منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================

منتديات الزجل اللبناني الشاعر: عمار البراضعي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

عتابا وميجنا في برحليون مشكّلة

اذهب الى الأسفل

عتابا وميجنا في برحليون مشكّلة Empty عتابا وميجنا في برحليون مشكّلة

مُساهمة من طرف 7arf في 10/26/2009, 4:35 am



اميل حنا كرم
ناحت ارزتي ع شبال فلو
تكي الزنبق دبل عالهجر فلو
فتحو كتاب الأصل تا يفوح فلو
تلاقو دموع حمرا بالكتاب
============
نزلت عالبحر تسبح عفاها
مريضة البحر من موجو عفاها
و رجعت موجة و دخلت ع فاها
تفّت بالبحر صبّح شراب
===============
علي عامر
قسيني المجتمع بيدر محالو

ودموعي رغم جهلنتو م حالو

واجا السلطان عا قلبي محالو

بقايا أمل بكفوف العذاب
==============
سلمون

سألت الرب يا ربي ما حولي***اجا الشيطان بغيابي وعملها
وقصايد بكر من موقع محولي***وجروح القلب صار يكبر عملها
وانا بالشعر من اول محاولي***ما كنت ضعيف عم ابرم عا ملهى
ولأنو بالعتابا الوزن ملكي***وعملت القافيي عا العرش ملكة
تا صارت يدّنا بالشعر مالكي***كسرنا القاعدة تا تصير عادي
وحملنا طفلة الكلمات عا دي***الحنون وما قبلت بالكون عادي
ويا دلّو اللي هجاني بالعتاب
================
حرف

اذا سلــيـــــمان خطــينا بلا ي = صبح سلمان مابيحـــــمل بلايـي
ياهاجم ع الحرب إوعـي بلايي = مافيـك تهاجم بدونـي لحــــــالك
لأنو بينتفوا بسرعة لِحــــــا لك = القاضي بمحكمةّ حرفــي لحـالك
غيري ماحدا بيهجي عــتــــــابا = وقصور العدل ناختــــلي عتـابا
الحرف ع القافية زوّد عتــــــابا = ووحدو بالحلا الأفكـــار جمّال
بيغني الموهبة ولا يوم جم مال = وياذلو اللي عمل بالشعر جمّال
اذا مابيرفع زيادة البواب
==========
اميل
نادانا الرب ردّينا نعم لو
عطا سليمان ها الفكرة و نعم لو
هيدا المنتدى لازم نعملو
أون تتعلّق بعنق الشباب
============
تروّي الشعر يا حبابي تروّي
الشبيبي عصابها لازم تروّي
وانا غيمي مارح ارحل تا روّي
العطاشة للمعنى والأدب
=================
علي عامر
غرامك جرني ع التعب جرّه

وكسر عا ثورتي مليون جرّه

وبعرقي ريقك المجنون جرّا

خمر طايش من مراجيح آب
=============
هاني ناصيف
يا بنت يالعشرين عمرك مجملو
لا تنقصي بعمرك بيعقد مجملو
مجيت مجة كاس مجت مج ملو
و دخنا سوى يا ناس يلعن حظنا
==============
علي

بعطفك لوهجيني وبرّديني

ت إمضي بن شقايي وبرّ ديني

بمخلب سبع جاني وبالرّديني

مشبّه نصل رمشك والهداب
=============
هاني

ضلي يا حلوي شربيني و سكري
مهما الضغط يعلى معي و السكري
بسرعة على الرمان روحي سكري
تعبو عيوني و ما عدت اقشع انا
==================
اميل
chou jinsik chou ya 7ilwi ta inti
ma fi ousloub kezeb illa w te2enti
lazemlik heik chi osba3 TNT
ta yzabbet kill ma te7wi bina
==============

سلمون

أكتبولي بمنتدايي حروف عربي***وبلا ما ترجعونا نسوق عربة
واذا ما بتكتبو رح شيل عربي***كل من بيت عا ذوقو كتب
==========
حرف

لاتيني الحرف عم شوفو مش مهم = زهور الشعر في روضو مـاشمـهم
ونهر المرتجل متلي مشــــــا مهـم = على ضفافــو حرف حرفــو سكب
=============
علي عامر
دخيلك ع المبادي لو هجيني
وقت منزوع حبّو لو هجينه
ع أمرو روح سمره لوهجيني
ي موهبتي بتسامح كل باب
===============
من عيوني سطا ع الخد غربي
سقيني ولوعة التذكار غربه
ولكن م رح ولّي صوب غربي
قليل ان مت ع تراب الحباب
===============
حكمات شديد
فَرَق شَعرِك نَسيم ال -من ال قِبلي
وطَبَع عَشفافِك وعالعنق قُبلي
ما برضى يلمسِك عالصّبح قَبلي
لا عِطر ولا نَسيم ولا تياب
===================
حرف

مهما رياح الجــــــــهل تتدرب فـرق
بتبدل عمــيد الغرّ ع المنبر فِـ رق
وضحل القوافي بدرب محـايي فرق
شبيهو عديم المعرفي بعيونـنــــــــــا
================
سلمون

يا حرف اوعى تفتكر أنّو محي***شاعر عميد الفن ما بيعشق محي
واللي حذفلك شعرك بعدو ما حي***وما بعتقد موجود هوني بيننا
=============
عزمت النحل عا مروجك قبلتي***تمنّو تسرقي الصنعة قبلتي
ولأنو بتعرفي طعمة قبلتي***تركتي الشهد ولحقتي الشراب
===========================
حرف

بعدو حرف ياصاحبي المجرم ما دان = وإلا فصاحة وحق من عدلو مادان
برأيي بيبقى المتـــــــــهـــــم بعدو مدان = حتى يثـــّـبـت بالبرائــــــــة حكامنا
=============================
طوني

رائع كتير يا إستاذ حكمت ـ شاعري ورقيق جدا
يسلم تمـّك
==================
حكمات

تسلم صديقي. كلك ذوق

الحلوي شفافها البوسات غَلّو
بعد ما سهامها بالقلب غلّو
ما رح يشفي بهواها القلب غِلّو
قبل ما تتلج الدنيي بآب
=============
حرف

الحاطط ع راسو تجال رح ضييف جلو = وع جو حرف بجيبهن لولا جلوا
واللي طناجر بيضوا يما جـــــــــــــــــلوا = مستضعفين القـــــافية بيناتــــــنا
===========================
حكمات

قالو إلي عالعيد إنّك عايدي
مُرّي عليي شي دقيقة عايدي
كبرتي عصدري وطال شعرِك عا يَدي
وشو كان في خبز وملح بيناتنا
==============
حرف

هلق بعد حذف القصايد والمــــحـــــو = قلتي بحب الحرف شوفو ولـمـحو
بأحو الدجاج كرهت بيضو ول محو = يعني صفارو وأبيضو بصحوننا
============================
حكمات

بعد ما العطر للشوكة مَنَحنا
جَرَحنا شوكها القاسي ومَ نِحنا
لا تنغرّو ببسمتنا مَ نحنا
سباع بيرعبو شلعة دياب
==============
حرف

انا بعطي الحروف بدون منة = وقلت ياموهبي من الرب مني
مابيرعب ذياب الخاف مني = وعم بيصك ومبلل ثــيــــــاب
=======================
حكمات

أنا شفت الشّعر ما حَد قَلّي
ضعيف مكسّر...منسنين قِلّي
أنا دجاج الَمَنَابر جيت قَلّي
تعا يا طراد وعزملي الشّباب
============
حرف

يامدغفل اذا راسك كسرتـــــو = وببيت الميجنا بقصدي كسرتو
الثعلب سائل دجاجي كسرتو = وهون السكرعنا ع القــصـــاب

========================
حكمات


لغز الشّعر غير حكمت مَ حَلّو
وزاح البَدر تا يقعد مَحَلّو
ضعاف الشّعر عن ضهري مَ حَلّو
ولّما بشعرُن العَلقَم مَ حَلّو
صار الدّم واصِل للرّكاب
============
حرف

مافيك البدر لو بالغيم لفيــت = محلو تعقد وجهـــال لفيت
ولو إنك ع مفرق حب لفيت = مابفرك ذينتك بعد الرقاب
======================





عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
7arf
7arf
admin

عدد الرسائل : 1125
العمر : 53
تاريخ التسجيل : 01/11/2006

الرجوع الى أعلى الصفحة اذهب الى الأسفل

عتابا وميجنا في برحليون مشكّلة Empty رد: عتابا وميجنا في برحليون مشكّلة

مُساهمة من طرف salomon في 10/29/2009, 10:12 pm



حكمة

بشعري فَرحة الَمنبَر وَعيدو
قولو الشّعر من خلفي وعيدو
كيف بينطق بكلمة وَعيدو
شاعر مستحي بحَرفو الكتاب
salomon
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

عتابا وميجنا في برحليون مشكّلة Empty رد: عتابا وميجنا في برحليون مشكّلة

مُساهمة من طرف salomon في 10/29/2009, 10:13 pm

حرف

حرف أرزي لها ع المجد فية = وبغير الحق مابيحكيش فيي

انا بيشمخ زجل لبنان فيي = وزغرو فيك ياعقل السراب
========================

ياحكمت لو حرف بالشعر عناك = المعنى منسمعو وبيزيد عنك

عندي شرط حتى حل عنك = على الفيس بوك رجعلي الحساب
========================
ههههههههههههههههههههه عنجد بعدني بحبك بس لوما هالمحايي

ويلا كود نايت ونتابع الطق غدا انشاء الله والمسامح كريم
ياويلي عليك هههههههههههههههههههههههههههههههههه
salomon
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

عتابا وميجنا في برحليون مشكّلة Empty رد: عتابا وميجنا في برحليون مشكّلة

مُساهمة من طرف salomon في 10/29/2009, 10:14 pm



حكمة

ولك وين رايح بعد ما خلصت منك... إلا إرتاجلي ما بحب قول عتابا . يلا غيمة صيف ومرقت. مين محالك؟

مَرج الَمنبَر بفكري عَبَيْتُو
بشِعِر متشَوّق السّامع عَبَيتو
وَدّو زغير مَنبرنا عَ بَيتو
لأّنو ما بيفهم بالأدب
salomon
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

عتابا وميجنا في برحليون مشكّلة Empty رد: عتابا وميجنا في برحليون مشكّلة

مُساهمة من طرف salomon في 10/29/2009, 10:14 pm



حكمة
بَعد ما كنت بَدّي ياك خِلّي
تا رَبَّيتَك سقيتَك مُرّ خَلي
أنا معتاد قرص الشّمس خَلّي
يشرق عالدّني وقت الغياب


وهلق تصبح بخير... يلا ما صار شي مهم. بعدني بعزك
salomon
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

عتابا وميجنا في برحليون مشكّلة Empty رد: عتابا وميجنا في برحليون مشكّلة

مُساهمة من طرف salomon في 10/29/2009, 10:15 pm


حرف

مين الوهم بيراسك عــــــبا لك = بخيط العنكبي تنسج عبا لك

وبطول لسانك ان طالع عبالك = سحب منسحبو قبل الغياب
========================
كنت رح سامحك هلق ولكـــــن = لقيــــتك مدعي بجهلك ولاكن

الحرف بالمرتجل غرّد ولا كن = ولغير الرب مابيحسب حساب
========================

حرف لاتفتكر ع الغير بداك = ولا بيتصيد العقبان بالدك

بدك اعترف بالشـعـر بدك = أضعف ما خلق متك وجاب
======================
تابنت الموهبة حافظ ع بكرة = عنتر عبس علقتو ع بكرة

ولوما في شغل عندي عبكرة = لوج الفجر خردقتك عتاب
======================
وهلق تصبح ع خير عنجد لاني نعست هههههههههههه
salomon
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

عتابا وميجنا في برحليون مشكّلة Empty رد: عتابا وميجنا في برحليون مشكّلة

مُساهمة من طرف salomon في 10/29/2009, 10:16 pm



حكمة

يللا ما بقا بدّي رصّك. تا نرجع للغزل

****

زعِلتي بْلا سَبَب بستِك فَرِقتي

لِم عا مَفرَق الغابة فَرَقتي

عند ما عتمة جعودك فرَقتي

عن الشّمس البهيّة ما فرِقتي

ما فيكي تحملي بُعدي وفرقتي

وإذا بَدِّك شِعر نَاعم فِ رقّتي

ببَرحليون أحبَابي وفرقتي

بيغَنّو تا تشوفي اللّيل شَاااااااب
salomon
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

عتابا وميجنا في برحليون مشكّلة Empty رد: عتابا وميجنا في برحليون مشكّلة

مُساهمة من طرف salomon في 10/29/2009, 10:18 pm

يا
أمواجي اذا هجتو فرقتو
بشعري دوّبو السكر في رقتو
وكلما حكمة تغنّي فرقتو
اخطفوها بالمعنى والعتاب

يا حرف الريح من تحتك صفي بساط***وعلى الشعّار معرفتك وحي بساط
ونصيحة كل ما شويعر بكي بساط***وجبلو حروف شبعاني أدب
هههههههههههه


طوني شلهوب

قالتـلــــــــي شفــــاف تمـّك علـّـمونــــــي

الشـّـغف بالحــبّ .. حتـّـــــــى علـّـمـوني

عقــدت شالي عا عنقــي .. عل لامـوني

عـقـــــدة شـــــاش عـا جــرح التــهــــب


بو شربل

انا شلهوب ما اهضمتو واللي يمون***عليه يفهّمو انّو وليمون
ومتل ما بيعصرو الموزة وليمون***بدي اعصرو وضيّف شراب


حرف

بوشربل من حرف صوبك عطر راح = الما قادر ينشقوا دلـــّو ع طراح

وكفي عطيت للشفـتــو عـطـــــــا الراح = تانسمع زقـــفةّ ملـــــوك العتاب
======

ويامغفي ضميرك قــوم صحّي = الطبخ صفا بيبرحليــــــون صحي

الغلط منكن وكل الصح صحـي = كفى ركوب الخطأ تعدوا صواب


طوني شلهوب
قصيـدي لوحتي ومعـروف حـرفـي
امتهن فن الرّسم بالـشـّعـر حــرفـة
وإذا جاهـل هـجـا حرفـي وحـر في
بيـصـفـّـي سـيــف بيقطـّـش رقـاب


salomon
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

عتابا وميجنا في برحليون مشكّلة Empty رد: عتابا وميجنا في برحليون مشكّلة

مُساهمة من طرف salomon في 10/29/2009, 10:21 pm



حرف

القصيد بلوحتك حامل عطــونــة
العفن من كلمتك نادي عطـــوني
وحرف السيف ماجرّد ع طونـي
انجرح وحدو ان سلّو من القراب

طوني شلهوب

سيف الجهل عــا طوني سلي من؟
يا حرف القافية سليك سلي من
أنا حاكــيـــت شاعرنا سليمــــان
تاري حــرف في عـنــدو دنـب


حرف
قبل ما آخذك بالبحر ع النــــــو
حرف مــــنو رعاع الشعر عنوا
اذا عندك بصيرة سئـــــال عنو
نجم مذنّب بقرص السحــــــاب


طوني شلهوب

إنت مش نجم لكن حرف علـّة
معك غنيـّت هالعركات علـّي
سماك الواطية عالجوّ عـلـّي
علـَّى نجمك وبيضــلّ عـلـّة
بسمـايي نجمك بشوفو غراب


حرف

تاتعرف بالزجل تعرب ضماير
وعّي بجوهر نفوسك ضمـــاير
انكنتوا الشر من يمي ضمــــاير
بيمي رح تضيعوا ع العـــبـاب


كنا مع وحي الأفكار سارديـــــــن
لقيناكن دجل بالشعر سرديــــــــن
تاقطّعكن سمك بالبحر سرديـــــن
وعلى الفيس بوك وزع للصحاب


غيرك ما حدا شعرو معـــدل
قبال اللي سبق سكبو معـــدل
ومعدل ماجبت حتى مع الدل
إسكبلك القهوة والشــــــــراب

يابو صوت متل القعق والبوم
انا مابحب قلب الوج والبــوم
صور ببعثلكن بالطـق والبوم
معبّى كيف صكيـــتوا ركاب

إذا القيـــــــمات ماكنتوا عميدين
لنقد المرتجل صرتوا عمي دين
وجنرال ولوا ومعهن عميديـــن
بدحر جيشهن تـــــــرم الحـراب

============
بقسم الجديد بتكتبوا مش قسمنا
هههههههههههههههههههههههههه







salomon
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

عتابا وميجنا في برحليون مشكّلة Empty رد: عتابا وميجنا في برحليون مشكّلة

مُساهمة من طرف salomon في 10/29/2009, 10:21 pm




حرف
تعي ياموهبي وشـعري شيليلي
لأنو القطر من وحـــيك شيليلي
اتفقوا اتجمعوا ضدي شي ليلي
بلكي بتحملوا بيـوتي الصعاب

============
في قسم إلكن منبني وهيذا لناا
هههههههههههههههههههههههههه
[b]
salomon
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

عتابا وميجنا في برحليون مشكّلة Empty رد: عتابا وميجنا في برحليون مشكّلة

مُساهمة من طرف salomon في 10/29/2009, 10:30 pm




طوني شلهوب
حروف الشـّعر مهما لـوّحـــوهـا
وآلهة الشـّعر ذاتن لو وحــوها
إذا لمعاتنـــا ما لوّحـــوهـــا
ما رح تـتلــوّن بلون الدهــب

=====================

بـشعرك كرجتك كرجة قـنـا عا
الزبالة وفيك عجبـتـنـي القـنــاعــة
الوساخة وحدها بتلـبــس قـناعـــا
كـل مـــا بــدهـا تـقــــلـّـــل أدب

=====================

عـن ألفاظـك البشــعــة تـرقـّــا
ولمرتـبــتي إذا بـتـقـدر تـــرقـّـا
الـكـلـمـة الـمرهـفـة لازم ترقـّـا
وتـخـبزها علـى جرح الـتـهــب
salomon
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

عتابا وميجنا في برحليون مشكّلة Empty رد: عتابا وميجنا في برحليون مشكّلة

مُساهمة من طرف salomon في 10/29/2009, 10:31 pm

حسن كوتراني

من طيفك يا حلوي شال هبينا
كوى الأعصاب فينا شلْ هبينا
ومتل شلهوب دخلك شلــــهِبينا
متل النار تآكل بالحـــــــــطب

ناطرك
salomon
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

عتابا وميجنا في برحليون مشكّلة Empty رد: عتابا وميجنا في برحليون مشكّلة

مُساهمة من طرف salomon في 10/29/2009, 10:33 pm

هاني ناصيف

شباب نحنا شعار منحب القسا منحب الطق منحب المرجلة منحب المرجلة منحب القوة بس ما منحب ينزل الشعر لمستوى اللي شفنا
ارحموا الشعر و رحمونا نحنا هون بمنتدى ادبي مع شعار كبار و ما بعتقد لا خينا حرف و لا خينا طوني بيرضى الشعر يصير بمزبلة التاريخ و نمشي بدفن القوافي على هيك حكي
ارحمونا و ارحمو الشعر
القساوي صح بس مش جولة مسبات
يعطيكن العافية اذا بدكن تكفوا بهالمنطق الادب و الشعر ما الن مطرح معكن

بو شربل

يا هاني رقبتك عا النت دلّها***لحتّى لفركة الايدين دلها
واذا بيلقط على المشار ديلها***لخلي الدم يوصل للركاب

طوني شلهوب

خيـّي هاني أنا بحب إتشكرك عا حرصك عالشعر وقيمة الكلمة، خصوصي إنك كنت دايما من أصحاب الإنتاج الشعري الجيـّد. تعليقك كان تعليق إنسان كبير، بهنـّيك.
طبعا ما كنت بنزل لهالمستوى إلا تا وصـّل رسالة وقول إنـّو كل واحد بيعرف يسبّ ويستعمل ألفاظ بشعة ويقلـّـل من إحترام العالم، بس قلال كتير اللي بيعرفو يكتبو كلمة راقية، هالمرّة جاريت حرف عا مستواه، بتمنـّى شي مرة يجارينا إذا بيقدر ويسمـّعنا شعر.
بتمنـّى هالنظرة للشعر تتغيـّر، والنفسيات تتغير، ولمـّا تتغير أنا أكيد ما بقا حدا يفوت بشخصيات مجهولة تا ياخد راحتو بالإهانات وبالتجريح.
ما عرفت شو اللي دفع بالشاعر الكبير حرف ينحدر فجأة؟ وليش ردّ بهالطريقة؟ ما شاف إنـّو الكل عبـّرو عن إستياء من هالنوع من الكتابات وعن أداء هالشخصية بشكل عام ؟

إلا إذا بتعتبرو هيدا تحدّي شريف :


"القصيد بلوحتك حامل عطــونــة
العفن من كلمتك نادي عطـــوني
وحرف السيف ماجرّد ع طونـي
انجرح وحدو ان سلّو من القراب
============"
أنا بعتذر منكن، وإنتو عندكن كامل الحرية تفهمو الشعر والتحدّي متل ما بدكن



هاني ناصيف

بعرفك مهذب انا باسم الشعر بترجاكن و بقول لخينا حرف عملو معروف نحنا عم نقاتل يا شباب تا نعيّش الشعر و ما نعيش الشعر بحذف العين
حاوروا بالفكر حاوروا بالمرجلة حاوروا بالكلام القاسي ضمن حدودو بس بهدلة لاء لا انا بسمحلكن ولا الشعر بيسمح
و يلا يا شباب عطونا عتابا و ميجانا

سودا العباية بس بيضا قلوبنا

بشهر تموز نيزلتي بردنا
و بعشة اب اولجنا و بردنا
و شهر ايلول حبك شو بردنا
و ما كان يحن قلبك عالمصاب

حلوة العتابا بس عاطل صوتنا


بو شربل

القصيد بلوحتك حامل عطــونــة
العفن من كلمتك نادي عطـــوني
وحرف السيف ماجرّد ع طونـي
انجرح وحدو ان سلّو من القراب



هاني انتي عزيز عا القلب بس برأيك طوني معو حق بالتحديد يعلّق عا ها البيت لو علّق عا غير بيت كنت وافقتو بس بيت ما في مسبات


جريّس البستاني قال

بقلّو روح نضّف ها العفوني


والخ

اما بيتك يا طوني ما في مسبات ههههههههههه


بـشعرك كرجتك كرجة قـنـا عا
الزبالة وفيك عجبـتـنـي القـنــاعــة
الوساخة وحدها بتلـبــس قـناعـــا
كـل مـــا بــدهـا تـقــــلـّـــل أدب



انتي طلبت الرأي وانا بطلب رأي هاني ناصيف بالتحديد اييا بيت بينقال والاستاذ حكمة في يعطي رأي وحسون والكل
ههههههههههههههههههههههههههههه


ملاحظة انا بعرف حرف انو كان من باب المونة عا طوني والمزح عم يستعمل ها الألفاظ النابيي بس بنرجع لموضوعنا


ما حدا بيحملك غيري يا حرف
هههههههههههههههه
salomon
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

عتابا وميجنا في برحليون مشكّلة Empty رد: عتابا وميجنا في برحليون مشكّلة

مُساهمة من طرف salomon في 10/29/2009, 10:33 pm

بتمنى تشوف البيتين والجمال بالتوريي الشعريي
من هيك نزعتوا الجولة ليش ههههههههههههه

سيف الجهل عــا طوني سلي من؟
يا حرف القافية سليك سلي من
أنا حاكــيـــت شاعرنا سليمــــان
تاري حــرف في عـنــدو دنـب


حرف


قبل ما آخذك بالبحر ع النــــــو
حرف مــــنو رعاع الشعر عنوا
اذا عندك بصيرة سئـــــال عنو
نجم مذنّب بقرص السحــــــاب


شي رائع
salomon
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

عتابا وميجنا في برحليون مشكّلة Empty رد: عتابا وميجنا في برحليون مشكّلة

مُساهمة من طرف salomon في 10/29/2009, 10:34 pm

هاني ناصيف

يا سليمان ما في حدا معو حق
الشعر وحدوا معو حق لا طوني ولا حرف
انا بقول كلمة وحدة اذا بدنا نضل بهالمستوى خلونا ننبش عا شي محل يكتبو شعر


حرف

شو هالكلام ها ؟؟؟؟؟؟؟؟؟؟؟؟؟؟

يااخي يعطيكن العافية كلكن وبشكركن كمان من قلبي اولا
وتانيا هيذي مش مسبات ولاتجريح لانو رغم قساوتها بتحمل طيبة قلب
وانتي ياطوني فتت ع التحدي انا ماطلبتك كنا ناهيين الجولي انا وياويلي عليك
يعني الدكتور ههههههههههههههههههههههههه حكماااااات
بعد ماحذفلي كل شي من الفيس بوك مرتين وكان في تصفاية حساب بيناتنا
فحضرتك دخلت كمان طرف هون الي حق اقسا عليك لانك تاني يوم فتت تتحدا
حبيبي انا لني بحاجي لدروس من حدا ولاكيفية التعاطي ع النت مع الاخرين صرلنا
5 سنين وماحدا زعل من التاني فاذا كان حدا من المصنوفين وماعندو رحابة صدر
مايتدخل بموضوع مش الو وبس يدور الطق ينصنف هاي ماعجبتني منكن بنوب
ههههههههههههههههههه
ولما بيكون انسان بدو يتحاور مع رفيقو بيطلب منو وبيختاروا بموضوع وبيكتبوه
ساعتها بيكون التحدي بالشعر المحضر والمنقح اللي حرف زهقان منو
وانا برأيي ماحدا بيقدر بيعمل شاعر اذا ماجرب كل الالوان
وعلى فكرة الطق مابيقلل من قيمة حدا
بالعكس كل انسلن والو احترامو ومكانتو
ورغم كل شي بعدني بحبكن وبعتذر اذا اساءت لحدا قبل مبادرتو بالإساءة إلي
وانتوا كلكن شعار كبار ومستواكن راق وخلصنا يا اخي انا مابتحدا حدا بعد
وهاي . . عرفتوا شو معناها نقطتين ع السطر هههههههههههه
اخيرا سليمان معك حق ما حدا غيرك بيحملني
تصبحوا ع خير


بو شربل

بسيطة يا شباب ما صار شي كلنا اخوة واللي في شي مش عاجبو من شاعر يبعتلو رسالة ويقلو ما كلنا عم نتسلى من الاحوال الزفت
بربكون خلص بلشو سبو بس يكون بالشعر
ههههههههههههههههههههه
حرف جايبيك
تا فك رقبتك وخلص اذا حدا ازعج منك حقو عليي انا بس والله كانت جولة حلوة لوما شوية زبالي نزعوا العركة
هههههههههههههههههههههههههههههههه
salomon
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

عتابا وميجنا في برحليون مشكّلة Empty رد: عتابا وميجنا في برحليون مشكّلة

مُساهمة من طرف salomon في 10/29/2009, 10:35 pm

حكمة شديد

حاجي بقا إتهامات. كيف بدي إمحيلك وما معي حق المحي بالموقع؟ وشو أنا كمان محيت الصفحات ؟ يعني كيف بتقول هيك؟ بعدان شو أنا عندي شراكة بفايسبوك ؟ أو مهندسها؟ لي الإفتراء هيك لي؟ أنا بسب يلي صار معك وبعدو عن يصير، حلفت إتبارى مع شاعر ما بعرفو وفايت بإسم وهمي. يعني شو فيها لو عرفنا مينك؟ شو هربان من الإنتربول؟؟؟ هاهاهاها. نحنا بي شو أهناك؟

أنت بتحب النوع يللي بتسميه "الطق" ويمكن معظم مستمعين الزجل بيحبو هالنوع كمان. أنا بالعكس بحب الكلمة يللي متعوب عليها ومنحوتة نحت وفيها رابط مع الأحاسيس الإنسانية مش عا طول خبيط وضرب كأنا بالعصور الحجرية.

لاكن بحترم رأيك ومستعد بكل لحظة شارك بمباراة معك عا شرط توديلي عل الخاص رقم تلفونك تا إتصل فيك وأعرف مينك. ومن وين. مبين بوضوح عندك قلب طيب ومش حقود . بالتأكيد عندك شعر حلو بإسم تاني يعني بإسمك الحقيقي. لاكن لأنك متخفي، قاعد بتسبسب وبتشتم . يا رجل في ناس ما بيحبو هالطريقة بالمعاملة...أنا ما بتيقها. شوف الناس يللي بيحبوها واستعملها معن . أنا شخصياً مني مستعد كون سلة مهملاتك. ساعة بتسميني متعجرف وساعة بتسميني عنطوز. لي كيف عرفتني هيك؟
عنجديد، إذا بتحب ، أنا مستعد أعرفك بشخصيتك الحقيقية وبتشرف بمعرفتك وعفا الله عما مضى. بس مش بهالطريقة الغلط . أنا تباريت معك إرتجالي عتابا تا تعرف والناس تعرف اني ما توقفت عن التباري معك لأني مستهابك شعرياً. أنت بذاتك بتفهم بالشعر وشاعر وبتعرف مستوى شعري وقدرتي بينك وبين نفسك حتى لو ما اعترفت بهالشي.
بكل محبة بقلك كرمالك وكرمال هالموقع الراقي، وقف هالتضرفات الشواذ هيدي. وناطر إذا بتحب، توديلي اسمك ومن وين ورقم تلفونك وأنا بتصل فيك من هون بكرا. وهيك منبلش صفحة جديدة.

سلامات
salomon
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

عتابا وميجنا في برحليون مشكّلة Empty رد: عتابا وميجنا في برحليون مشكّلة

مُساهمة من طرف salomon في 10/29/2009, 10:36 pm



علي
اذا دمعك على جمعه حبا لي

ونهيدي والوفا الرحمه حبا لي

شرط لا يزرد قناعك حبالي

ع زند الشوق ويجنّو الحباب
salomon
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

عتابا وميجنا في برحليون مشكّلة Empty رد: عتابا وميجنا في برحليون مشكّلة

مُساهمة من طرف salomon في 10/29/2009, 10:37 pm

بحر الزجل بو شربل

يا حرف سماع منّي بدون منّي***ولا تتهم حكمة بأسلوب فنّي
بأنّو حسابك بفيسبوك عطّل***انا ما بعتقد حكمـــــات ...هنّي

فوتو وشوف بالموقع ..تفتّل***زجلنا صار فوق النت جنّة
وألك بالفضل يا حرف المبجّل***عملت النت أفضل من مغنّي

واذا أنطون منّك ما تحمّل***عطوني فوق طوني كب عنّي
شي كيلو رز وشوية متبّل***وتعا يا صاحبي حكمـــــات هنّي

ولأنّو المنتدى عنّا مشكّل***في أسود أزرق ونيـــلي وبنّي

في ناس الطق بتحبّو مبكّل***وفي ناس بتعتبر أنّو تجنّي

وانا ما كنت بالموضوع بقبل***أنّو ينمحى كلمة لأني
حريص على الزجل تا يصير أجمل***وما بدنا شعر هابط بالتدنّي

انا زعلان من طوني وبسأل***ببيتو ليش ما بينحط أنّي
زبالة قال يا حكمة تأمل***وقمتوا عا الحرف من حيثو طقّو
بسيوف الفن وشفار الأسنّي

ههههههههههههههههههههههههههههههههههههههههه

شباب اللي بدو يجاوبني يجاوب شعر رجاء اذا كان من رأيي أو رأيي الأخر نحترم جميع الأراء

بحر الزجل ومدير منتدى برحليون

سليمان طراد
salomon
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

عتابا وميجنا في برحليون مشكّلة Empty رد: عتابا وميجنا في برحليون مشكّلة

مُساهمة من طرف salomon في 10/29/2009, 10:37 pm

حرف

حلووووووو ياويلي عليك عجبتني يادكتور حكمة
بهالمداخلي المنطقية بس عندي بعد سؤال
انا ماقلت انتي إدارة ومحيتلي مباشرة .قلت عندك
حدا من اصحابك بفريق فيس بوك وطلبت منو يمحيلي
مابعرف ! هيذا قرار ظني والايام جايي ومنعرف مين اذا
طلعت مش انتي .انا رح اعتذر منك على كل شي وبوديلك
ساعتها ع الخاص ناص مين حرف ومنصير اصحاب

=====================
وهلق بعد ماكنت مقرر ماحاور حدا
بس طلعوا معي وحرام يروحوا بس تاتعرف اذا بدي حاور كيف اسلوبي
وكيف مستوا حرف سماع واعطيني رأيك

=====================

ياحكمت انت صخر الصم شاعـر
وبظروف الحرف والطــق شاعر
وحرف ما قال عنك غير شاعر
وياويلي عليك مزحـــــة ياشباب
============

بيوم سبوع يما بشــــهـر والعام
بي بحر الطق بهوا الغاص والعام
وببعتلك كنت ع الخاص والعـــام
مين الحرف لو صرنا صحــــاب
============

لا تسأل غير حرف الشعر مَنّ طق
وبدون الطق يمكن قهر منطـــــــق
وإذا بتحب نحكي شوي منطـــــــق
الحرف بيرصّع الكلـــــــمة ذهـــب
=============
بــــــوقت ماكنت طفل ب
رحم
إمي
خلقت للشعــــــر قـــائد كل
أمـة
وعلى درب العلم أو درب أمّي
نقّي الأهون
وخلّي الصعــــــاب
============
شفت كيف بكتب لو بدي حاور
هههههههههههههههههههههه
salomon
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى