يلا يا اشاوس وينكن؟ موشح

من طرف **7arf** 6/21/2009, 1:53 am

عمـــار بيشقــــع لبــنــة = تايبني بيـــــــوت
والحرف بكلمـــــة بيبني = من حروفو بيوت

==================

يا بـــو أســـــامة تفضـل = صوبي معـــزوم

يمكن غيرك مـــــافضّـل = مني محــــــروم

وع غيرو الحرف مفضّل = بالسـاحــــة يدوم

لاقيــــني وذوق الحنضل = ع العركي فـوت

==================
ياويلي عليك هههههههههههههه

من طرف **عمار البراضعي** 6/21/2009, 2:30 am

صفك ماخصو بصفي = ياحرف سكـوت
وكلمة جمعتك تاتصفي = وشاعر منعوت

* * * * * * *

اللي عنك علة قلّي = يمكن غلطـــان
بس المشكل والعلة = منك فـنـــــــان

عم تعزمني وبتهلي = وحرفك جوعان
تاتغني بجبني وخلي = حروفك ياقـوت

* * * * * * * * * * * *
شو قصدك ياويلي عليك ؟

من طرف salomon 6/24/2009, 5:53 am

يا حرف الصاير متلة***وجايب كفكير

تا تصفي شاعرمتلي***خليّك كبير

مبارح طعميتك تطلي***ورشتا وجرير

ومن حكمة اكل قتلة ***بقضبان التوت
هههههههههه
التطلي يعني مربّا

من طرف **7arf** 6/24/2009, 9:19 pm

عريضة التطلي بـعرِّف = إســـــم الدخـــــان

بس مربى بيقـــــــرّف = عملو سليـمــــــــان

القلّك ضاربني مخـرّف = توت وقضــبـــــان

شوف القصدان وشرّف = ع الفيســبوك فوت

========
ياويلي عليك صاحبك بعدو بغيبوبة
روق عليه تايوعى ههههههههههه

من طرف salomon 6/24/2009, 9:39 pm

فت على الصفحة وبادي***عليك المشوار

وحكمة شاعر مش عادي***واشعارو نار

شفتك بين الردادي***خلف الشعّار

وحتى بالموقع فادي***منّك مخوت

ههههههههههههههههههه

يا خيي ما بدنا منك شي الا تعطي الروابط او تنقل شو صار هههههههههه

من طرف **7arf** 6/26/2009, 2:28 am

أيّاها الصفحة الفــتـتـا = بعيــنيك الســـود

وماشفت صخورك فتّا = حرف بلاحـــدود

ولو دمع عيونك شتى = وصـــاير حاسـود

ببعتلك رابــــط حتى = من الغيري تموت

========
ياويلي عليك ههههه
وبتمنى منك استاذ عمار ماتزعل مني عم بمزح
مش قاصد اي شي وياريت بترجع بتكفي معنا

يلا يا اشاوس وينكن؟ موشح

يلا يا اشاوس وينكن؟ موشح

رد: يلا يا اشاوس وينكن؟ موشح

رد: يلا يا اشاوس وينكن؟ موشح

رد: يلا يا اشاوس وينكن؟ موشح

رد: يلا يا اشاوس وينكن؟ موشح

رد: يلا يا اشاوس وينكن؟ موشح