حرف وحكمت شديد ع الفيس بوك

من طرف **7arf** 6/28/2009, 12:30 am

بصراحة انا تحركشت بحكمت شديد تاخبركن ليش؟
بالبداية فات على برحليون ولقيتو بلش يكتب اليوم كتبت هالمقطع
الغزلي وردت عليي وحدة وقالتلي حلوو ياحكمة وانا جاوبتها ارتجالي كذا كذا
ومن هالمنطلق قلت بفحصو اذا بيرتجل او لاء
ولما اندعيت ع الفيس بوك بتفاجئ بلاقيه ناقل هالردات لهونيك
ومصدق حالو بو علي الاخ واصحابو عم يطيبولوا ياكبييير هههههههه
==========================
حكمت كتب
اليوم الشاعر حرف كتبلي بمنتدي برحليون للزجل:
"
حرف قال :
وقت اللي بدك فوت إكتب مطلــــــعك
وإياك تخدعنا مابدنا نخدعــــــــــــــك

ومنشان تقنعني بردة واقنـــعـــــــــــك
جاوب حرف تانشوف شو بيطلع معـك

الله خلقني متل توما للزجــــــــــــــــل
مش رح بصدق غيرحتى إقشــــــــعك
"===============
حكمة
هيدا جوابي:

يا منبر الشعّار حكمت مرجَعَك
تا تجاور النجمة عا كتفي بطلّعك

سليمان متعَوَّد يا حرف يدلّعَك
نَسَّاك غنجو عالمنابر مَوضَعك

لو كنت صخر الصَمّ زندي بيقلعَك
بيقصّبَك، بيجوْهْرَك، بيلَمّعك

ولو كنت بحر الشِّعر قادر إبلَعَك
لو كنت كتف النمر كَفّي بيشلعك

لو صرت توما اليوم بدي إقنَعَك
تفضّل وحط بجروحي أصبَعَك

بعدك حرف...مش قبل ما تصَفّي كتاب
بيقبل مسيح الشّعر يتبارى معك
رد على Hikmat‏
================
‎Hikmat Chedid Helou‎‏ كتب\تفي 11 أبريل، 2009‏ عند 12:29 صباحاً‏
حرف جاوب:
ياشـــــــديد لاتتـــصرع بـّأخذ القـرار
بتلغي حرف مــــن رب بيصفي دمار
صلي ع كــــــــل الانبيا وإنظم شعار
ورجاع هاجــــم حرف فاتح خط نـار
مش كل مسيحي ع نهج ياسوع ســار
ولا كل درزي متل بو ابراهيم صـار
ولاكل حكمت صار حكمي وإعتــبار
صادق بنظم الارتجالي أو كــــــنــار
ولما لقيتك بالغزل ناقل خـــــــــبــار
توما عملت تاصدّقك عن إخـتـــــبار
بجسمي اذا العشرة بتزرع عالجروح
لافيك رح آمن ولا بتربح نـهــــــــار

جواب حكمة:

يا حرف شعرك صار عالشّعار عار
ونحنا عملنا جوهر الأفكار كار

شعري ورد جوري حما بآذار زار
وعا خصر حلوي حوّل الزنار نار

بتذكّرَك كلما عا جارو الجار جار
وكلما عبد عا سيِّدو بالدَّار دار

أنت حملت ذلَّك على جبينك حروف
ومن رفعت جبيني وشموخي الغار غار

=================
وهون بلشوا اصحابو يطيبولوا وحرف مش داري بالقصة
وكتبولوا

منشور رقم 3‏‎Ramzi Bf (Lebanon)‎‏ كتب\تفي 11 أبريل، 2009‏ عند 02:49 مساءً‏
‎allaaaaaaaaaaaaaaaah
allaaaaaaaaaaah ya hekmat shu hayda raw3a ‎رد على Ramzi‏
إبلاغ
منشور رقم 4‏‎Hikmat Chedid Helou‎‏ كتب\تفي 05 مايو، 2009‏ عند 06:42 صباحاً‏
تسلم صديقي رمزي....بلّش حرف يكسّر بالشّعر ويخَبّص.
..وقّفتْ الجولة تا إحفظلو ماء الوجه...هاهاها رد على Hikmat‏
إبلاغ
منشور رقم 5‏‎Hanoud Bfd‎‏ كتب\تفي 05 مايو، 2009‏ عند 02:08 مساءً‏
‎allah ya estez ya kbeer ma rah yestaslmo barhelyon la she3arna
l akbar kermalla l jawly 3am tetla3 la saleh group l zajal ‎رد على Hanoud‏
إبلاغ
منشور رقم 6‏‎Hikmat Chedid Helou‎‏ كتب\تفي 05 مايو، 2009‏ عند 02:32 مساءً‏
‎Thank you Hanood....bass layky...hinny 2aqwaa minnaa bil tabee5...
al7aqeeqaa tinqaal...aljamaa3aa tbba5een maahreen..
..halla2 baalshi3er maa kteer...3aa tool by5abbsoo.
bass baaltabi5 mbaydeenhaa....hahaha‎رد على Hikmat‏
إبلاغ
منشور رقم 7‏‎Hany Nassif (Lebanon)‎‏ كتب\تفي 05 مايو، 2009‏ عند 09:34 مساءً‏
‎looooooooooooooooooooooooooooooooo
oooooooooooooooooooooooooooooo
ooooooooooooooooooooooooooooooo
ooooooooooooooooooooooooooooooo
oooooooooooooooooooooooooooooooooooooo
ooooooooooooooooooooooool kbir ya 7ekmat
looooooooooooooooooooooooool‎رد على Hany ‏
إبلاغ
منشور رقم 8‏‎Hayoufa An‎‏ كتب\تفي 06 مايو، 2009‏ عند 09:45 صباحاً‏
شو هالقصيده الرائعه يا استاذ حكمت؟؟؟
بس انا بعرف انو حرف ما بيوقف عند جواب واحد يعني بيكون عم يحضّرلك شي كبسه
او غمّه حسب ما يكون سليمان طابخ هههههههههرد على Hayoufa‏
إبلاغ
منشور رقم 9‏‎Hikmat Chedid Helou‎‏ كتب\تفي 06 مايو، 2009‏ عند 02:26 مساءً‏
‎hahaha. tab5aaton m7ammdaa ya sitt Hayfa...maa bti3jibnee.
....maa ba2aa baddy...hahaha‎رد على Hikmat‏
إبلاغ
منشور رقم 10‏‎Daniel Nasreddine (Lebanon)‎‏ كتب\تفي 06 مايو، 2009‏ عند 02:44 مساءً‏
ما في متل المعارك الكلامية بالرّوح الرّياضيّة

رد على Daniel‏
إبلاغ
======

حرف

منشور رقم 11‏أنت كتبت في 20 يونيو، 2009‏ عند 04:30 مساءً‏
مزبوط ياجماعة بس بربي انا هلق شفت هالمحاورة انها منقولة من برحليون لهون
وكلو تمام بس مانقل حكمااات كل شي صار تاتحكموا
ووقتها ترك فادي بالمعمعة وهرب مع انو فات يجلط علينا انو بيكتب ارتجالي
وهاي قالتلي ع الفيس بوك هيك وفورا رديت عليها هالردة هون فكرتو
انا بعيد الشبه متلي صرت فوت طقو ارتجالي
ويضل ساعات ومرات لتاني يوم تايرد ورغم هيذا عمل حالو زعلان قال

وكفينا الموضوع انا وفادي وسألوا فادي كيف كان الموضوع انا بقبل بحكمو

وكل واحد بكتبلو انا بمستواه وبعتقد حكمااات بزيادي عليك هالمستوى
====
الاسم حرف
الشهرة مكنسة
هههههههههههههههههههههه

رد على منشورك
حذف المنشور
منشور رقم 12‏أنت كتبت في 20 يونيو، 2009‏ عند 08:07 مساءً‏
ههههههههههههههههه
=================

بدك تعرفني رح خبرك

من مطبخ سليمان

والعيلة قاشوش

بس انا ما ببعت رسائل خاصة:
ورح ضل اقسا عليك لأني بحبك

وبدي بس اعطيك كلمة سر انا اقرب الناس ليك

وما بتتوقع مين حرف

لأنو خيالك

وكابوسك

وبكرى بعد ما امسح فيك الأرض

بتعرف مين حروّف

وعلى فكرة

اقوا ماعندك قول وخوذ راحتك
انا مابزعل

وشو بدك بمنصبي او ديني
نحنا عم نتحاور شعريا

واذا مصر بدك تعرف رح خبرك

اذا كان في للزجل دين
الحرف بيكون المرجع الروحي

واذا كان في للزجل عرش
الحرف هوي الملك

واذا كان للزجل دولة
حرف بيكون رئيس جمهوريتها

واذا كان في غابة للخوف
او الدخول بالمجهول
فبكون الاسد

واذا كان في ع الزجل ناس حاقدين
وصدرن ضييق
الحرف بيكون
مكنسي
والشهرة
قاشوش

نقي اللي بيعجبك
وياويلي عليك هههههههههههههههه
========================
خوذ هاي من حرف

الشكوك بالشيشان شنّو بيعرفــــــــوك
بتضل نيقة بالزجل لولا حشــــــــــوك

لما ببرحليون قيــــــــــــــمة ماعطوك
ومني هربت ولحقتــك على الفيس بوك

لحقتك لحتــى بالقـــــــــــــــوافي أدبك
وفرجيك للجمهور عندك مية تــــــــوك
====================

ياويلي عليك هههههههههههههههههه
=====================

رد على منشورك
حذف المنشور
منشور رقم 13‏‎Hikmat Chedid Helou‎‏ كتب\تفي 20 يونيو، 2009‏ عند 11:09 مساءً‏

أنا رح جاوبك هالمرّة يا حرف تا تحلّ عن ضهري وتّوب.
حرف يا زلحفي بمَلعَب خَيَالي
وحَديدِة تافهة بَين اللآلي

أنا الشَّمس ال عَلاَ الَمنبر بتسطَع
ما عندي خْيَال تا عدَّك خْيَالي

أنا للشّعر والشّعار مَرجَع
صفر بالشّعر ما بتطلع قبالي

الكَون نقطة بْخَيالي ما بيطلع
ووسع الكَون أضيق من مَجَالي

اليهودي سيْدَك قبالو بتركَع
اشتراك وبعت نَفْسَك للعَمالي

ندرت قلبي بقَصيدِةْ حُبّ مَطْلَع
وقَلَمْ كِحلة على رموش الغَوَالي

أنا خَمّار بتشارين بجمع
حلم الخَمر بكروم الدَّوالي

أنا البدر بليالي الشّعر بطلع
بوجودي الفجر غار منالليالي

القصيدة بتشرب دموعي تتشبع
وألف نهدة ونهدة عالتَّوالي

ولمّا عشتروت البَيت تسمع
تترك عرشها وتطلب وِصَالي

إلاه الشّعرعقبالي بيخضَع
وبشعري بيسكر لحَدّ الثَّمالي

جبل صنين من هالجرد بقلَع
بيميني... وبعجن صخورو بشِمَالِي

أنا مارد ما فيي حرف أقشَع
جبال الألب بحصة تحت رجلي
وحرف بحصة من مقالع جَهَالي

رد على Hikmat‏
إبلاغ
=========

حرف

منشور رقم 14‏أنت كتبت في 21 يونيو، 2009‏ عند 01:00 صباحاً‏
ياحكمت لا تحط القصيدة بمحلين بربك لوه
واذا ماضل في عندك ببعتلك ع الخاص كم وحدي تطقني هني
==============

حكمة وفادي بحرف قاموسي اشتغل
ونحـــــل المواهب فات عا الموقع نغل
نجم المــــــــــواقع بالدعايي بنعرضو
وبحر القصيدة خــــــام ما بيعرف زغل

=====================
ياويلي عليك ههههههههههههههههه
=====================

وها جواب القصيدي تبعك مرة تاني
تكرم عينك الفحصية ببلاش عند الدكتور حرف
والابر مجانية ههههههههههههه
بس عنجد بحبك ماقدرت ازعل منك
=================

يا مارد روق لا تزعــــج خيـــــــالي
ما فيك تدوس حرفي عن جهـــــــالي
انا بالمكـــــــــتبة حرف المبـجــــــل
وانت بالفيس بـــوك دماغ خــــــــالي

بحـــــــق اللي حمل ميي وحــــــول
لخمـــــــــــرة بعرس قانا عن عدالي
انت لــــــو لمست كاس الخمر خـلل
ويـبـــاس بيضرب كـــــروم الدوالي

انت متل العبـــــــــد لمّـــا تشنـشـل
بأساور من ذهب تا يصير غــــــالي
انت مش خمر أو عنب المشـــكّــــل
انت مخزوق ومـــــوقّف سقـــــــالي

انت يوضــــــــاس بالفضة تبرطـــل
ومــــــــع اليهود في عندك زمـالـي
البــــــــاع معلمو بيبقى مغـــــغـــل
وتحت تينـــي تعــلّــــق بل اللآلـــي

ياجايي متل بوسكعكع تمـــــرجــــل
بســـاحة ّ نسر ع منبر أصـــــالـــي
مــــؤلل جيت وبترجـع مرجّــــــــل
براس مدنكس بســاحة قتـــــالـــــي

ولأنــــــــــــو حـرف بيردك مفلفل
تعا يا صاحب النكـــــــــهة تعا لي
بدي افـــــــــــــرمك متل المتـــبل
ع طاولــــــــــة العزيمي للغوالــي

أنا الريح الأذا بتعصف بتقـتـــــــل
بساحة منبري وموقع نضــــــــالي
ولأنو راسك عليـــــي مقــلــفّــــل
جبرتو ينخ تايمســــح نعـــــــــالي

شفت شخصيــــتك عامل مجـكـــل
ملك عـــــامل ع بو عبس اتكالــي
وكثـــر ما العث في فكرك مدنــدل
بيشبه صــــــار برميل الزبــــــالي

وعلى الجنبين يا حيكــــــو تنـقـــل
وضلّك بالمواقع هيك صــــــــالـي
القصيدة انشربت دموعك بتخـــجل
يادمع الخوف يا لص الشمـــــالـي

انا عكسك انا قلبي مكلـكـــــــــل
من الماطق شعرو إرتجــــــــالي
لأنو حرف بالموقع مـــــــــفـضّـل
الحسد خلاّك تشفـط من حلالــــي

وكل الحق ع فـــــــــــادي تدخّل
بعركى شعر ما كانت ببــــــــالي
ولقانا ماتركت ع النت سجـــــــل
يا غبرة شعر تطلع ع هلالــــــي

انت تا تقول بيتك يا مخلخــــــــل
بسهــــــــــر عمر وبتغفى ليالــي
وفــــــادي صاحبك بالشعر إسأل
إذا ما بطــــــق عشرة كل ساعة
وعشر ساعات تاتجاوب قبــــالي

===========