ترحيب بالصديق أحمد الصميلي

من طرف **عمار البراضعي** 5/9/2011, 9:18 pm

أوووف ياميجنا وياميجنا وياميجنا
منوّر يا أحمــد في وجودك بيننا

عمار أصحابك عادربك حبّــِـها
بأيّا قوافي تحب تبذر حَـبــَــــها
وأحمد لأنو للعتابا حبّــــــــــَـها
الترحيب حطينا عتابا وميجنــــا

* * * * * * * * * *
قبل المواقــــع انت فتت قلوبنا

التمني ماسمعت عمرو سلي لو
ولا في قراب عم ينســـى سليلو
وعمـر مرة انحدر شاعر سليلو
تخــــــي ياسـما وبوسي التراب

* * * * * * * * * *

من طرف أحمد الصميلي 5/10/2011, 2:35 pm

بتشكر لطفك حبيب القلب استاذ عمار ، وانشالله اني كون مستاهل !

على باب الكرم لما طرقنا---
حنينا حنو بعتابو طرقــــــنا ---
ويا عمار الوفا عبّد طرقنا ---
حبى قلبي على دروب الحباب !

بنغماتك طيور الحب سليت
وبساحات الوغى الأخصام سليت
وكلما بالفرح هالسيف سليت
عمر مرة بحورب بالتراب !

[b]

من طرف **عمار البراضعي** 5/11/2011, 1:21 am

أهلا وسهلا خيي أحمد وانت بتستاهل أكثر من هيك بكثير
وبيكفينا انك من ريحة المرحوم الشاعر الكبير والصديق
عمر مرة الصميلي الذي تعرفت عليه بأواخر ايامه وبعمر91 سنة
والشهادة امانة كان بحر هائج بالارتجال ومن كبار الشعراء النادرين
رحمه الله وعوضنا بسلامتكم.
* * * * * * * * * * * * * * * * * * * * *

الأفـــاضل بالدني إلهـــم مقامات
على عود القدر عزفوا مقامــات
واذا الأفكار بالواجب ما قـــامت
جبرتك ياوحــــــــي بّرد الجواب

* * * * * * * * * * *

عمر مرّة قمر بالنـــــور مــــرّا
ومن مصبّو حلي الفنجان مــــرة
الرحمة عاترابــــــو ألف مــــرة
لأنو محج من غنى عتــــــــــاب

* * * * * * * * * * *

ثوابك يامحـــبة أجـــــر. فيهــــــا
الحواجز عن دروبك إجرفيــــــها
الصويري حلفت إدعس إجِر فيها
قبل مايرجعوا عليها الصحـــــاب

* * * * * * * * * * *
تحياتي خيي أحمد وترجع بخير وسلامة نشالله

ترحيب بالصديق أحمد الصميلي

ترحيب بالصديق أحمد الصميلي

رد: ترحيب بالصديق أحمد الصميلي

رد: ترحيب بالصديق أحمد الصميلي