منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================

منتديات الزجل اللبناني الشاعر: عمار البراضعي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

حوار قصير مع الشاعر ربيع

اذهب الى الأسفل

حوار قصير مع الشاعر ربيع Empty حوار قصير مع الشاعر ربيع

مُساهمة من طرف امير في 5/1/2009, 10:38 pm


حوار قصير تم منذ شهور في منتدى الجولان
مع الشاعر ربيع وصقر

صقر:

من الكرمل طل صقر الموهبه------شمس وقمر خلفي الكواكب موكبي
سارج الدهر مطبعو في ملعبي------وبجوانحي محاصر الريح الغاضبه
ويا شعًِّّار تحصني وتأهبي ---------- الصقر حايم في جحورك اختبي
بحيث الصقر لو غف من سابع سما----------بمخالبو لا بد تعلق ارنبه

ربيع:

معليش يا صقور روحك جانيه --------وعا رمل شط لوهم عمره بانيي
عمار بيك الشعر عندو بثانيه--------------خلا بيوتك بالمعنى قانيي
ومازال روحك عموقعنا دانيه ------------حملت خطيه بالتهجم جانيه
معليش بس سباع عنا بتنوجد ------------شفلك ارانب بي مواقع ثانيه

صقر:

اسئال حرف الشعر عن شعري البديع------عطاني شهادة فخر من ذوقو الرفيع
واسمي تعملق في حما حصنو المنيع----------سباع الفيافي خلفنا تمشو قطيع
وبعد غياب الحرف ما عدلك شفيع ------ناصب شرك عـ باب جحرك عالسريع
انكنك سبع راسك استرجي وّطلعو ------------واطلع قد الحكي يا سيد ربيع

ربيع:

بهدلت اسمك انت بين لنابغين--------------منشان تبرز حالك وعجناب مين
عمار وسليمان هوذي ملهمين -------------متلن حرف عملاق شافو لقاريين
لكن يا صفر شمال منك عاليمين -------- ضب الشرك للسبع لا تفرجي لكمين
مش واردي عالساح سبع لمرجلي ------------ ينزل تيردع هالطيور لفاشلين

صقر:

عمار وسليمان اترك عا جنب ---------بيتك بزندك صون من ضرب العطب
لو جبت شفرة سيف كالجمر التهب ---------ودرع النبي داوود مطلي بالذهب
ما فيك تردع طير في عيونو الغضب ---------لما اتهمتو بالفشل فوقك رسب
وعليك غف وفتح في صدرك قناه ------ وملا قرب من دمك وشلت القرب

ربيع:

ما قدرت عد الرد حاكم او ذكي ---------كسرت وزن الشعرعيبي هالحكي
عندي شعور بتحرك ونزل لبكي -------ان كان هيك الزجل صفا مضحكي
سيف ودرع ما اعتزت بي هالمعركي ----- كرمال ضامي حد باب البرمكي
من دون غفك فاتح الصدر لوسيع ------ عبي قرب وشراب من دمي الذكي

صقر:

لما بواب البرمكي الصقر اخترق-----قالو لبيع ارتدي درعـــك والدرق
وحاجي بكا واجه صقر جنحو شرق ----شق السما شق الافق شق الشفق
من دون غفي كالطبل لوقلبو خفق ---مثل القــــــناة انشق صدرو واندلق
وجبت القرب عبيتها بدم الجـــبان ---مـمنــــــوع بالجـــولان دمو يندلق

ربيع:

قلبي فتحتو وكان قصدي ترتوي-------مليت بطن لفجع وعملت لقوي
حجارك رميت وسوء عقلك شو هوي---يا ناكر لمعروف بالدرب السوي
ومش اول لمرات هيكي ملتوي -------تاجر بدم الابريا وجرمو هوي
هيذا بعينو صاب صلبو للمثل --------كرم لئيم وشوف عقلو شو نوي

صقر:

قلبك فتحتو وبعد جرحك ما التئم------ ودمك دلقتو وثقل دمك ما انهضم
وعا فقر دمك حاج يا بوز الكرم-------تعزم ملوك الشعر عبيوت الخدم
كلمة لئيم ما بتنحكى لصقر القمم------- ورح دفعك حق الحكي دم وندم
حتى عـ اخر روح من عمرك تروح --- مجروح عمبتجوح من كثر الالم

ربيع:

شعرك عقد صعبي بغموضو اعربو --- يا سكوب دمي يا اوعى تسكبو
عندي فقر بالدم صعبي عاتبو------ بعين لحسد مجبور يحكي وجاوبو
ولما عمجهر شعر حظو جالبو------شاف لحقيقه وصعب هوني تعجبو
ومش اول الناكرين طلع بهالزمن ------عرفوا لحقيقه وبس منا بيهربو

صقر:

استصعبت شعري تعربو وتحللو ------الجاهل رصيد الفلسفه بيقللو
لما كمشتكك باب بيتك يا حلو -------ودمك سحبتو تا تصفى منهلو
استدعيت طاقم طب عنك اسألو----الرازي وابن سينا لوضعك حللو
وعرفوا حقيقة معدنك وتشاوروا ------ يا بيهربو يما بضعفك يبتلو

ربيع:

بعدك على المنوال غازل يا شريك---بذات لعقد مشبوك راسك يا سميك
عندك معاني فلسفه معقول فيك------يسمع عكاظ الشعر مربد يشتريك
ومازال طاقم طب جايب يا ركيك ----عالفور رازي لحل قايمتا يعطيك
منصاب انفلونزا وعرفنا السبب -----ولا تخاف يا صقور قلي ما نسيك

امير

عدد الرسائل : 22
العمر : 35
تاريخ التسجيل : 14/08/2008

الرجوع الى أعلى الصفحة اذهب الى الأسفل

حوار قصير مع الشاعر ربيع Empty رد: حوار قصير مع الشاعر ربيع

مُساهمة من طرف امير في 5/1/2009, 10:44 pm

تصحيح: من دون غفي كالطبل قلبو خفق ---مثل القناة انشق صدرو وانفلق

امير

عدد الرسائل : 22
العمر : 35
تاريخ التسجيل : 14/08/2008

الرجوع الى أعلى الصفحة اذهب الى الأسفل

حوار قصير مع الشاعر ربيع Empty رد: حوار قصير مع الشاعر ربيع

مُساهمة من طرف 7arf في 5/2/2009, 4:48 am


شفت الصفحة قبل النوم = ورح حييـــكم قرادي
يللي مدحتوا كبار القوم = كبرتوا بعيوني زيادي

==================
صقر الحايم بالأشـعار = بيشق الجـــــــو بكفــو
وربيع الحامل أقمـــار = تنيناتن كفوا ووفـــــوا
سليمان وحرف وعمار = وكل شاعر حامل دفو
رح خلّي كل الشعـــار = إلكم يبقــــــوا ردادي
===================

الله يعطيكم العافية كثير انبسطت منكم وبخاف امدحكـم اكثر لأنو بتستاهلو
بس بخاف يقولوا العذال لأنهم مدحوك ياحرف ههههههههههههههههههههه
من هيك بدي اكتفي بي حلووووو وتحياتي الكم. وع طول سمعونا جديدكم

============================




عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
7arf
7arf
admin

عدد الرسائل : 1125
العمر : 53
تاريخ التسجيل : 01/11/2006

الرجوع الى أعلى الصفحة اذهب الى الأسفل

حوار قصير مع الشاعر ربيع Empty رد: حوار قصير مع الشاعر ربيع

مُساهمة من طرف امير في 5/3/2009, 10:10 pm

[b]لما شفت الصفحه اليوم = قلي بيت القرادي
عاد لبيتو كبير القوم =و راجع يا ولادي ينادي

لما وهج الشمس يفل = المرج بيحلم برجوعو
وينطر صيفو يعود يطل=ويمسح للغيم دموعو
وبعد ليالي جوع وذل =و تـ المنبر يكسر جوعو
راجع موسم حرف يغل = وقمحو يحاكي الحصادي

امير

عدد الرسائل : 22
العمر : 35
تاريخ التسجيل : 14/08/2008

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى