل عا موقع في ألو رهجي***وخلّي السعادة تغمرو ب بهجة
معروف عنّي شاعر وموهوب***ونهج البلاغة والأدب نهجي

ياما يا ابن الدين طقّوا قلوب***حنّة وسميرة وفاطمة ورهجه
انتا علينا بالزجل محسوب***لا تخاف من كلمات بو شربل
ألا بوردة حب ما بيهجي
*********
ملوك المنبر يا محبّين***فيهم نكهة شعريي
الموقع شعشع يا بن الدين***من الكلمات السحريّي
**********

يا هلا فيك

تمالك يا قلبي وطق ابيات الجمال***وخبّي الحلا والدر قدّام الخيال
قديّش عشنا الذل بعد الأحتلال***وراح الخيال يجيب صورة من الزوال
بس الشرف والدين بقيوا بها المجال***متل الخميرة الصالحة العملت رجال
وبالمنتدى بقيت خميرة بالزجل***منها ملوك الفن عم تعجن حلال