منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================

منتديات الزجل اللبناني الشاعر: عمار البراضعي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

ترحيب بالشاعر فادي فياض

اذهب الى الأسفل

ترحيب بالشاعر فادي فياض Empty ترحيب بالشاعر فادي فياض

مُساهمة من طرف 7arf في 12/16/2009, 12:55 am


أهلا بشاعر مارق على مسرحــــي = منو الوحي بالشعر كان بينوحـــي
من اهل بيت الحرف فادي بتنحسب = ولا تخاف مافي شعر عنا بينمحي


==============
ياهلا نورت


عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
7arf
7arf
admin

عدد الرسائل : 1125
العمر : 53
تاريخ التسجيل : 01/11/2006

الرجوع الى أعلى الصفحة اذهب الى الأسفل

ترحيب بالشاعر فادي فياض Empty رد: ترحيب بالشاعر فادي فياض

مُساهمة من طرف rabeaa في 12/16/2009, 4:00 am

اسمك يا فادي الذوق عا جنبو مَضا
لمّا زجل لبنــــان بوجــودك حـضـا
فكرك رضا شــعار عملقـة الـزجـل
لما بمجالك ضاق شفــنا هالفـــضــا
rabeaa
rabeaa
عضو فعال

عدد الرسائل : 116
تاريخ التسجيل : 31/05/2007

الرجوع الى أعلى الصفحة اذهب الى الأسفل

ترحيب بالشاعر فادي فياض Empty رد: ترحيب بالشاعر فادي فياض

مُساهمة من طرف salomon في 12/16/2009, 5:56 am

عا الأوووف شفتك جبل...عم تشلح براكيين
وعا النت عندك وعي وعا المنتدى جاييي


تزرع ورود الشعر بالمنتدى بساتيين
وترفع بأيد الزجل يا صاحبي الرايييي

وتصيغ عنا الأدب من أجمل عناويين
ويدوب فينا النغم من روعة الأااايي

عا الأوووف لما نزلت شفتك يا فخر الدين
منقّى بيوت الزجل بالأووف تنقايي

يا دل موسى ان غضب أو غلّط المسكين
وما كنت أوّل شخص باقي بتصفايييييي

رح جيب صوت القدر تا يصوّت ومع مين
بيلعب أمير الزجل بتقول الحكايي

بدنا العلامة تجي بالمستوا تسعين
وعشرة عا عشرة النغم ما بظنها كفاييي

يا أهلا بمدير موقع الغروب عا الفيس بوك الشاعر الصديق فادي فياض واحد نجوم برنامج أوووف بنتمنالو النجاح
وبنطلب من كل محبين الزجل اللبناني يصوتولو بالبرنامج

بحر الزجل


salomon
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

ترحيب بالشاعر فادي فياض Empty رد: ترحيب بالشاعر فادي فياض

مُساهمة من طرف الشاعر فادي فياض في 12/16/2009, 5:10 pm


جايي وبقلبي الفرح فيّق شهر نيســــــــــان --- وسبّح فضول النظر بالمرج وقمــــــارو
وهالمرج عطرو وفا وزهرو الحلو قصـدان --- ونبعو بيدفق وحي من عيون نـــــوارو
ويا حرف بعدك بطل يا عنتر الميـــــــدان --- وشعرك دبحت الضجر بسنان منشــــارو
بالفايسبوك انمحى من مواسمك ألــــــوان --- وبالقلب ما بينمحي الموسم ولا غمـــارو
وربيع شعرك سطع عا مراية الوجــــدان --- ومن هيك نور ودفا خيوط الشمس غاروا
وكلما بتكتب شعر بالموقـــــــع الحليــان --- بتسكب بكاسي خمر صـــافي من جرارو
وخيي وحبيب القلب بتضل يا سليمـــــان --- من دون فكرك ما كفا الشعـــــر مشوارو
عالأوووف لما طلعت بالموعد الشعـلان --- حسيت انو الزجل نادى لشعـــــــــــــارو
تتمنيت انك تجي من غربة الهجــــــــران --- ونطلع بحلقة سوا ونتقل عيـــــــــــــارو
الله يديم الزجل يا رفاقنا الشجعـــــــــــان --- وتبقوا المنارة العليها نجومنـــــــا داروا
وأصدق تحيي لهالموقع لهالبستــــــــان --- الفارض وجودو بفضل مجهود عمّــارو

الشاعر فادي فياض
شاعر

عدد الرسائل : 3
العمر : 43
تاريخ التسجيل : 16/12/2009

http://www.hotmail.com

الرجوع الى أعلى الصفحة اذهب الى الأسفل

ترحيب بالشاعر فادي فياض Empty رد: ترحيب بالشاعر فادي فياض

مُساهمة من طرف عمار البراضعي في 12/17/2009, 2:42 am

ياشعر رحّب معي كلما دخل حســـــون = وإفرش عادرب الزجل كل ميل سجادة
وياخمر مزمز معي قصدان من العيـون = فياض بحر الزجل لمــــــــواج ردادي

لما بميزانو ابتدا الترجيح يعطي فـنــون = والشعر ينحت حلا بإبداع مش عــادي
وكلما بورد الحلو يعقد زهر طربـــــون = زرار المحبة عطر بتضوع بزيــــادي

ممنون منك انا عا هالسكب ممنــــــون = حامل وفـاك ومعك من سكبك شهـــادة
ابن الشهامة كتب بيتو الحلو المــوزون = وعالي الكــرامة دخل وانضم للنـــادي

وعالتيم لما قصد كرز الأرز عاغصون = صاحوا شلوح الأرز والطود والـوادي
لما بموقع زجل أو منتدى بتكـــــــــون = صدرو انفتحلك هلا وشرفت يافــــادي

* * * * * * * * * * * *



----------------------------------------------
" كرمالكم ع النت تابعــنـــــــا = نسقي القوافي من منابعنا "
" بوجودكم معنا امتلت بالذوق  = ومندونكم مافي لها معـنا "
----------------------------------------------
عمار البراضعي
عمار البراضعي
المدير العام

عدد الرسائل : 1125
العمر : 53
Localisation : لبنان - ضهر الاحمر
تاريخ التسجيل : 22/01/2007

https://7arf.editboard.com

الرجوع الى أعلى الصفحة اذهب الى الأسفل

ترحيب بالشاعر فادي فياض Empty رد: ترحيب بالشاعر فادي فياض

مُساهمة من طرف salomon في 12/17/2009, 2:51 am

عمار البراضعي كتب:
ياشعر رحّب معي كلما دخل حســـــون = وإفرش عادرب الزجل كل ميل سجادة
وياخمر مزمز معي قصدان من العيـون = فياض بحر الزجل لمــــــــواج ردادي

لما بميزانو ابتدا الترجيح يعطي فـنــون = والشعر ينحت حلا بإبداع مش عــادي
وكلما بورد الحلو يعقد زهر طربـــــون = زرار المحبة عطر بتضوع بزيــــادي

ممنون منك انا عا هالسكب ممنــــــون = حامل وفـاك ومعك من سكبك شهـــادة
ابن الشهامة كتب بيتو الحلو المــوزون = وعالي الكــرامة دخل وانضم للنـــادي

وعالتيم لما قصد كرز الأرز عاغصون = صاحوا شلوح الأرز والطود والـوادي
لما بموقع زجل أو منتدى بتكـــــــــون = صدرو انفتحلك هلا وشرفت يافــــادي

* * * * * * * * * * * *


وحياة الله حلو عن جد يا عمّار***شعرك جميل السكب..وبيوتك غناني
وحروف فيها حلا..من سكّر الأشعار***وأفكار طعمة خمر..والموقع قناني

رائـــــــــــــــــــــــــــــــــــع
salomon
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

ترحيب بالشاعر فادي فياض Empty ترحيب بالشاعر فادي فياض

مُساهمة من طرف 7arf في 12/17/2009, 3:05 am

يابدر إسهر معي ومن جوونا لاتغــــيــــب = شعشع بليل الدجى ضوك على إصولو
المن أهل بيتي انحسب لو لازمو ترحيـــب = أول دخــولو حملت شمعة على طولـو

أهلا بفادي الذهب ع الأوف بالترتيــــــــب = شاعر اللجنة دوخ تاكمل فصولـــــــو
بروعةّ أدائو ختم ع منابر التهذيــــــــــــب = ولاد المنابر فرق عن غيرن يقولـــوا

وغيرك الرايح غوا كان الزجـــــل بيعيــب = مش رح بسمي حدا ولا بذكر فضولو
كان بعد بدي الحلو لو كان طعمــو زبيــب = ع الأوف يطلع معي ويصيـح محولـو

وتلميذ هوي انعرف مهووس بالتشطــيـــب = لو حك مات انقرا موصول نادولـــــو
نحنا حبسنا الجرح عن قصد بالتقطـيـــــب = وكرمال فادي سكتت ماقطعت مريولو

مش صعب شاعر يجي اللي ناقصو تأديب = التاجر ضميرو غفي ولعنــات ودولوا
وشاعر وابن الأصل هون الصعوبـي نجيب = اللي متل فادي انعرف بالـورد لاقولوا

===================
الف هلا بفادي وشكرا لمرور الجميع تسلموا يا أشاوس


عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
7arf
7arf
admin

عدد الرسائل : 1125
العمر : 53
تاريخ التسجيل : 01/11/2006

الرجوع الى أعلى الصفحة اذهب الى الأسفل

ترحيب بالشاعر فادي فياض Empty رد: ترحيب بالشاعر فادي فياض

مُساهمة من طرف salomon في 12/17/2009, 3:22 am

الشاعر فادي فياض كتب:جايي وبقلبي الفرح فيّق شهر نيسان --- وسبّح فضول النظر بالمرج وقمارو
وهالمرج عطرو وفا وزهرو الحلو قصدان --- ونبعو بيدفق وحي من عيون نوارو
ويا حرف بعدك بطل يا عنتر الميدان --- وشعرك دبحت الضجر بسنان منشارو
بالفايسبوك انمحى من مواسمك ألوان --- وبالقلب ما بينمحي الموسم ولا غمارو
وربيع شعرك سطع عا مراية الوجدان --- ومن هيك نور ودفا خيوط الشمس غاروا
وكلما بتكتب شعر بالموقع الحليان --- بتسكب بكاسي خمر صافي من جرارو
وخيي وحبيب القلب بتضل يا سليمان --- من دون فكرك ما كفا الشعر مشوارو
عالأوووف لما طلعت بالموعد الشعلان --- حسيت انو الزجل نادى لشعارو
تتمنيت انك تجي من غربة الهجران --- ونطلع بحلقة سوا ونتقل عيارو
الله يديم الزجل يا رفاقنا الشجعان --- وتبقوا المنارة العليها نجومنا داروا
وأصدق تحيي لهالموقع لهالبستان --- الفارض وجودو بفضل مجهود عمّارو


حلوووووووووووووووووووووووووووووووووووووووووو يا فادي

خليّت بحر الزجل..يغرق مع الأبيات***ويدوب متل التلج..من شعرك الحامي
يا مية ألف وهلا..يا شاعر الكلمات***توجّت موقع حلو..بالزنبق النامي


حلووووووووووووووووووووووووووووووووووووو مرى تانية
salomon
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

ترحيب بالشاعر فادي فياض Empty رد: ترحيب بالشاعر فادي فياض

مُساهمة من طرف hiam في 12/18/2009, 1:25 am

بداية اهلا وسهلا بالشاعر فادي فياض وكم كنت اتمنى ان اجيد كتابة الشعر الزجلي الذي استوهي قرائته وسماعه ولكنني ساحاول رغم عدم قدرتي على ذلك


ياريت متل النحل فينا الرحيق نجيب\\\\\\ونمج زهر الشعر من طعمت بلادي
ونذوق طعم العسل عاصفحت الترحيب\\\\بكلمات فيها الشهد من منحلت فادي

ارجو عدم المؤاخذة على ابياتي المتواضعة
وأهلا بشاعرنا الذي انضم الى اسرة منتدانا بين اخوته واخواته
متمنية التوفيق له وللجميع
بكل حب وتقدير
هيام
hiam
hiam
عضو مميز
عضو مميز

عدد الرسائل : 58
تاريخ التسجيل : 10/02/2007

الرجوع الى أعلى الصفحة اذهب الى الأسفل

ترحيب بالشاعر فادي فياض Empty رد: ترحيب بالشاعر فادي فياض

مُساهمة من طرف Nana في 12/18/2009, 5:04 am

اهلا وسهلا بالشاعر فادي فياض وكم اسعدنا انضمامك
الاسرة منتدانا الغالي نتمنى ان تفيد وتستفيد فلا تبخل علينا بالمزيد من بوح اقلامك الجميلة
ونزف مشاعرها
--------------------------------------------------


التوقيع
][[ندعوك للتسجيل في المنتدى أو التعريف بنفسك لمعاينة هذه الصورة]][^][[ندعوك للتسجيل في المنتدى أو التعريف بنفسك لمعاينة هذه الصورة]][ ليس اليتيم الذي قد مات والده بل اليتيم يتيم العلم والادبي ][[ندعوك للتسجيل في المنتدى أو التعريف بنفسك لمعاينة هذه الصورة]][^][[ندعوك للتسجيل في المنتدى أو التعريف بنفسك لمعاينة هذه الصورة]][
Nana
Nana
مشرف

عدد الرسائل : 32
العمر : 41
تاريخ التسجيل : 22/01/2007

الرجوع الى أعلى الصفحة اذهب الى الأسفل

ترحيب بالشاعر فادي فياض Empty رد: ترحيب بالشاعر فادي فياض

مُساهمة من طرف الشاعر فادي فياض في 12/18/2009, 5:55 am

شكرا يا جماعة بالفعل مسؤولية كبيري عالشاعر يكون بموقع أدبي فيه هالباقة من الشعراء والشاعرات . انشالله كون مستاهل كل هالترحيب وكون على قد هالمسؤوليي
شكرا اصدقائي عمار وحرف وسليمان وهيام ونانا . هيام إذا بتعتبري هالبيتين الشروقي محاولة ما عاد بدنا ياكي تحترفي خليكي عم تحاولي ..... كلام رائع


مرة سألت الشمس هيي وعم بتغيب ---شو السر انو البحر بيحبك زيادي
قالت عصرني الشفق بالبحر خمر يطيب --- تا صار شاعر معو الموجات ردادي
يا رفاق خلو الزجل من بالنا ما يغيب --- تا يضل عمرو بعمر أرزات أجدادي
وبهيك نادي شفت شعرو تمر وزبيب --- اليوم اقبلوني عضو مع أسرة النادي

انشالله عا قد ما الظروف والوقت بيسمح منتشارك سوا أفكارنا ومشاعرنا بمواضيع وجولات شعريي وبدوري بدعي إدارة المنتدى وجميع الأعضاء انكن تشاركونا ببيتكن التاني وبموقعنا الزجلي عالفايسبوك هيك منغني ومنغتني من بعض . بس انشالله هالمرة يا حرف تكون إدارة الفايسبوك راضيي عنك وما تمحيلك هههه عم بمزح ناطرينكن
هيدا العنوان : [ندعوك للتسجيل في المنتدى أو التعريف بنفسك لمعاينة هذا الرابط]

الشاعر فادي فياض
شاعر

عدد الرسائل : 3
العمر : 43
تاريخ التسجيل : 16/12/2009

http://www.hotmail.com

الرجوع الى أعلى الصفحة اذهب الى الأسفل

ترحيب بالشاعر فادي فياض Empty رد: ترحيب بالشاعر فادي فياض

مُساهمة من طرف 7arf في 12/19/2009, 2:13 am


أخ فادي شكرا على دعوتك وممنون عينك
بس لو بالفيسبوك بتكون إلادارة من قبلك بس
أو محصورة بناس معروف مين هني
احلا ماينطبق علينا مثل : مين جرب المجرب....
وكنت بروح فورا بلا دعوة رغم الحذف مرتين
أما لهالسبب بدك تعذرني لاني انا غير راضي عن البعض بإدارة الفيسبوك
متل ...... و ...... و ....... هههههههههه لا بلاها عن امزح بس نصيحة اخوية للكل
البيحب يكون ارشيفو محفوظ يآخذ نسخة عن كل اللي بيكتبو ع النت ورغم انو المنتديات
فيها حماية اكثر وبيقدر الانسان يآخذ نسخة إحتياطية من قواعد البيانات لكل منتدى
هيذا رأيي الشخصي وبالمقابل انشالله يصير عندك منتدى خاص فيك تاكون أول المسجلين
فيه وإلي الشرف .اما الفيس بوك لا والف لا لسبب بشوفو خرج التعارف ونشرالصور فقط
ولعب البوكر والتسلية ونشر اعلانات مش اكثر.
وبالنسبة لأخوتنا الباقيين من إدارة وزميلات واعضاء فلهم الحرية...
تحياتي وياويلي عليكم هههههههه ومش ياويلي على الفيس بوك
اخوكم حرف
============


عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
7arf
7arf
admin

عدد الرسائل : 1125
العمر : 53
تاريخ التسجيل : 01/11/2006

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى